திருமண அழைப்பிதழில் மஞ்சள் பூசுவது ஏன்?

 மங்கல காரியங்களின் அடையாளமாக மஞ்சள் கருதப் படுகிறது. எந்த ஒரு சுப காரியத்தைத் தொடங்குவதாக இருந்தாலும், அதனை மஞ்சளை உபயோகித்து ஆரம்பிப்பது தொன்றுதொட்டு இருந்து வரும் வழக்கங்களில் ஒன்றாகும். அதனால்தான் சுப காரியத்தின் தொடக்கத்தில் மஞ்சளில் பிள்ளையார் பிடித்து வைக்கிறார்கள். மஞ்சள் என்பது வெறும் ஆன்மிகம் மட்டும் இல்லை. அது அறிவியல் ரீதியாக ஒரு கிருமி நாசினியும் ஆகும். மஞ்சள் இருக்கும் இடத்தில் செல்லரிக்கும் பூச்சிகள், விஷ ஜந்துக்கள் அவ்வளவு எளிதாக நெருங்காது. அதனால் தான் திருமணம் போன்ற சுப நிகழ்வுகளுக்கு அச்சடிக்கப்படும் அழைப்பிதழ்களின் நான்கு முனைகளிலும் மஞ்சளை பூசுவதை வழக்கமாக வைத்திருக்கிறார்கள். ஒரு மனிதனின் வாழ்நாளில், அசைபோடக்கூடிய சுகமான நினைவலைகள் என்று இருக்கும். அவற்றில் நம் இல்லத்தில் நடக்கும் சுபகாரியங்கள் முதன்மையானவை. அந்த சுப காரியங்களை நடத்துவதற்கான அழைப்பிதழை, 50 ஆண்டுகளுக்குப் பிறகு எடுத்துப் பார்க்கும்போது, அந்த சுகமான காலங்கள் நம் கண்முன்பாக நிழலாடுவதை எவரும் மறுக்க முடியாது. அந்த இனிமையான நினைவலைகள் நம்மை உற்சாகம் கொள்ள வைக்கும். மஞ்சளில் இருக்கும் கிருமிநாசினி, சுபகாரிய அழைப்பிதழ்களை பூச்சரிக்க விடாது பல வருடங்களுக்கு பாதுகாக்கும்.

எனக்குப் பிடித்த ரகுவரனின் முகம்.

 ‘முகவரி’ திரைப்படத்தின் மொட்டை மாடி காட்சி இன்றளவும் அனேக சினிமா ரசிகர்களுக்கு விருப்பமான காட்சியாக இருக்கும். குடும்பத்தினர் வானவில்லை ரசித்துக்கொண்டிருப்பார்கள். அனைத்துத் துண்டுச் சீட்டுகளிலும் ஶ்ரீதர் என்று எழுதப்பட்டிருப்பதைப் பார்க்கும் அஜித் ரகுவரனிடம் வருவார். அஜித்திடம் ‘ஶ்ரீதர்.. நீ வானவில் பாக்கல’ என்று ரகுவரன் கேட்க ‘பாத்துட்டண்ணே’ என்று பதிலளிப்பார் அஜித். கையிலிருக்கும் சீட்டுகளை அஜித் காட்ட ரகுவரனின் முகம் புன்னகைப் பூத்திருக்கும். அப்படியே தம்பியின் தோளில் கைப்போட்டு அணைத்து ஆசுவாசமாக அழைத்துச் செல்வார் ரகுவரன். தம்பி மீதான பாசத்தின் வெளிப்பாடாக இந்தக் காட்சி அமைந்திருக்கும். ‘முகவரி’ படத்தில் இருந்த அண்ணன் கதாப்பாத்திரத்திற்கு நேரெதிர் கதாப்பாத்திரமாக ‘உயிரிலே கலந்தது’ திரைப்பட்டத்தில் சூர்யாவுக்கு அண்ணனாக நடித்திருப்பார் ரகுவரன். பொறாமையில் தம்பியையே கொலை செய்யத் துணியும் கொடூரமான அண்ணனாக மி்ரட்டியி்ருப்பார்.

