🌺 *வேளுக்கடி ஸ்ரீ* *உ.வே.கிருஷ்ணன்* *ஸ்வாமிகள.*

 ஸ்வாமிகள் மிகச் சிறந்த ஆன்மீக சொற்பொழிவாளர். மிகவும் எளிமையானவர். உரை ஆற்றுவதற்கு பெரிய மண்டபமோ , மேடையோ, மின் அலங்காரமோ, சிம்மாசனம் போன்ற நாற்காலியோ தேவை இல்லை என்பார். சிறு இடத்தில் கூட ஒரு மொத்தமான துணியை நான்காக மடித்துப் போட்டு அமர்ந்து கொண்டு கதை சொல்வார. முன்னால் ஒரு சிறு மேஜை புத்தகங்கள், குறிப்புகள் வைத்துக் கொள்ள இருக்கும்.

உபன்யாசகர் பிரசங்கத்தின் போது பூ மாலை அணிந்து கொள்வது நியதி என்பதால ஒரு சிறு மாலை அணிந்து கொள்வார்.

கொடுத்த தலைப்புக்கு புராண; இதிகாச, வேதங்களில் இருந்து கருத்துக்களை எடுத்துரைப்பார். கதை சொல்பவர் வேத, புராணங்களில் உள்ள கருத்தை அப்படியே எடுத்து சொல்ல வேண்டும் ஒரு மாத்திரை கூட கூட்டியோ, குறைத்தோ சொல்லக்கூடாது. எனக்கு பதிதாக எதுவும் தெரியாது. நூல்களில் முன்னோர்கள் என்ன கருத்தைச் சொல்லி இருக்கிறார்ளோ அதைமட்டுமே விளக்குகிறேன் எனபார்.

மற்ற சில கதை சொல்லும் அன்பர்களைப் போல் ஐநது நிமிடங்களுக்கு ஒரு முறை சிரிப்பு துணுக்களை சொல்லத் தனக்கு தெரியாது என்பார்.

நிகழ்ச்சியில் விளக்க விஷயங்கள் நிறைய உள்ளன. ஆனால் அதற்கான கால அவகாசம் தான் குறைவாக உள்ளது.சம்பூர்ண ராமாயணத்தை தினம் இரண்டரை மணி வீதம் 3 நாளில் சொலல வேண்டுவார்கள். இது எவ்வளவு கஷ்டமான விஷயம். சிற்றூர்களில் உரையாற்ற போனால் மாலை 6 மணியிலிருந்து எட்டரை மணி வரை பேசச் சொல்வார்கள். 9 மணி வரை பேசுகிறேனே என்றால் 'இல்லை ஸ்வாமி, டவுனுக்கு போற கடைசி பஸ் 9 மணிக்கு. அதைப் பிடிக்க பலரும் போகனும்.அதனால் எட்டரை மணி வரை போதும்' என்பார்களாம்.

ஸ்வாமிகள் தமிழில் உரையாற்றும் போது ஆங்கில கலப்பில்லாமல் பேசுவார். ஏ.சியை குளிர் சாதனப் பெட்டி என்றும் ஃப்ரிட்ஜை குளு குளு பெட்டி என்றும் மைக் கை ஒலி பெருக்கி என்றும தமிழில் சொல்வார்.

வேத,புராண,இதிகாசங்களில் மிக்க பாணடித்தியம் உள்ளவர்.பகவத் கீதை ஸ்லோகங்களும் நாலாயிர திவ்ய பிரபந்த பாடல்களும் அவரது உரையில் அருவியாய் வநது கொட்டும். பெருமாளையோ, கண்ணனையோ விவரிக்கும் போது அவரது கண்களில் இருந்து உணர்ச்சி பெருக்கால் கண்ணீர் வழியும்.

ஸ்வாமியின் சொற்பொழிவுகளை கேட்கும் நல் வாய்ப்பினை பெற்ற நாம் முன் ஜென்மத்தில் மிகவும் புண்ணியம்

செய்து இருக்க வேண்டும்.

வாழ்க அவர் புகழ் ! . .. ....