அப்பள புளிக் குழம்பு.

காய்கறிகள் கைவசம் இல்லாத சமயத்தில், இந்தக் குழம்பு கை கொடுக்கும். 10 நிமிடங்களில் செய்யக்கூடிய இந்த குழம்பை செய்வது எப்படி என்று பார்க்கலாம்.

அப்பள புளிக் குழம்பு

தேவையான பொருட்கள் :

புளி - எலுமிச்சைப் பழ அளவு,
சாம்பார் பொடி - 2 டேபிள்ஸ்பூன்,
அப்பளம் - 2,
கடுகு, கடலைப்பருப்பு, வெந்தயம் - தலா அரை டீஸ்பூன்,
காய்ந்த மிளகாய் - 2,
எண்ணெய் - 2 டீஸ்பூன்,

உப்பு - தேவையான அளவு.

–– ADVERTISEMENT ––

செய்முறை:

புளியை சிறிது தண்ணீர் சேர்த்து கரைத்து கொள்ளவும்.

வாணலியில் எண்ணெய் விட்டு, காய்ந்ததும் கடுகு, வெந்தயம், கடலைப்பருப்பு தாளித்து, காய்ந்த மிளகாயைக் கிள்ளிப் போட்டு, அப்பளத்தை ஒன்று இரண்டாக உடைத்துப்போட்டு, சாம்பார் பொடியை சேர்த்து வறுக்கவும்.

பிறகு, புளிக்கரைசலை ஊற்றி, உப்பு சேர்த்து கொதிக்கவிட்டு இறக்கவும்.

சூப்பரான அப்பள புளிக்குழம்பு ரெடி.