மதம் கடந்த மனிதம் என்பதில் உறுதியாக இருப்பது இதுதானா சூர்யா?

சென்னை மாநகரம் கொரோனாவால் நிமிடத்திற்கு நிமிடம் செத்துக் கொண்டிருக்கிற சோக நேரத்தில்..

உங்கள் மனைவி நடித்த பொன்மகள்வந்தாள் திரைப்படத்தை அமேசன் பிரைமில் வெளியிட அவசரம் என்ன சூர்யா?

இப்போது தான் மருத்துவமனையில் பல்லாயிரக்கணக்கானவர்கள் உயிருக்கு போராடுகிறார்கள் .. வென்டிலேட்டர் செயற்கை சுவாசத்துடன் திணறுகிறார்கள் .. நாடு நோயுடன் நடுங்குகிறது ..

ஒரு நாளாவது உங்கள் மனைவி ஜோதிகா ஏதேனும் ஒரு மருத்துவமனைக்குச் சென்று ஏதேனும் ஒரு உதவி வழங்கினாரா சூர்யா ?

இந்த நேரத்திலும் காசு பணம் துட்டு என தமிழர்களின் ரத்தத்தை உறிஞ்ச துடிக்கும்.. நீங்கள் மனிதம் பற்றி பேசியது மனதுக்கு பொறுக்குமா சூர்யா?

எதற்கு இந்த விளம்பரம்?
யாருக்கு இந்த விளம்பரம்?

ஏழைகள் தங்கள் வயிற்றுப் பாட்டுக்கு ஏதேனும் வேலை செய்து பிழைப்பதற்காக தளர்த்தப்பட்ட இந்த ஊரடங்கு நேரத்திலும் .. அவர்களின் சொற்ப வருமானத்தில்கூட பொன்மகள் வந்தாள் படத்தை வெளியிட்டு பார்க்கச் சொல்லி பங்கு கேட்கும் உங்கள் வியாபார வெறிபிடித்த சுயநல மனதிற்கு எதற்கு மனிதம் என்ற பொய் முகமூடி?

தமிழ் திரையுலகில் யாருக்கும் வராத ஈனப்புத்தி உங்களுக்கு வந்தது எப்படி?

ஓ ... கோவிலுக்குப் போனால் நல்ல புத்தி வந்துவிடும் என்று தானோ கோவிலுக்கு போகாமல் இருக்கிறீர்கள் ..

பொன்மகள் வந்தாள்..அமேசன் பிரைம் கார்பிரேட்டில் வெளியாகி.. பொருள் கோடி தந்தாள்..
அந்தப் பொருள் கோடிகளை...உங்கள் சொகுசு வாழ்க்கைக்கு பதுக்கிவிட்டு.. வழக்கம்போல மனிதாபிமானம்.. மனிதம் என்று வாய்ப்பாயசம் வையுங்கள்..

இந்த பொருள் கோடி எதுவும் நிரந்தரமில்லை சூர்யா ..
நீங்கள் அப்பாவி மக்களை ஏமாற்றலாம் ..
ஆனால் ஒரு நாளும் அந்த ஆண்டவனை ஏமாற்ற முடியாது சூர்யா ......