நீரின்றி அமையாது உலகு என்பது போல மோரின்றி அமையாது உணவு என்று சொல்லலாம். சாம்பார், ரசம் வரிசைக்கு பிறகு அல்லது வத்தக்குழம்பு, ரசம் வரிசைக்கு பிறகு சாப்பிட வேண்டிய உணவு பொருளாக சிறுவயதிலிருந்தே பழக்கப்பட்ட மோரின் குணங்களை அடுக்கி கொண்டே போகலாம். தினமும் உணவின் போதோ உணவு முடித்ததற்கு பிறகோ, நண்பக லிலோ மோர் அருந்தினால் உடலில் பல அற்புதமான முன்னேற்றங்கள் நிகழ்கிறது.பிரத்யேகமான தயாரிப்பும் மெனக் கெடலும் இதற்கு தேவையில்லை என்பதோடு மற்ற எல்லாவற்றையும் விட மிக அற்புதமான சக்தி கொண்டது மோர்.மகத்துவமான சத்து நிறைந்தது மோர் ஆனால் அப்படி என்ன போற்றக்கூடிய அளவில் சத்து இதில் இருக்கு என்பவர்கள் தொடர்ந்து படியுங்கள்..
பாலை விட மோர்
ஆண்களுக்கும், பெண்களுக்கும் கண்டிப்பாக கால்சியம் சத்து தேவை. அதனால் தின மும் 2 முதல் 3 கப் வரை பால் எடுத்துகொள்ளலாம். சிலருக்கு பாலில் இருக்கும் லாக் டோஸ் சர்க்கரை ஜீரணத்துக்கு ஒவ்வாமையை உண்டாக்கும். இதை லாக்டோஸ் இன் டோலரன்ஸ் என்று அழைக்கிறார்கள்.பாலை தவிர்க்கும் போது இவர்களுக்கு கால்சியம் பற்றாக்குறை பிரச்சனை உண்டாகிறது. கால்சியத்தை ஈடு செய்ய பாலுக்கு மாற்றாக மோர் எடுத்துகொள்ளலாம். பாலிலிருந்து தான் மோர் தயாரிக்கிறோம். ஆனால் இரண்டுக்கும் அதிக வித்தியாசம் உண்டு.
பாலை இயற்கையாக இயற்கையில் இருக்கும் நுண்ணுயிரிகள் சேர்ந்து அதை பக்குவப் படுத்தி உடலுக்கு குளிர்ச்சி தன்மையை கொடுக்கிறது. அதோடு உடலுக்கு நல்லது தரும் இயற்கை நுண்ணுயிரிகளை உடலுக்கு கொண்டு செல்வதிலும் மோர் பயன்படுகிறது. அதனால் பாலை காய்ச்சி புளிக்க வைத்து தயிரானபிறகு அதை கடைந்து வெண்ணெய் நீக்கி பெறப்படும் புளிப்பு நிறைந்தது மோர். பாலுக்கு மாற்றாக இதை எடுத்துகொள்ளலாம்.
நிறைந்திருக்கும் கால்சியம்
அன்றாடம் நமக்கு 1000 முதல் 1200 மி.கிராம் அளவுக்கு கால்சியம் தேவை. ஒரு தம்ளர் மோரில் 225 மி.லி அளவு மோரில் 260 மி.கிராம் கால்சியம் நிறைந்திருக்கிறது. தினமும் இரண்டு தம்ளர் மோரை எடுத்துகொண்டாலே கால்சியத்தில் 50% அளவு நமக்கு கிடைத்துவிடுகிறது.
