பிரபுல்_படே்ல்.

சட்டவிரோத பணப் பரிவா்த்தனை வழக்கில் குற்றம்சாட்டப்பட்டுள்ள முன்னாள் மத்திய அமைச்சரும் தேசியவாத காங்கிரஸ் கட்சியின் மூத்த தலைவருமான பிரபுல் படேலிடம்

அமலாக்கத்துறை அதிகாரிகள் வெள்ளிக்கிழமை சுமாா் 12 மணி நேரம் விசாரணை நடத்தினா்.

அதே நேரத்தில், அவா் விசாரணைக்கு உரிய ஒத்துழைப்பு அளிக்கவில்லை என்றும் அமலாக்கத் துறை அதிகாரிகள் அதிருப்தி தெரிவித்தனா்.

கடந்த 2007-ஆம் ஆண்டு பிரபுல் படேலின் மில்லெனியம் டெவலப்பா்ஸ் பிரைவேட் லிமிடெட் நிறுவனம்

மும்பையில் கட்டிய அடுக்குமாடி குடியிருப்பின் 3-ஆவது மற்றும் 4-ஆவது தளங்கள், நிழல் உலக தாதாவான தாவூத் இப்ராஹிமுக்கு நெருக்கமானவரான இக்பால் மிா்ச்சியின் மனைவி ஹஜ்ரா இக்பாலுக்கு வழங்கப்பட்டது.

இந்த அடுக்குமாடி குடியிருப்பு கட்டுவதற்கான இடம் இக்பால் மிா்ச்சியால் முறைகேடாக வாங்கப்பட்டதாகப் புகாா் எழுந்துள்ளது.

இக்பால் மிா்ச்சி கடந்த 2013-ஆம் ஆண்டு உயிரிழந்துவிட்டநிலையில்,

நில முறைகேடு தொடா்பாக வழக்குப் பதிவு செய்து அமலாக்கத் துறை விசாரணை நடத்தி வருகிறது.

ஆனால், தங்கள் நிறுவனம் முறையாகவே அந்த நிலத்தை வாங்கியதாக பிரபுல் படேல் கூறி வருகிறாா்.

இதுதொடா்பான விசாரணைக்கு ஆஜராகுமாறு சில நாள்களுக்கு முன்பு பிரபுல் படேலுக்கு அமலாக்கத்துறை சம்மன் அனுப்பியது.

அதன்படி மும்பையில் உள்ள அமலாக்கத்துறை அலுவலகத்தில் வெள்ளிக்கிழமை காலை 10.30 மணிக்கு பிரபுல் படேல் ஆஜரானாா்.

சுமாா் 12 மணி நேரம் கழித்து இரவு 10.30 மணியளவில்தான் பிரபுல் படேல் வெளியே வந்தாா்.

அதுவரை அவரிடம் விசாரணை நடைபெற்றுள்ளது.