இரண்டுமே அண்ணன் கதாப்பாத்திரம். ‘முகவரி’ படத்தில் ஆசையாக ரசிக்க வைத்த ரகுவரன் ‘உயிரிலே கலந்தது’ படத்தில் எரிச்சலாக வெறுக்கச் செய்திருப்பார். இதுதான் ஒரு நடிகனின் வெற்றி. ஏற்றுக்கொண்ட கதாப்பாத்திரத்தின் மூலம் அந்தக் கதாப்பாத்திரத்தின் தன்மையை பார்ப்பவர்களுக்கு உணர்த்துவது. ரகுவரன் அதில் திறமையானவர். ரகுவரனை வில்லன் நடிகர் என்ற ஒற்றை அடைமொழியில் சுருக்கிவிடுவது அபத்தம். கடலைக் காட்டி குளம் என்று சொல்வது போல அது. தமிழ் சினிமா கண்டெடுத்த ஆகச்சிறந்த தூய்மையான நடிகர்களில் ரகுவரன் மிகமுக்கியமானவர் அல்லவா அவர்.

இன்று ரகுவரனின் நினைவு தினம்.

ரோகினி தான் பகிர்ந்திருந்த ட்விட்டர் பதிவில் ‘ரகுவரன் இன்று உயிரோடு இருந்திருந்தால் இன்றைய சினிமாவை மிகவும் விரும்பியிருப்பார், ஒரு மகிழ்ச்சியான நடிகராகவும் இருந்திருப்பார் ’ என்று ரகுவரனை நினைவுகூர்ந்திருந்தார். அத்தனையும் சத்தியமான வார்த்தைகள்.

வெகுசில நடிகர்களால்தான் காலத்திற்கேற்ப தங்களை மாற்றிக்கொண்டு அந்த அந்த காலக்கட்டத்தின் ரசிக எதிர்பார்ப்புகளைப் பூர்த்தி செய்வார்கள். 80கள், 90கள் தொடங்கி 2000ஆம் ஆண்டுக்குப் பிறகும் ரகுவரன் வேறுபட்டுக்கொண்டே வந்தார். இந்த தசாப்தத்திலும் வில்லனாக குணச்சித்திர நடிகராக சிறந்து விளங்கியிருப்பார்.

‘முதல்வன்’ திரைப்பபடத்தில் பழுத்த அரசியல்வாதி அரங்கநாதனாக நடித்தபோது அவருக்கு வயது வெறும் 40தான். ஆனால், அந்த வயதுக்கான சாயலே இல்லாமல் கதாப்பாத்திற்கேற்ற அனுபவத்தை நடிப்பில் காட்டியிருப்பார். இயற்கையில் கருணையில் இன்று அவர் இருந்திருந்தால் அவருக்கு வயது 65. ஒரு மூத்த நடிகராக இன்றைய இளம் இயக்குநர்கள் நிச்சயம் அவரைக் கொண்டாடி மகிழ்ந்திருப்பார்கள்.

சினிமா காட்டும் முகங்கள் என்றுமே நிஜத்திற்கு அருகில் செல்லாது. சினிமா காட்டும் ரகுவரனின் நிழல் முகத்தைவிட அவரது நிஜ முகம் மிகவும் அழகானது. அதற்கு உதாரணம்தான் அவர் காதலைப் பற்றிச் சொன்னது. ஆனந்த விகடனில் ‘நினைவோ ஒரு பறவை’ என்ற தொடரில் தனது அனுபவங்களைப் பகிர்ந்திருந்தார்.

அதி்ல் அவர் சொன்னது.

“‘காதல்னா இதுதாம்பா’ன்னு தனியா பிரிச்சு எடுத்து பாக்கெட் போட்டு லேபிள் ஒட்ட எனக்குத் தெரியாது. ஆனா உணர்ந்திருக்கேன்.

மனசுக்குப் பிடிச்ச விஷயத்த ஆராதிக்குறதுதான் லவ். நம்ம மாதிரி பசங்களுக்குத் தேவப்பட்ற ஆறுதல், ஆதரவு, அன்பு எல்லாமே ஒரே பொண்ணுகிட்ட கிடச்சுட்றது அல்லது கிடச்சதா நாம ஃபீல் பண்றது தான் லவ்.

‘காதல் ஒரு அனுபவம் பாஸ். அது வேணும்’!

அதே பகுதயில்

எனக்குப் பிடித்த ரகுவரனின் முகம்.

