குழந்தைகள் விரும்பும் சேமியா பகாளாபாத்.

சேமியாவில் பல்வேறு ரெசிபிகளை செய்யலாம். இன்று சேமியாவில் பகாளாபாத் செய்வது எப்படி என்று பார்க்கலாம். இதை செய்வது மிகவும் சுலபம்.

சேமியா பகாளாபாத்

தேவையான பொருட்கள்

சேமியா - 100 கிராம்
தயிர் - 50 கிராம்
பால் - 50 மில்லி
இஞ்சித் துருவல் - ஒரு டேபிள்ஸ்பூன்
பச்சை மிளகாய் - 2
கறிவேப்பிலை - சிறிதளவு
திராட்சை, மாதுளை முத்துக்கள் - ஒரு கைப்பிடி
ஆப்பிள் துண்டுகள் - 3 டேபிள்ஸ்பூன்
கடுகு, உளுத்தம்பருப்பு, கடலைப்பருப்பு - தலா கால் டீஸ்பூன்
பெருங்காயத்தூள் - ஒரு சிட்டிகை
எண்ணெய் - 2 டீஸ்பூன்

உப்பு - தேவையான அளவு

செய்முறை :

ப.மிளகாயை பொடியாக நறுக்கி கொள்ளவும்.

கொதிக்கும் நீரில் சேமியாவைப் போட்டு, ஒரு நிமிடம் வைத்திருந்து வடிகட்டி தனியாக வைக்கவும்.

கடாயில் எண்ணெய் விட்டு, காய்ந்ததும் கடுகு, உளுத்தம்பருப்பு, கடலைப்பருப்பு, கறிவேப்பிலை சேர்த்து தாளித்து இறக்கவும்.

இஞ்சித் துருவல், பச்சை மிளகாய், பெருங்காயத்தூள், தயிர், உப்பு ஆகியவற்றை தாளிப்புடன் சேர்த்துக் கலக்கவும்.

இதை சேமியாவில் சேர்த்துக் கலந்து பால், பழங்களை சேர்த்து நன்றாகக் கிளறி பரிமாறவும்.

சுவையான சேமியா பகாளாபாத் ரெடி.