பால் அதிகம் வேண்டாம். பால் பொருள்கள் அதிகம் வேண்டாம் என்று வலியுறுத்துகி றீர் கள். ஆனால் பாலிலிருந்து பெறப்படும் மோரை மட்டும் தவிர்க்காமல் எடுத்து கொள்ள லாமா என்று கேட்கலாம். பாலை காட்டிலும் அதிகப்படியான கால்சியத்தை மோர் கொண்டிருக்கிறது மேலும் உடலுக்கு புரோபயாட்டிக் என்னும் நல்லது செய்யும் நுண் ணுயிரிகளை உடலுக்கு தருகிறது. இவை குடலை சீராக வைத்திருக்கவும். சுத்தமாக வைத்திருக்கவும் உதவுகிறது. இதனால் வயிறு கோளாறுகள் தடுக்கப்படுகிறது. அதனால் தான் அன்றாட உணவில் எல்லா உணவுகளையும் எடுத்துகொண்ட பிறகு இறுதியாக மோர் எடுத்துகொள்ள வலியுறுத்துகிறார்கள். . அதுமட்டுமல்லாமல் உடல் சூட்டை தணித்து உடலுக்கு குளிர்ச்சி தருகிறது.
நீர்வறட்சியை தடுக்கும்
உடலில் அதிகளவு நீர் இருக்கிறது. போதுமான அளவை காட்டிலும் நீரின் அளவு குறையும் போது உடல் நீர்ச்சத்து இழந்து விடுகிறது. நீர்வறட்சியை சந்திக்கும் போது உடல் அதிகப் படியான பாதிப்புக்குள்ளாகுகிறது. தினமும் போதுமான அளவு குறைந்தது 3 லிட்டர் தண் ணீராவது அவசியம் என்று சொன்னாலும் பலரும் இதை பின்பற்றுவதில்லை . ஆனால் நீருக்கு மாற்றாக மோருடன் உப்பு சேர்த்து குடிக்கும் போது உடலுக்கு நீர்ச்சத்து குறை பாடு உண்டாகாது.
அதிலும் கோடைக்காலங்களில் உடலிலிருந்து வெளிப்படும் வியர்வையால் உடலில் உப்பு சத்தும் நீர்ச்சத்தும் குறைகிறது. அதை ஈடு செய்ய நீர் மோர் ஒன்றே போதுமானது. எல்லா காலங்களிலும் ஏற்றது தான். இவை குளிர்ச்சியை உண்டாக்குமோ என்று நினைப்பவர் கள் மழைக்காலங்களில் மோரில் இஞ்சி, சீரகம் அரைத்து சேர்த்து பெருங்காயம் சிட்டிகை சேர்த்து அருந்தலாம்.
வயிறு குளிர்ச்சியடையும்
அதிக காரம், மசாலாக்கள் நிறைந்த உணவுகளால் வயிறு பிரச்சனைக்குள்ளாகும். குறிப் பாக அல்சர் பிரச்சனை இருப்பவர்களுக்கு மிதமான காரம் கூட அதிகப்படியாக வயிற் றெரிச்சலைக் கிளப்பிவிடும். இன்னும் சிலருக்கு பிடி சாதம் சாப்பிட்டாலும் கூட வயிறு உப்புசத்தை உண்டாக்கிவிடும். வயிறு எரிச்சல் நெஞ்சு வரை பரவிவிடும். அதோடு உடலில் உஷ்ணமும் அதிகரிக்கும்.
மோர் எடுத்துகொள்ளும் போது உடலின் வெப்பநிலையை சீராக வைக்கும். அல்சர் பிரச்சனையை சரி செய்யும். வயிற்றில் புண்கள் இருந்தாலும் அதை குணப்படுத்தும் வல்லமை கொண்டது. காரமான உணவை சாப்பிட்டால் தான் பிரச்சனை என்றில்லை.எப்போதும் உணவின் போது மோர் சாதமோ உணவுக்கு பிறகு மோர் அருந்துவதோ வயிறு பிரச்சனைக்கு மிகவும் நல்லது. மோருக்கு மாற்றாக தயிர் சாப்பிட்டால் என்ன என்றும் கேட்கலாம். ஆனால் தயிரை காட்டிலும்மோர் அதிக நேரம் உங்கள் உடலை குளிர்ச்சியாக வைத்துகொள்ளும்.
செரிமானத்தை அதிகரிக்கும்
மோர் சாப்பிடுவது செரிமான உறுப்பை தூண்ட செய்யும். பலமான விருந்துக்கு பிறகு வயிறு நிறைய உணவு செரிமானம் ஆக அதிக நேரம் எடுத்துகொள்ளும். உணவில் இருக்கும் புளிப்பு, காரம் கூடினாலோ அமிலத்தன்மை அதிகமாக இருந்தாலோ குடல் அல்லது இரைப்பையில் புண் ஏற்படும். இதனால் வலியும் உண்டாகும். இதைதவிர்க்க தினசரி சாப்பிட்டு முடித்ததும் மோர் ஒரு தம்ளர் குடித்தால் புண்கள் படிப்படியாக குறையும்.
மோரில் இருக்கும் நல்லபாக்டீரியாக்களான புரோபயாட்டிக் பாக்டீரியாக்கள் செரிமா னத்தை துரிதமாக்குகிறது. சிறு குழந்தைகள் மந்தமாக இருந்தாலோ அல்லது சாப்பிட அடம்பிடித்தாலோ மோர் சாதத்தை கரைத்து கொடுத்தால் மந்ததன்மை நீங்கி சுறுசுறுப் படைவார்கள். அதோடு பசியின்மை பிரச்சனை நீங்கும். நன்றாக சாப்பிடவும் தொடங்குவார்கள்
கெட்ட கொழுப்பு குறையும்
நீர் சுருக்கி மோர் பெருக்கி என்று சொல்கிறது சித்த மருத்துவம். அதாவது நீரை கொதி க்க வைத்து சுருக்கி எடுத்து கொள்ள வேண்டும். மோரை பெருக்கி தயிராக எடுக்காமல் தயிரில் நீரை விட்டு மோராக பெருக்கி எடுத்துகொள்ள வேண்டும். இவை உடல் நச்சுக் களை வெளியேற்றுகிறது.
உடல் எடை குறைய விரும்புபவர்கள் மோரை தினசரி எடுத்து கொள்ளலாம். மோரில் இருக்கும் புரதமானது உடலில் இருக்கும் கொழுப்பின் அளவை குறைக்கும். (தயிரில் சற்று கொழுப்பு அதிகம் அதோடு இதை சாப்பிட்டால் உடல் எடை அதிகரிக்க செய்யும்) இதனால் கெட்ட கொழுப்புகள் கரைந்து வெளியேறும். உடல் எடை கணிசமாக குறைந்து வரும். மேலும் டயட் கண்ட்ரோல் என்று உணவின் அளவை குறைப்பவர்கள் மோர் எடுத்து கொள்ளும் போது மோரில் இருக்கும் புரதம், வைட்டமின், மெக்னீசியம் சத்து போன்றவை உடல் சோர்வை நீக்கும். நீரிழப்பு பிரச்சனையை உண்டாக்காது.
வாய்ப்புண்ணும் வயிறுபுண்ணும்
கோடைக்காலத்தில் மட்டும் அல்லாது எல்லா காலங்களிலும் சிலருக்கு வாய்ப்புண் பிரச் சனைகள் வரக்கூடும். வயிற்றில் புண் இருந்தால் வாயில் தெரியும் என்று சொல்வார்கள். வயிற்றுப்புண்ணை குணப்படுத்த மோர் அதிகம் எடுத்துகொள்வது போன்று வாய்ப்புண் ணுக்கும் மோர் சிறந்த தீர்வாக இருக்கும். இந்த நேரத்தில் மிதமான கார உணவுகளை கூட எடுக்காமல் மோரில் சிறிது சாதம் சேர்த்து கரைத்து மோரை அதிகம் இருக்குமளவு எடுத்து வாயில் வைத்து மெதுவாக விழுங்க வேண்டும்.
ஒரு மணி நேரத்துக்கு ஒருமுறை மோரை வாயில் வைத்திருந்து சில விநாடிகள் வரை வாயிலேயே வைத்திருந்து மெதுவாக தொண்டைக்குழிக்குள் இறக்கினால் வாய் புண்ணும் குணமாகும் வயிற்றுப்புண்ணும் குணமாகும்.
No comments:
Post a Comment