“திருவிழாவுக்குப் போனா சாமிய கும்பிட்றத விட திருவிழால தொலஞ்ச குழந்தைய கொஞ்சுற ஆள் சார் நான்” என்று சொல்லும் ரகுவரனின் relatable முகம்.

All reactio

முழு நலத்துக்கு முக்கனிகள் .

 மா, பலா, வாழை முக்கனிகளாகும். இதில் உள்ள சத்துக்களும் அதன் பயன்களும் குறித்து பார்ப்போம். மாம்பழம்: முக்கனிகள் என்று போற்றக்கூடிய பழங்களுள் முதல் கனி மா. மாம்பழத்தில் 15% சர்க்கரை, 1% புரதம், பெருமளவு உயிர்ச்சத்துக்கள் ஏ, பி, சி ஆகியவை உள்ளன. கண் பார்வை, மாலைக்கண் நோயை எதிர்க்கிறது. வைட்டமின் சி அதிகம் உள்ளதால் நோய் எதிர்ப்பு சக்தி தருகிறது. நோஞ்சான் பிள்ளைகள் உடல் தெம்பும் எடையும் பெறுகின்றனர். இருதயம் வலிமை பெறும். பசி தூண்டும். உடல் தோல், நிறம் வளமை பெறுகிறது. முகத்தில் பொலிவு உண்டாகும். கல்லீரல் குறைபாடுகள் விலகும். புது இரத்த அணுக்கள் உற்பத்தியாகும். உடல் வளர்ச்சி பெறுகிறது. பலாப்பழம்: பலாச்சுளைகள் பொட்டாசியம், கால்சியம், பாஸ்பரஸ் ஆகிய உப்பு சத்துக்களும் உயிர்ச்சத்து ஏ மற்றும் சி-யும் அதிக அளவில் கொண்டுள்ளன. கொட்டைகள் உயிர்ச்சத்து பி1, பி2 ஆகியவை கொண்டுள்ளன. பழுத்த பலாச்சுளைகள் மலமிளக்கியாக செயல்படுகின்றன. நார்ச்சத்து அதிகமுள்ள பலாப்பழம் செரிமானத்துக்கு நல்லது. வைட்டமின் ஏ, பி, சி கால்சியம் உள்ளிட்ட சத்துக்கள் நிறைந்த இப்பழம் முதுமையை தடுக்க வல்லது. கார்போஹைட்ரேட், பொட்டாசியம், கால்சியம் சத்து, புரதச்சத்து ஆகிய சத்துக்கள் உள்ள இந்த பலாப்பழம், புற்றுநோய் வராமல் தடுக்கும். பொட்டாசியம் அதிகம் இருப்பதால், இரத்த அழுத்தத்தை குறைத்து இதய நோய் வராமல் தடுகிறது. பலாப்பழத்தில் இரும்புச்சத்து இருப்பதால் அனிமியா வராமல் தடுப்பதோடு, உடலில் இரத்த ஓட்டத்தை சீராக்குகிறது. இது வயது ஆவதால் ஏற்படும் தோல் சுருக்கத்தைத் தடுக்கிறது. வாழைப்பழம்: உடலில் நீர்ச்சத்தையும் அதிகரிக்கச் செய்யும். மிக ஆரோக்கியமான, ஒரு கெடுதலும் தராத பழவகை இது. இதில் அதிகமான பொட்டாசியம் இருப்பதால் ஆரோக்கியமான வளர்ச்சிக்கு உதவும். சோடியம் உப்பு குறைவாக இருப்பதால் ரத்த அழுத்த நோய் உள்ளவர்கள் சாப்பிடலாம். குழந்தைகளின் ஊட்டத்துக்குச் சிறந்தது. தொடர்ந்து இருமல் இருந்து வந்தால் கருமிளகு கால் தேக்கரண்டி எடுத்து பொடி செய்து கொள்ளுங்கள். அதில் பழுத்த நேந்திரம் பழத்தை கலந்து இரண்டு மூன்று வேளை சாப்பிட்டு வர இருமல் சரியாகும். சின்னம்மை, டைபாய்டு, மஞ்சள் காமாலை ஆகியவற்றுக்கு தேனில் வாழைப்பழத்தைப் பிசைந்து நாள்தோறும் இரு வேளை சாப்பிட வேண்டும். பசும்பாலுடன் ஒரு வாழைப்பழம் சாப்பிட்டு வர அஜீரணம் சரியாகும். தொடர்ந்து நாள்தோறும் 2-3 வேளை இவ்வாறு சாப்பிட்டு வந்தால் மூலநோய் தீரும்.

