சூப்பரான பிஸ்கெட் சீஸ் கேக்.

குழந்தைகளுக்கு கேக் என்றால் மிகவும் பிடிக்கும். இன்று பிஸ்கெட், சீஸ் வைத்து வீட்டிலேயே எளிய முறையில் கேக் செய்வது எப்படி என்று பார்க்கலாம்.

பிஸ்கெட் சீஸ் கேக்

தேவைப்படும் பொருட்கள்

கிரீம் சீஸ் - 250 கிராம்
விப்பிங் கிரீம் - 200 மில்லி
பவுடர் சுகர் - 3/4 கப்
பிஸ்கெட் (கிராக்கர் பிஸ்கட்) - 100 கிராம்
பட்டர் -  50 கிராம்
பிரவுன் சுகர் அல்லது வொய்ட் சுகர் - 1/2 கப்

வெண்ணிலா எசன்ஸ் - 2 மூடி

–– ADVERTISEMENT ––

செய்முறை:

முதலில் பிஸ்கட்டை பொடியாக நொறுக்கி கொள்ளவும்.

ஒரு பாத்திரத்தை அடுப்பில் சூடானதும் பட்டரை போட்டு உருகியதும் அடுப்பில் இருந்து இறக்கி பிரவுன் சுகர் அல்லது வொய்ட் சுகர் மற்றும் பொடியாக நொறுக்கிய பிஸ்கெட்டையும் அதனுடன் சேர்க்க வேண்டும்.

குழிவான கேக் டிரேயில் பட்டர் பேப்பர் விரித்து அந்த டிரேயில் பிஸ்கெட் கலவையை பரப்பி வைக்க வேண்டும்.

அந்த பிஸ்கெட்டை கரண்டியால் அழுத்த வேண்டும். அதனை பிரிட்ஜ்ஜில் வைத்து செட் செய்ய வேண்டும்.

அரை வெப்பநிலையில் கிரீம் சீஸை வைத்து எடுத்த பின்பு அதனுடன் வெண்ணிலா எசன்ன்ஸ், பவுடர் சுகர் போட்டு ஹேன்ட் மிக்‌ஸரில் வைத்து பீட் செய்ய வேண்டும்.

பிறகு விப்பிங் கிரீமை ஒரு பவுலில் போட்டு 2 நிமிடம் பீட் செய்ய வேண்டும்.

விப்பிங் கிரீமையும், சீஸ் கிரீம் கலவையையும் ஒன்றாக மிருதுவாக பிரட்ட வேண்டும்.

இதனை பிரிட்ஜில் வைத்து இருக்கும் பிஸ்கட்டின் மேல் போட்டு பரப்ப வேண்டும்.

இதனை இரவு முழுவதும் பிரிட்ஜுக்குள் வைத்து எடுத்தால்.. அட்டகாசமான சுவையில் பிஸ்கெட் சீஸ் கேக் ரெடியாகி விடும்.

உங்களுக்கு பிடித்த பழமோ அல்லது ஜெல்லியோ அதன் மேல் வைத்து சாப்பிடலாம்.

.பழமோ, ஜெல்லியோ வைப்பதாக இருந்தால் சீஸ் கிரீம் செட் ஆன பின்பு தான் வைக்க வேண்டும்.