அஜீரண தொல்லையை நீக்கும் சீரகம் - தனியா சூப்.

அஜீரணம், வயிற்று உபாதைகளால் கஷ்டப்படுபவர்கள் சீரகம் - தனியா சூப் செய்து குடிக்கலாம். இன்று இந்த சூப் செய்வது எப்படி என்று பார்க்கலாம்.

சீரகம் - தனியா சூப்

தேவையான பொருட்கள் :

சீரகம், மல்லி (தனியா) - தலா கால் கப்,
இஞ்சி - சிறிய துண்டு,
மிளகு - 2 டீஸ்பூன்,
எலுமிச்சைப் பழம் - 2,
கறிவேப்பிலை - 2 ஆர்க்கு,

உப்பு - தேவையான அளவு.

செய்முறை :

மல்லி (தனியா), சீரகம், மிளகு ஆகியவற்றை ஒன்றாக ஊறவைக்கவும்.

இத்துடன், கறிவேப்பிலை, தோல் சீவிய இஞ்சி சேர்த்து விழுதாக அரைக்கவும்.

இந்த விழுதுடன் 2 கப் தண்ணீர் சேர்த்துக் கலந்து, சக்கையை வடிகட்டி எடுத்துவிடவும்.

பிறகு, தேவையான உப்பு சேர்த்து அடுப்பில் வைத்து, கொதித்ததும் இறக்கவும்.

எலுமிச்சைச் சாறு சேர்த்து சூடாகப் பரிமாறவும்.