1986ம் ஆண்டில் இசைஞானி இளையராஜா ஹவ் டு நேம் இட்" (இதற்கு எப்படிப் பெயரிடுவது) என்ற இசைக்கோவையை உருவாக்கி இசை நாடாவைத் தயாரித்து வெளியிட்டார். அதற்காக நடத்திய ஒரு வெளியீட்டு விழாவை மிகவும் எளிமையாகவும், புதுமையாகவும் நடத்தினார். இசையமைப்பாளர் எம்.எஸ்.விஸ்வநாதன், பஞ்சு அருணாசலம், கர்நாடக இசையறிஞர்கள் மற்றும் பம்பாய் இசைக்கலைஞர்கள் சிலர் ஆகியோர் தாம் கலந்து கொண்டனர். நௌஷத் அலி கேஸட்டை வெளியிட, பஞ்சு அருணாசலம் பெற்றுக்கொண்டார். அந்த விழாவில் பேசும்போது இசைஞானி இளையராஜா கூறியது வருமாறு. மேற்கத்திய இசையையும் கர்நாடக இசையையும் இணைத்து இதை உருவாக்கியிருக்கிறேன். இது மக்களால் விரும்பி வரவேற்கப்பட்டால் நான் மிகவும் மகிழ்ச்சியடைவேன். அது, மேலும் இதைப்போன்ற புதிய முயற்சியில் நான் ஈடுபட வழி வகுக்கும். முன்பெல்லாம் இதைப்போல இசைக்குறிப்புகளை நிறைய எழுதி வைத்திருந்தேன். பின்னர் வேறுஒரு சூழ்நிலையில் இதற்கெல்லாம் மக்கள் வரவேற்பு இருக்காது என்று எண்ணிக் கிழித்துப் போட்டுவிட்டேன். இங்கு பேசிய அனைவரும் இது என்னுடைய மிகச்சிறந்த பணி என்று குறிப்பிட்டார்கள். நான் அப்படி நினைக்கவில்லை. இது உயர்வானது என்றால் ‘ஓரம் போ’ பாடல் இசையும், ‘நிலாக்காயுது’ பாடல் இசையும் உயர்வானதுதான். இந்த நல்ல வேளையில் வெறும் ராஜாவாக இருந்த என்னை இளையராஜாவாகக்கண்டுபிடித்த பஞ்சு அருணாசலம், அவர்களுக்கு என் நன்றியைக்காணிக்கை ஆக்குகிறேன்." என்று குறிப்பிட்டார்.அந்த விழாவின் போதுமெல்லிசை மன்னர் எம்.எஸ்.விஸ்வநாதனின் காலில் விழுந்து வணங்கி ஆசிபெற்றார். இளையராஜா.உலகப்புகழ்பெற்ற இசைஞானியான இளையராஜா, தம் காலில் விழுந்து ஆசி கோரியபோது எம்.எஸ் வி. யின் கண்கள் கலங்கிவிட்டன...
No comments:
Post a Comment