ராகுல் காந்தியை தகுதிநீக்கம் செய்ய வேண்டும்- சபாநாயகரிடம் உச்ச நீதிமன்ற வழக்கறிஞர் மனு.

 மோடி பெயர் குறித்து அவதூறாக பேசியதாக தொடரப்பட்ட வழக்கில், காங்கிரஸ் எம்.பி. ராகுல் காந்திக்கு குஜராத் மாநிலம் சூரத் நீதிமன்றம் 2 ஆண்டு சிறைத்தண்டனை விதித்தது. மேலும் இந்த வழக்கில் மேல்முறையீடு செய்வதற்கு வசதியாக ராகுல் காந்திக்கு ஜாமீன் வழங்கியது. 30 நாட்கள் தண்டனை நிறுத்திவைக்கப்பட்டுள்ளது. 2 ஆண்டுகள் சிறை தண்டனை விதிக்கப்பட்டதால் மக்கள் பிரதிநிதித்துவ சட்டப்படி ராகுல் காந்தியை தகுதி நீக்கம் செய்யவேண்டும் என உச்ச நீதிமன்ற வழக்கறிஞர் வினித் ஜிண்டால் மக்களவை சபாநாயகர் ஓம் பிர்லாவிடம் மனு அளித்துள்ளார். எம்.பி.க்கள்/எம்.எல்.ஏ.க்கள் ஏதாவது ஒரு குற்றச்சாட்டில் 2 ஆண்டுகளுக்கு மேல் சிறை தண்டனை விதிக்கப்பட்டால், மக்கள் பிரதிநிதித்துவ சட்டம் 1951 பிரிவு 8(3)-ன்படி தீர்ப்பு வழங்கிய நாளில் இருந்து தகுதி நீக்கம் செய்ய முடியும். எனவே இந்த சட்ட விதிகளின்படி, ராகுல் காந்தியை எம்.பி. பொறுப்பில் இருந்து தகுதி நீக்கம் செய்வது தொடர்பாக இன்றே அறிவிக்க முடியும் என்று அவர் தனது மனுவில் குறிப்பிட்டுள்ளார்.

இப்படியே போனா எப்படித்தான்???

 1960

எப்ப பாரு கதை புக் படிக்கிறதே வேலையா போச்சு, பாட புத்தகம் படிக்கிற நேரத்தை விட விகடன் கல்கி அப்புறம் இந்த கருமம் புடிச்ச குமுதம் இன்னொரு வாட்டி கையில் குமுதத்தை பார்த்தேன் அவ்வளவுதான்....

1970

புத்தகத்தை விட்டாச்சு எப்ப பாரு transistor radio அதுல இந்த இலங்கை வானொலி 12 மணி நேரமும் டீக்கடை மாதிரி ஒரே சத்தம்..இளையராஜாவா msv யேன்னு சண்ட.. ஜானகியா லதா மங்கேஷ்கர் யார் நல்லா பாடறாங்கன்னு ஒரே இம்சை.. ஒரு பக்கம் ஹிந்தி பாட்டு ஒரு பக்கம் தமிழ் பாட்டு...

1980

புதுசா வந்திருக்கிற இந்த டிவியை போட்டு உடைச்சிடணும் மழை காலத்துல கோடு கோடா கொர்ன்னு ஒரே சத்தம்... வராத ரூபவாஹினி யை கூட்டிட்டு வர்றேன்ன்னு பாதி நேரம் மொட்டை மாடியில ஒத்த கால தவம்... வெள்ளிக்கிழமை விளக்கேத்தி வைச்சா இந்த வெள்ளைப் புடவை கட்டிண்டு ஓன்னு அழற பாட்டா போடறானுங்க.

