இன்று அதிகாலை 3.30 மணிக்கு என்கவுண்டர் செய்யப்பட்டனர்.

அதிகாலை 3.30 மணிக்கு போலீஸ் நடத்திய ஆபரேஷன்.. 4 பேரும் நடு நெற்றியில் சுட்டு கொலை.. என்ன நடந்தது?

ஹைதராபாத் பெண் மருத்துவர் கொலை வழக்கில் கைது செய்யப்பட்ட 4 பேரும் இன்று அதிகாலை 3.30 மணிக்கு என்கவுண்டர் செய்யப்பட்டனர்.

முகமது ஆரிப் 26, ஜொள்ளு சிவா 20, ஜொள்ளு நவீன் 20, சிண்டகுண்டா சென்னைகேஷ்வலு 20 என நான்கு பேரும் இன்று என்கவுண்டர் செய்யப்பட்டனர்...

ஹைதராபாத்தில் பெண் மருத்துவர் வன்புணர் செய்யப்பட்டு கடந்த 27ம் தேதி புதன் கிழமை மாலை கொலை செய்யப்பட்டார்.

ஹைதராபாத்தின் சத்தனபள்ளி டோல் கேட் அருகே இந்த கொலை சம்பவம் நடந்துள்ளது.

நேற்று இரவு முழுக்க நான்கு குற்றவாளிகளையும் போலீசார் தீவிரமாக விசாரித்துள்ளனர்.

நான்கு பேரையும் தூங்க விடமால் போலீசார் கடுமையாக விசாரணை செய்துள்ளனர்.

இன்று அதிகாலை 3.30 மணிக்கு போலீசார் இவர்கள் நான்கு பேரையும் அழைத்து சம்பவ இடத்திற்கு சென்றுள்ளனர்.

அங்கு குற்றம் நடந்ததை விளக்க வேண்டும் என்றுள்ளனர்.

அங்கு 6 போலீசாருக்கும் மேல் சென்றுள்ளனர்.

முதலில் குற்றத்தை விளக்கிய நான்கு பேரும் பின் வேகமாக புதருக்குள் குதித்து தப்பி ஓட முயன்று உள்ளனர்.

ஒருவர் தேசிய நெடுஞ்சாலைக்குள் சென்று தப்பி ஓட முயன்று இருக்கிறார்.

இதனால் அங்கிருந்த போலீசார் வரிசையாக நான்கு பேரையும் சுட்டுக்கொன்றனர்.

இந்த என்கவுண்டரில் முக்கிய குற்றவாளி முகமது ஆரிப் கடைசியாக சுட்டுக் கொலை செய்யப்பட்டார்.

நான்கு பேரின் நெற்றியிலும், அடிவயிற்றுப் பகுதியிலும் சுட்டு கொலை செய்யப்பட்டுள்ளனர்.

மேலும் இந்த சம்பவம் நடந்த போது போலீசார் ஒருவரும் காயம் பட்டு இருக்கிறார்.