காலையில் என்னென்ன பானங்களைக் குடிக்க வேண்டும் என்பது பற்றி பார்ப்போம்.

காலை வெறும் வயிற்றில் எலுமிச்சை நீருடன் மிளகு சேர்த்து குடிச்சா எப்படி #உடல்_எடை_குறையும் தெரியுமா? நீங்களே பாருங்க...

காலை எழுந்ததும் வெந்நீரோ அல்லது வெந்நீரில் எலுமிச்சை சாறோ கலந்து குடிப்பவர்கள் இனிமேல் அதோடு சேர்த்து அரை ஸ்பூன் மிளகுத் தூள் குடிங்க. அதோடு மட்டுமல்ல, வேறு என்னவெல்லாம் காலை எழுந்ததும் குடிக்கலாம் என்பது குறித்து இந்த பகுதியில் விளக்கமாகப் பார்க்கலாம்.

​உடல் ஆரோக்கியம் :

நம்முடைய உடல் மிக ஒல்லியாகவும் இல்லாமல் பருமனாகவும் இல்லாமல் உடலில் உள்ளுக்குள்ளும் வெளியேயும் எந்தவித பிரச்சினையும் இல்லாமல் முழு ஆரோக்கியத்துடன் இருக்க வேண்டும் என்ற ஆசை யாருக்கு தான் இல்லாமல் இருக்கும். ஆரோக்கியத்தை விரும்புபவர்களும் உடல் பருமனைக் குறைக்க நினைப்பவர்கள் என பலரும் காலையில் எழுந்ததும் வெந்நீர் குடிப்பது, எலுமிச்சை சாறும் தேனும் சேர்த்து குடிப்பது என எதையாவது செய்கிறார்கள். இதில் எது சரி. இதனால் என்ன பயன் எதை எப்போது குடிக்க வேண்டும், குறிப்பாக காலையில் என்னென்ன பானங்களைக் குடிக்க வேண்டும் என்பது பற்றி பார்ப்போம்.

​காலை நேர பானம் :

காலையில் தூங்கி எழுந்ததும் வயிற்றில் உள்ள கொழுப்பு செல்களைக் குறைக்கவும் உடலின் மெட்டபாலிசத்தை அதிகரித்து கலோரிகளை எரிக்கவும் முயற்சி செய்ய வேண்டும். வயிற்றில் காலியாக இருக்கிற சமயங்களில் மெட்டபாலிசம் மிக வேகமாக நடக்கும். அதனால் தான் உடலை சுத்தப்படுத்த நாம் எடுத்துக் கொள்ளும் உணவாக இருந்தாலும் மருந்தாக இருந்தாலும் அதை காலையில் வெறும் வயிற்றில் எடுத்துக் கொள்கிறோம்.
சில பானங்களை காலையில் எழுந்ததும் வெறும் வயிற்றில் குடித்து வந்தால், உடலின் மெட்டபாலிசம் அதிகரிப்பதோடு, உடல் பருமனை உண்டாக்கும் டாக்சின்களையும் அவை உடலிலிருந்து வெளியேற்றிவிடும்.

​பானம் ஒன்று (மிளகுடன்) :

ஒரு டம்ளர் எலுமிச்சை ஜூஸில் ஒரு ஸ்பூன் மிளகுத்தூள் சேர்த்து காலையில் வெறும் வயிற்றில் குடித்து வர வேண்டும். குறிப்பாக, இதைக் குடித்து ஒரு மணி நேரம் கழித்து தான் வேறு எந்த உணவையும் உண்ணுதல் வேண்டும். இந்த பானத்தைக் குடித்து ஒரு மணி நேரம் வரை வேறு எதுவும் சாப்பிடக் கூடாது. குறிப்பாக காபி, டீ கையிலேயே தொடக் கூடாது. மிளகில் உள்ள கேப்சைசின் உடலின் மெட்டபாலிசத்தைத் தூண்டி, கொழுப்பு செல்களைக் கரைக்கும்.

​பானம் இரண்டு (இஞ்சியுடன்) :

இரவில் தூங்கச் செல்லும் முன்பாக, ஒரு டம்ளர் வெதுவெதுப்பான நீரில் சிறிது இஞ்சியைத் துருவிப் போட்டு, இரவு முழுக்க ஊறவிட்டு விடுங்கள். அது அப்படியே மூடி வைத்துவிட வேண்டும். மறுநாள் காலையில் வெறும் வயிற்றில் அந்த தண்ணீரைக் குடித்துவிட்டு, அதற்குள் கிடக்கும் இஞ்சியைக் கீழே தூக்கிப் போடாமல் சாப்பிட வேண்டும்.

​பானம் மூன்று (மஞ்சள் தூள்) :

காலையில் எழுந்தவுடன் ஒரு டம்ளர் வெதுவெதுப்பான நீரில், ஒரு ஸ்பூன் மஞ்சள் தூள் கலந்து வெறும் வயிற்றில் குடித்து வர வேண்டும். மஞ்சள் தூள் உடம்பிலும் நம்முடைய ரத்தத்திலும் உள்ள தேவையில்லாத கழிவுகளான, டாக்சினை வெளியேற்றி, உடலில் உள்ள அலர்ஜியை சரி செய்யும் தன்மை கொண்டது. இது ஒரு மிகச்சிறந்த கிருமி நாசினியாகவும் செயல்படுகிறது.

​பானம் (தேன்) :

ஒரு டம்ளர் எலுமிச்சை ஜூஸில் சிறிதளவு தேன் கலந்து வெதுவெதுப்பான நீருடன் சாப்பிட்டு வர, எலுமிச்சையில் உள்ள அமிலங்கள் உடலின் மெட்டபாலிசத்தைத் தூண்டி, உடல் எடையைக் குறையச் செய்யும். மேலே சொல்லப்பட்ட பானங்கள் மூன்றிலும் தேன் சேர்க்கத் தேவையில்லை. ஆரம்ப காலத்தில் குடித்துப் பழகுபவர்களுக்கு குடிப்பது சிரமமாக இருந்தால் சிறிதளவு மட்டும் சேர்த்துக் கொள்ளுங்கள்.