சுவையான ஆப்பிள் அல்வா.

குழந்தைகளுக்கு அல்வா என்றால் மிகவும் பிடிக்கும். இன்று வீட்டில் எளிய முறையில் ஆப்பிள் அல்வா செய்வது எப்படி என்று பார்க்கலாம்.

ஆப்பிள் அல்வா

தேவையான பொருட்கள் :

ஆப்பிள் - 3,

நெய் - 100 கிராம்,

சர்க்கரை- 1/2 கப்,
ஏலக்காய் தூள்- 2 டீஸ்பூன்,
முந்திரி - 10,

பாதாம் - 5.

செய்முறை :

ஆப்பிளை தோல் சீவி துண்டுகளாக நறுக்கி நீர் சேர்க்காமல் நன்கு அரைக்கவும். அரைத்த விழுதினை ஒரு பாத்திரத்தில் தனியாக எடுத்து வைத்துக் கொள்ளவும்.

நெய்யில் பாதாம், முந்திரியை போட்டு வறுத்து எடுக்கவும்.

அதே கடாயில் மேலும் சிறிது நெய் ஊற்றி அரைத்து வைத்துள்ள ஆப்பிள் கலவையை போட்டு நன்றாக கிளறவும்.

அடுத்து அதில் பிறகு சர்க்கரை, நெய் ஆகியவற்றை சேர்த்து கிளறி கொண்டே இருக்கவும்.

அல்வா பாத்திரத்தில் ஒட்டாமல் சுருண்டு வரும் போது பாதாம், முந்திரி சேர்த்து இறக்கவும்.

சூப்பரான ஆப்பிள் அல்வா ரெடி.