தமிழக முதல்வர் எடப்பாடி பழனிச்சாமியின் அரசு நிகழ்ச்சிகள் அனைத்தும் ரத்து .

*🔖ஜாமீனில் வெளியே வந்த தினகரன்: முதல்வர் ...*♨

இரட்டை இலை சின்னத்தை பெற தேர்தல் ஆணையத்துக்கு லஞ்சம் கொடுக்க முயன்ற வழக்கில் அதிமுக துணைப் பொதுச்செயலாளர் டிடிவி தினகரன் கைது செய்யப்பட்டார்.

போலீஸ் காவலிலும், அதன் பின்னர் நீதிமன்ற காவலிலும் இருந்த டிடிவி தினகரனுக்கு நேற்று தான் ஜாமீன் கிடைத்தது. இதனையடுத்து அவர் இன்று சென்னை வருவார் என எதிர்பார்க்கப்படுகிறது. இந்நிலையில் தமிழக முதல்வர் எடப்பாடி பழனிச்சாமியின் அரசு நிகழ்ச்சிகள் அனைத்தும் ரத்து செய்யப்பட்டுள்ளதாக தகவல்கள் வருகின்றன. வருகிற ஜூன் 4-ஆம் தேதி தர்மபுரி மாவட்டத்தில் சட்டக்கல்லூரி அமைப்பதற்கான பூமி பூஜை, ஒருங்கிணைந்த நீதிமன்றம், நீதிபதிகள் குடியிருப்புகள் திறப்புவிழா போன்ற நிகழ்ச்சிகளில் பங்கேற்க முதல்வர் எடப்பாடி பழனிச்சாமி திட்டமிட்டிருந்தார்.

இந்நிலையில் டிடிவி தினகரன் ஜாமீனில் வெளிவர உள்ளதால் முதல்வர் எடப்பாடி பழனிச்சாமியின் அனைத்து நிகழ்ச்சிகளும் ரத்து செய்யப்பட்டுள்ளதாக அதிமுக வட்டார தகவல்கள் வருகின்றன. தினகரன் சிறைக்கு செல்லும் முன்னர் அமைச்சர்கள் அவரை கட்சியில் இருந்து ஒதுக்கி வைப்பதாக அறிவித்திருந்தது குறிப்பிடத்தக்கது.