1990

எவண்டா இந்த வீடியோ கேசட் ப்ளேயரை கண்டுபிடிச்சவன் ? 18 மணி நேரம் கேசட் வாடகைக்கு எடுத்துட்டு வந்து வீட்டையே தியேட்டராக்கி வைத்திருக்காங்க... Evil dead எத்தனை வாட்டி போட்டு உயிரை எடுப்பிங்கடா ஓடி போயிடு வெளியில

2000

கேபிள் போட்டுட்டு எப்ப பாரு அதுக்கு முன்னாடியே உக்கார்ந்துக்கிறான்... சாப்பாடு டிபன் எல்லாமே ஹாலில்லேயே பாலசந்தர் சீரியல் திங்கட்கிழமை வருமே அது தான் பாக்கற மாதிரி இருக்கு புதன்கிழமை வர்ற விடாது கருப்பு செமயா இருக்கு என்ன இருந்தாலும் ரூபவாஹினி மாதிரி வருமா

2010

24 மணி நேரமும் இந்த இண்டர்நெட் டிலே என்ன பாக்கிறான்னோ படிக்கிறானா இல்லையானே தெரியல சாமி இப்படியே போனா எப்படித்தான் படிச்சு வேலைக்கு போயி ஹம்...

2020

Netflix, amazon , WebTV இந்த கர்மேந்திரியங்கள் வந்த பிறகு முகத்தை பத்து பேசறதேயில்லை சாப்பிடும்போது கூட மொபைலையே முறைச்சிட்டு இருக்கானுங்க...

இந்த வார்த்தைகள் ஒலிக்காத தமிழக இல்லங்கள் மிகவும் குறைவே...

உங்க வீட்டில எப்படிங்க....

சில விஷயங்கள் லேட்டாகத்தான் புரிகிறது.

 இப்போதுதான் என்றில்லை எப்போதுமே இந்த ஊடகங்கள் திமுகவின் பிடியில் தான் சிக்கி கிடந்திருக்கிறது.

இந்த புகைப்படம் எடுக்கப்பட்ட காலகட்டத்தில் இதுவும் இதோடு தொடர்புடைய செய்திகளும் தேர்தல் முடிவையே மாற்றும் அளவிற்கு தாக்கத்தை ஏற்படுத்தின.

ஒரு சுத்தமான இந்துவாக வெளி வேஷம் இன்றி கும்பகோணம் மகாமகத்தில் கலந்து கொண்டபோது அது குறித்த செய்திகள் இப்போதும் நினைவில் உள்ளது.

அன்றைய முதல்வர் ஸ்நானம் செய்ய சுற்றிலும் சுவர் எழுப்பப்பட்டதை கூட அதீத புனைவுகளோடு விதவிதமாக செய்திகள் வெளியிட்டன.

ஆனால் இப்போதான் புரிகிறது, அது திட்டமிட்டு பரப்பப்பட்டது என்று.எப்படி சொன்னால் மக்களிடம் கோபம் உண்டாகும் என்று அதற்கேற்றவாறு செய்திகள் பரப்பட்டன. அந்த அம்மையாரும் அதை பெரிதாக கண்டுகொள்ளவில்லை.

இன்று சமூக ஊடகங்கள் இவ்வளவு தூரம் எளிய மக்களிடம் தாக்கத்தை ஏற்படுத்தி இருக்காவிடின் ஜனாதிபதியின் ஈஷா வருகை கூட இப்படித்தான் சித்தரிக்கபட்டிருக்குமோ என்னவோ...

All reaction

உத்திரகோசமங்கை ஸ்ரீ மங்களநாதார், மங்களநாயகி திருக்கோவில்.

 1.

கோவில் ஸ்தல வரலாறு:-.

இராமேஸ்வரம், உத்தரகோசமங்கை ஆகிய இரு கோயில்களும் முதலில் இலங்கையில் இருந்த கண்டி மகாராஜாவால் கட்டப்பட்டு, பின்பு பலராலும் திருப்பணிகள் செய்யப்பட்டு - ஆதிசைவர்கள் வசமிருந்து பின்னரே இராமநாதபுரம் ராஜாவிடம் ஒப்படைக்கப்பட்டது

அதுமுதல் இன்றுவரை இராமநாதபுர சமஸ்தான ஆளுகைக்கு உட்பட்டதாகவே இந்த ஸ்தலம் இருந்து வருகிறது.

இத்தலத்தில் நடராசர் கோயிலுக்குப் பக்கத்திலேயே சஹஸ்ர லிங்கக் கோயிலும் தனிக் கோயிலாக உள்ளது.

