உடலுக்கு குளிர்ச்சி தரும் தயிர் நெல்லிக்காய்.

வெயில் காலத்தில் உடலை குளிர்ச்சியாக வைத்திருக்க அடிக்கடி நெல்லிக்காயை உணவில் சேர்த்து கொள்ளலாம். நெல்லிக்காய் நோய் எதிர்ப்பு சக்தியையும் அதிகரிக்கும்.

தயிர் நெல்லிக்காய்

தேவையான பொருட்கள் :

முழு நெல்லிக்காய் - 20,
கெட்டித் தயிர் - அரை கப்,
கடுகு - ஒரு டீஸ்பூன்,
மஞ்சள்தூள் - அரை டீஸ்பூன்,
கீறிய பச்சை மிளகாய் - 2,
பெருங்காயத்தூள் - அரை டீஸ்பூன்,
எண்ணெய் - 2 டீஸ்பூன்,

உப்பு - தேவையான அளவு.

செய்முறை:

கடாயில் எண்ணெய் விட்டு, காய்ந்ததும் கடுகு, பெருங்காயத்தைப் போட்டு வறுத்து, நெல்லிக்காய், மஞ்சள்தூள் போட்டு, சிறிது தண்ணீர் விட்டு வதக்கவும்.

விரலால் லேசாக அமுங்கும் பதம் வரும்போது, பச்சை மிளகாய், உப்பு சேர்த்து 2 நிமிடம் வதக்கி இறக்கவும்.

சிறிது ஆறியதும் தயிர் சேர்த்துப் பரிமாறவும்.