மன்னர்மன்னன் ... #இரங்கல்_பதிவு ....

#விஜயரங்கத்தைத்

#தமிழ்ஒளி_ஆக்கிய ...

#மன்னர்மன்னன்...

♦புதுச்சேரி பிரெஞ்சு ஆதிக்கத்தில் இருந்தபோது புரட்சிக்கவிஞர் பாரதிதாசனின் புதல்வர் கோபதியும் பாரதிதாசனிடம் மாணவராக சேர்ந்த விஜயரங்கமும் இளம்வயதில் அங்கே வாழ்ந்தனர்.

♦அவர்கள் பிரஞ்சு ஆதிக்கத்திற்கு எதிராக இளம் வயதிலேயே கையெழுத்துப் பத்திரிகையை நடத்தினார்கள்.

♦அந்தப் பத்திரிகை தமிழில் வெளிவந்தது .

♦இதனை பிரஞ்சு அரசாங்கம் தடை செய்தது.

♦இதனால் கோபதியும் விஜயரங்கமும் காவலர்களால் பிடித்துச் செல்லப்பட்டனர்.

♦அவர்களை நீதிமன்றத்தில் ஆஜர் செய்தபோது இருவருக்கும் 18 வயதுக்கும் குறைவாக இருந்ததால் அவர்கள் எச்சரித்து அனுப்பப்பட்டனர் .

♦ பிறகு வீடு திரும்பிய கோபதி விஜயரங்கம் ஆகியோரிடம் தகவலை விசாரித்து அறிந்த பாரதிதாசன் மாற்று யோசனையை தெரிவித்தார் .

♦அரசுக்கு எதிராக ரகசியப் பத்திரிகை நடத்தும்போது உண்மையான முகவரியை கொடுக்கக்கூடாது ;

♦இயற்பெயரை பத்திரிகைகளில் வெளியிட கூடாது என்று கூறினாராம் .

♦இதன் பிறகு கோபதியை அழைத்து நீ இனிமேல் ‘ மன்னர் மன்னன்’ என்று பெயர் வைத்துக் கொள் என்று கூறி இருக்கிறார்.

♦ஆனால் விஜயரங்கத்துக்கு எந்த பெயரையும் வைக்கவில்லை.

♦இதன் பிறகு மன்னர் மன்னனான கோபதி விஜயரங்கம் என்ற தனது நண்பருக்கு ‘தமிழ்ஒளி’ எனப் பெயர் வைத்துள்ளார் .

♦இந்தப் பெயர்தான் இன்றும் நிலைத்து நீடிக்கிறது.

♦பொதுவுடமைச் சிந்தனைக்கும் சீர்திருத்த கருத்துக்களுக்கும் ஒளி சேர்ப்பவராக தமிழ்ஒளியை உலவவிட்டுக் கொண்டிருக்கிறது .

♦மன்னர்மன்னன் மிகச்சரியாகவே பெயரைத் தேர்ந்தெடுத்துள்ளார் என்பது விளங்கும்.

♦மிகவும் தொலைநோக்குப் பார்வை கொண்ட மன்னர் மன்னன் இன்று நம்மிடையே இல்லை .

♦அவரது மறைவு தமிழ் உலகிற்கு ஈடுசெய்ய முடியாத இழப்பாகும்