இந்த சஹஸ்ர லிங்கக்கோயில் எழுந்ததற்கான வரலாறு:-

தென்இலங்கை மண்டோதரிக்கு, அவளுடைய தவத்தை ஏற்றுக் காட்சி தந்தருளப் பெருமான் உள்ளங்கொண்டார். அவருடன் இந்த ஸ்தலத்தில் ஐம்புலனும் அடக்கி அருந்தவம் புரிந்து வந்த ஆயிரம் முனிவர்களைப் பார்த்து "மண்டோதரிக்கு (வண்டோதரி) அருள் செய்ய யாம் இலங்கை செல்கின்றோம். நீவிர் அனைவரும் இத்தலத்தை விட்டு அகலாது இருப்பீராக! எம்மால் ஒப்படைக்கப்படும் இவ்வேதாகமச் சுவடிகளை கைவிடாது காத்து வருவீராக! இலங்கையரசன் இராவணனால் எப்போது எம்திருமேனி தீண்டப்படுகிறதோ, அப்போது அதற்கு அடையாளமாக, இத்திருக்குளத்தின் நடுவே அக்கினிப் பிழம்பு தோன்றும்" என்று அசரீரியாக அருள் செய்தார்.

மாதர்குலத் திலகமாக விளங்கிய மாதரசி மண்டோதரி (வண்டோதரி) தன் உள்ளத்தில் எவ்வடிவில் இறைவனை நினைத்துத் தவமிருந்தாளோ அவ்வடிவத்தையே ஏற்று, அழகிய திருஉருவம் கொண்டு இறைவன் சென்று அவளுக்குக் காட்சி தந்தார். தரிசனம் பெற்ற மாதரசி, தன்னை மறந்து, பரவசமாகி, கண்களாரக் கண்டு கைகளாரத் தொழுது பிரமித்துப்போய் அசையாது நின்றாள்.

அப்போது உள்ளே வந்த இராவணனுக்கு . இறைவன் அழகான குழந்தையாக மாறிக் காட்சி தந்தார். அவன் அக்குழந்தையைக் கண்டு அதன் அழகில் மயங்கி 'யார் பெற்ற குழந்தை இது' என்று வினவினான். வண்டோதரி, "யாரோ ஒரு தவமகள் வந்து இக்குழந்தையை இங்கு விட்டு சென்றிக்கக்கூடும்." என்றாள். குழந்தையின் உடம்பில் மாறிமாறித் தோன்றிய வண்ணத்தைக் கண்டு உள்ளம் வியப்புற்ற இராவணன் அக்குழந்தையைக் கையாலெடுத்துத் தழுவி மகிழ்ந்தான். - இறைவன் திருமேனியை இராவணன் தீண்டியதால் - குளத்தில் அக்கினிப் பிழம்பு தோன்றியது. அதுகண்ட முனிவர்கள் செய்வதறியாது திகைத்து, அதில் வீழ்ந்து மறைந்தனர். அவர்களுள் ஒருவர் மட்டும் தம் அறிவால் உணர்ந்து, இறைபணியில் நிற்றலே கடமையென்று முடிவு செய்து, அத்தீர்த்தத்தின் கரையிலேயே அமர்ந்திருந்தார்.

மூதாட்டி ஒருத்தி வந்து மண்டோதரி (வண்டோதரி)யிடமிருந்து குழந்தையைப் பெற்றுச் சென்றாள். இறைவன் திரும்ப வந்து குளக்கரையில் இருந்தவர் மூலமாக நடந்த

செய்தியறிந்தார். மூழ்கிய 999 பேர்களுக்கும், மூழ்காதிருந்த ஒருவருக்குமாக ஆயிரவருக்கும் இறைவன் உமையோடு விடைமீதமர்ந்து காட்சி தந்து தம் சந்நிதியில் தம்முடன் அவர்களை இருத்திக் கொண்டார். இதனால் பெருமானுக்குக் "காட்சி கொடுத்த நாயகன்" என்ற பெயரும் வழங்கலாயிற்று. ஆயிரவர்களும் ஒவ்வொரு இலிங்கவடிவில் இறைவனோடு ஒன்றினர் - அதுவே சஹஸ்ரலிங்கமாக தரிசனம் தருகின்றது. இந்த சஹஸ்ரலிங்ககோயிலை வலம் வந்து வழிபடுவோர் எல்லாச் சித்திகளையும் அடைவர் என்பது தலவரலாறு.

