கால்சியம் நிறைந்த ராஜ்மா - பாசிப்பருப்பு அடை.

ராஜ்மாவில் கால்சியம், இரும்புச்சத்து சிறந்த அளவில் உள்ளதால் வளரும் குழந்தைகளுக்கும் ஏற்றது. இன்று ராஜ்மா, பாசிப்பருப்பு சேர்த்து அடை செய்வது எப்படி என்று பார்க்கலாம்.

தேவையான பொருட்கள் :

புழுங்கல் அரிசி - ஒரு கப்

ராஜ்மா - அரை கப்

இஞ்சி - சிறு துண்டு
பாசிப்பருப்பு - ஒரு கப்
உளுத்தம்பருப்பு - 2 டீஸ்பூன்
பச்சை வேர்க்கடலை - ஒரு கப்
மிளகு - 2 டேபிஸ்பூன்
நறுக்கிய வெங்காயம் - ஒரு கிண்ணம்

எண்ணெய், உப்பு - தேவையான அளவு.

செய்முறை:

வெங்காயத்தை பொடியாக நறுக்கி கொள்ளவும்.

அரிசியுடன் ராஜ்மா சேர்த்து ஊற வைக்கவும்.

ஊறியதும் தண்ணீர் வடித்து இஞ்சி, மிளகு சேர்த்து அரைக்கவும்.

பாசிப்பருப்பு, வேர்க்கடலை உளுத்தம்பருப்பையும் ஊறவைத்து தனியாக அரைத்து எல்லா மாவையும் சேர்த்துக் கலக்கவும்.

உப்பு, நறுக்கிய வெங்காயம் சேர்த்து நன்றாக கலந்து கொள்ளவும்.

தோசை கல்லை அடுப்பில் வைத்து காய்ந்ததும் மிதமான தீயில் மாவை அடைகளாக ஊற்றி சுற்றி சிறிது எண்ணெய் ஊற்றி வெந்ததும் திருப்பி போட்டு எடுக்கவும்.

மிகவும் சத்து நிறைந்தது இந்த ராஜ்மா - பாசிப்பருப்பு அடை அடை.