நார்ச்சத்து நிறைந்த கருப்பு உளுந்து தோசை.

கருப்பு உளுந்தில் புரதம், நார்ச்சத்து பி காம்ப்ளக்ஸ், வைட்டமின், இரும்புச்சத்து இதில் அதிகமாக உள்ளன. தோலுடன் அரைத்துச் செய்வதால் நார்ச்சத்து அதிகம் கிடைக்கும்.

கருப்பு உளுந்து தோசை

தேவையான பொருட்கள் :

இட்லி அரிசி - அரை கப்
கருப்பு உளுந்து - ஒரு கப்
சீரகம் - கால் டீஸ்பூன்
இஞ்சி - சிறிய துண்டு
நல்லெண்ணெய், உப்பு - தேவையான அளவு.



செய்முறை:

இட்லி அரிசி கருப்பு முழு உளுந்து இரண்டையும் தனித்தனியே நான்கு மணிநேரம் ஊறவைக்கவும்.

பிறகு இதனுடன் சீரகம் இஞ்சி உப்பு சேர்த்து அரைத்து ஒரு மணி நேரம் அப்படியே வைக்கவும். புளிக்கத் தேவை இல்லை.

தோசை கல்லை அடுப்பில் வைத்து சூடானதும் மாசை தோசைகளாக ஊற்றி சுற்றி சிறிது நல்லெண்ணெய் ஊற்றி எடுக்கவும்.

சத்தான கருப்பு உளுந்து தோசை ரெடி.

இதற்குத் தொட்டுக்கொள்ள தேங்காய்ச்சட்னி தக்காளி சட்னி நன்றாக இருக்கும்.