இத்தல மூலவர் ‘மங்களநாதர்’ சுயம்புவாக, இலந்தை மரத்தடியில் தோன்றியவர். இங்கு மங்களேச்சுவரர், மங்களேசுவரி, நடராஜர் ஆகிய மூன்று மூர்த்தங்கள் உள்ளது. இங்கே நடராசர் பச்சை நிற ஒரே மரகத கல்லால் செய்யப்பட்டவர்.

இந்த மரகத நடராஜர் உருவான வரலாறு::-

ராமேஸ்வரம் போகும் வழியில் மண்டபம் என்று பகுதி உண்டு. அந்தப் பகுதியில் “மரைக்காயர்” என்ற மீனவர், வறுமையின் பிடியில் நம்பிக்கையுடன் மங்களேஸ்வரரை தினமும் வழிபட்டு வந்தார். பாய்மரப்படகில் சென்று மீன் பிடித்துவந்து வியாபாரம் செய்து வாழ்க்கை நடத்தி வந்தார்..

ஒரு சமயம் அவர் கடலில் மீன் பிடிக்கும்போது சூறாவளிக் காற்று அடித்து, அவருடைய படகு நிலை குலைந்து எங்கேயோ அடித்து சென்று விட்டது. அப்படியே வெகுதூரம் போனபிறகு ஒரு பாசிபடிந்த பாறையின் மேல் மோதி நின்று விட்டது. பாறை அப்படியே சரிந்து படகிலே விழுந்து விட்டது.

அந்த பாறை ரெண்டு சின்ன பாறைகளும் ஒரு பெரிய பாறையுமாக இருந்துள்ளது. அதுவரை அடித்துக் கொண்டிருந்த புயலும் மழையும் சட்டென்று நின்று விட்டது. மரைக்காயர் அதிர்ச்சியில் இருந்து மீண்டதும், மண்டபம் நோக்கித் திரும்பி வருவதற்கு பார்த்தால் அந்த இடத்தில் இருந்து திக்கும் திசையும் தெரியலை.

மங்களேஸ்வரரை நினைத்து படகை செலுத்தி மிகவும் கஷ்டப்பட்டுப் பலநாள் கடலில் அலைந்து ஒருவழியாக மண்டபம் வந்து சேர்ந்தார். கடலுக்குப் போன இவர் திரும்பிவர வில்லை என்று பலநாட்கள் கவலையோடு காத்திருந்த குடும்பத்திற்கு அப்போது தான் நிம்மதி கிடைத்தது.

படகில் கொண்டு வந்த பாசிபடிந்த கற்களை என்ன என்று தெரியாமல் அதை வீட்டுப் படிக்கல்லாக மரைக்காயர் போட்டு வைத்தார் . அந்த கல் மீது வீட்டுக்குள் போக வர ஆட்கள் நடந்து நடந்து, மேலே ஒட்டி இருந்த பாசி கொஞ்சம் கொஞ்சமாக நீங்கி ஒரு நாள் சூரிய வெளிச்சத்தில் பளபள வென்று மின்னியது.

மங்களேஸ்வரர் மரைக்காயரின் வறுமையான காலக் கட்டத்தில் இருந்து விடுபட அளித்த பரிசு என்பதை உணர்ந்து, மின்னும் பச்சைப் பாறையை அரசருக்கு அன்பளிப்பாகத் தந்தால் வறுமை நீங்கும் என்ற எண்ணத்தால் பாண்டிய மன்னரின் அரண்மனைக்கு மரைக்காயர் சென்றார்.

நடந்த அனைத்தையும் விவரித்து, தன் வீட்டில் ஒரு பெரிய பச்சைக் கல் உள்ளது என்று சொன்னார். அரண்மனை ஆட்கள் பச்சைப் பாறையை வீட்டில் இருந்து எடுத்து வந்து அரசரிடம் காட்டினார்கள்.

