மாலத்தீவு ஸ்பெஷல் ஸ்நாக்ஸ் பிஸ்கீமியா.

 மாலையில் நேரத்தில் குழந்தைகள் சாப்பிட அருமையான ஸ்நாக்ஸ் இந்த பிஸ்கீமியா. இன்று இந்த ரெசிபியை செய்வது எப்படி என்று அறிந்து கொள்ளலாம்.

பிஸ்கீமியா

தேவையான பொருட்கள்

முட்டை கோஸ் - கால்கிலோ
மைதா மாவு - கால் கிலோ
பொடியாக நறுக்கிய வெங்காயம் - 1
பொடியாக நறுக்கிய ப.மிளகாய் -  2
வேக வைத்த முட்டை - 3
கொத்தமல்லி தழை - தேவையான அளவு
மிளகுத்தூள் - 2 டீஸ்பூன்
உப்பு, எண்ணெய், தண்ணீர் - தேவையான அளவு

செய்முறை

ஒரு பாத்திரத்தில் வேக வைத்த முட்டையை துண்டுகளாக நறுக்கி போட்டு அதனுடன் நறுக்கிய வெங்காயம், ப.மிளகாய், முட்டை கோஸ், மிளகு தூள், தேவையான அளவு உப்பு சேர்த்து நன்றாக பிசையவும்.

மற்றொரு பாத்திரத்தில் மைதா மாவை கொட்டி அதோடு சிறிதளவு காய்ச்சிய எண்ணெய் சேர்க்கவும். பின்பு அதில் வெதுவெதுப்பான தண்ணீர் மற்றும் தேவையான உப்பு சேர்த்து சமோசா மாவு பதத்திற்கு பிசைந்து கொள்ளவும்.

சிறிய உருண்டைகளாக மாவை உருட்டி முன்னர் பிசைந்து வைத்திருந்த ஸ்டபிங்கை உள்ளே வைத்து ஓரங்களில் தண்ணீர் விட்டு மடித்துகொள்ளவும்.

வாணலியில் எண்ணெய் ஊற்றி மிதமான சூட்டில் அதை பொன்னிறத்தில் பொரித்து எடுக்கவும்.

பின்னர் என்ன? சுவையான ஸ்நாக்ஸ் பிஸ்கீமியா தயார்.