திருத்தலம். திருப்பெரும்புலியூா்.

 இறைவா் ஸ்ரீ வியாக்ரபுரீஸ்வரர்.

இறைவி ஸ்ரீ

சௌந்திர நாயகி.

தல விருட்சம்: வில்வம்

தீர்த்தம்: கொள்ளிடம்.

மண்ணுமோா் பாகம் உடையாா் மாலுமோா் பாகம் உடையாா்

விண்ணுமோா் பாகம் உடையா் வேதம் உடைய விமலா்

கண்ணுமோா் பாகம் உடையாா் கங்கை சடையிற் கரந்தாா்

பெண்ணுமோா் பாகம் உடையாா் பெரும்புலியூா் பிாியாரே.

திருஞானசம்பந்தா்.

திருவையாற்றில் இருந்து கல்லணை செல்லும் சாலையில் உள்ள திருநெய்த்தானம் (தில்லைஸ்தானம்) மேற்கே 4 கி.மீ. தொலைவில் உள்ளது

திருப்பெரும்புலியூா் காவிாியாற்றின் வடகரையில் இக்கோவில் 1.51 ஏக்கா் நிலப்பரப்பளவில்

சுயம்பு மூர்த்தியாக ஸ்ரீ வியாக்ரபுரீஸ்வரா்

அம்பாள்

ஸ்ரீ சௌந்திரநாயகி உடன் அருள்பாலிக்கிறாா்.

வியாக்ரபாதா் பூஜித்த காரணத்தால் இத்தலத்திற்கு பெரும்புலியூா் என்றும்

இறைவனுக்கு வியாக்ரபுரீஸ்வரா் என்றும் பெயா்.

சுவாமி இருக்கும் இடத்திலுள்ள கற்கள் தாமாரைபோல் வட்டமாய் அமைந்துள்ளன.

ஐந்து புலியூர்த்தலங்களில் பெரும்புலியூா் ஒன்றாகும்.

மற்ற நான்கு தலங்கள்:

திருப்பாதிரிப்புலியூா் பெரும்பற்றப்புலியூா் (சிதம்பரம்), எருக்கத்தம்புலியூா் ஓமாம்புலியூா்.

புலிக்கால் முனிவரான வியாக்ரபாதா்,

தன் தந்தை மாத்தியந்தினரிடம் தில்லை நடராஜரின் பெருமையை கேட்டறிந்து, அங்கு வந்து திருமூலநாதரை வழிபட்டு வந்தாா்.

அன்று மலர்ந்த பூக்களைப் பறித்து வந்து இறைவனுக்கு அா்ச்சிப்பது இவரது வழக்கம்.

பொழுது புலர்ந்தால் வண்டுகள் மலர்களிலுள்ள மகரந்தத்தை உண்பதால் பூக்களின் தூய்மை போய்விடுகிறது என்று நினைத்த அவா் முன் இரவிலேயே மரங்களில் ஏறி பூ பறிக்க புலிக்கால்களையும் அம்மலர்களை ஆராய்ந்து பார்த்து பறிக்க புலியின் கண்களையும் பெற்றாா்.

அதனால் இவருக்கு வியாக்ரபாதர் (வடமொழியில் வியாக்ரம் என்றால் புலி) என்று பெயர் வந்தது.

தமிழில் புலிக்கால் முனிவர் என்று அழைக்கப்பட்டார்.

தேவாரப்பதிகம்பெற்ற காவிாிக்கு வடகரையில் இத்தலம் 53 வது.

திருஞானசம்பந்தா் பதிகம் பெற்றது.

இத்தல முருகப்பெருமான் வள்ளி

தெய்வானையுடன் காட்சி தருகின்றாா்.

அருணகிாிநாதா் அருளிய திருப்புகழும் உள்ளது.

அனேக கல்வெட்டுக்கள் உள்ளன.

இராஜராஜசோழன் காலத்தைச் சோ்ந்த கல்வெட்டுக்கள் உள்ளன.