மன்னனின் ஆணைப்படி, கற்களைப் பற்றி விவரம் உள்ள ஒருவர் பச்சைப் பாறையை சோதித்து பார்த்தார்…

சோதித்தவர் ஆச்சரியத்துடன் “இது விலை மதிக்கமுடியாத அபூர்வ மரகதக்கல், உலகில் எங்கு தேடினாலும் கிடைக்காது” என்று சொன்னார். உடனே மன்னரும் மரைக்காயருக்கு பச்சைப் பாறைக்கு உரிய பொற்காசுகளை அளித்து வழி அனுப்பினார்.

இவ்வளவு அருமையான கல்லில் ஒரு நடராஜர் சிலை செதுக்க வேண்டும் என்பது அரசரின் ஆசை. இந்த வேலைக்கு உகந்த சிற்பியைப் பல இடங்களில் தேடிக் கடைசியில் இலங்கை அரசன் முதலாம் கயவாகுவின் அரண்மனையில் சிற்பியாக இருக்கும் சிவபக்தர் இரத்தின சபாபதியைப் பற்றிய விவரம் கிடைத்தது.

அவரை அனுப்பி வைக்கும்படி பாண்டியன் ஓலை அனுப்பினார். சிற்பியும் வந்து சேர்ந்தார்.

அவ்வளவு பெரிய மரகத கல்லை பார்த்து பிரமிப்படைந்த சிற்பி “ சிறு சப்தத்திலேயே பல துண்டுகளாக உடைந்துபோக வாய்ப்புள்ள மரகதக்கல்லில், உளி கொண்டு செதுக்கி இத்தனை பெரிய மரகத நடராஜரை வடிக்க என்னால் இயலாது மன்னா” என்று கூறிவிட்டு இலங்கைக்கு திரும்பி சென்றார்.

மன்னன் மன வருத்தத்துடன் உத்திரகோசமங்கை ஸ்ரீ மங்களேஸ்வரர் சன்னதி முன் நின்று பிரத்தனை செய்துக் கொண்டிருந்தார் ,

அப்போது…“நான் மரகத நடராஜர் வடித்து தருகிறேன் மன்னா” என்ற குரல் வந்தது , குரல் வந்த திசை நோக்கி மன்னர் மற்றும் பிரஜைகள் அனைவரும் திரும்பியதும் ஆச்சரியத்துடன் “சித்தர் சண்முக வடிவேலர்” என்ற மாமனிதரை கண்டனர். மன்னனின் கவலையும் நீங்கியது. மரகத நடராஜரை வடிக்கும் முழு பொறுப்பையும் சித்தர் சண்முக வடிவேலரிடம் ஒப்படைத்தார். அவருக்கு தேவையான அனைத்து உதவிகளையும் செய்து கொடுத்தார்.

சித்தர் சண்முக வடிவேலர் அந்த பெரிய மரகத பாறையில் அஞ்சரை அடி உயர நடராஜரை ஒன்னரை அடி உயர பீடத்துடன் அழகாக மிகவும் நுணுக்கமாக மரகத நடராஜர் திருக்கரங்களில் உள்ள நரம்பு தெரியும் அளவிற்கு (பால் அபிஷேகத்தின் போது காணலாம்) வடித்தார்.

பின்னர் மன்னரை அழைத்து முதலில் மூர்த்தியே (மரகத நடராஜரை) நிறுவி பின்னர் கருவறை அமைக்கும் படி அறிவுறை கூறினார்.

மன்னர்கள், முகலாயர்கள், அன்னியர்கள் என பல படையைடுப்புகளை தாண்டி, இன்றும் மரகத நடராஜர் கம்பீரமாக புன்னகை தவழும் முகத்துடன் திருநடனம் புரிகிறார்… இன்றைய இதன் மதிப்பு பல லட்சம் கோடிகளை தாண்டும் இறைவனின் அருளையும் உண்மையான பக்தன் மீது கொண்ட கருணையும் இது

காட்டுகிறது. .

பிறருக்கு நீங்கள் உதவி செய்யாவிட்டாலும், எவர் குடியும் கெட ஒருபோதும் காரணமாக இருக்காத, . பிறருக்கு தீங்கிழைக்காத அனைவருக்கும் ஈசன் அருள் பரிபூரணமாக கிடைக்கும்.

உத்திரகோசமங்கை கோவில் தொடர்புக்கு :- +91- 4567 221 213, 94427 57 691

All reactions: