சத்து நிறைந்த ப்ரோக்கோலி பாதாம் சூப்..

ப்ரோக்கோலி, பாதாமில் உள்ள சத்துக்கள் குழந்தைகளின் வளர்ச்சிக்கு மிகவும் அவசியமானது. இன்று இது இரண்டையும் சேர்த்து சூப் செய்வது எப்படி என்று பார்க்கலாம்.

ப்ரோக்கோலி பாதாம் சூப்

தேவையான பொருட்கள்

வெஜிடபிள் ஸ்டாக் - 800 மில்லி லிட்டர்

ப்ரோக்கோலி - பாதி
பாதாம் - ஒரு கைப்பிடி
ஸ்கிம்டு மில்க் -  250 மில்லி

உப்பு, மிளகு - சுவைக்க

செய்முறை

சிறிதளவு பாதாமை தனியாக எடுத்து வைக்கவும். மீதி உள்ள பாதாமை 1 மணிநேரம் தண்ணீரில் ஊற வைக்கவும்.

ப்ரோக்கோலியை சிறு துண்டுகளாக நறுக்கி 5 நிமிடங்கள் வேக வைத்து தனியாக எடுத்து வைக்கவும்.

வேகவைத்த ப்ரோக்கோலியுடன் வெஜிடபிள் ஸ்டாக், ஊற வைத்த பாதாம், ஸ்கிம்டு மில்க், சேர்த்து நன்கு அரைத்து கொள்ளவும்.

அத்துடன் உப்பு மற்றும் மிளகு சேர்க்கவும்.

ஒரு கடாயில் இதனை ஊற்றி, லேசாக சூடு படுத்தவும்.

சிறிதளவு எடுத்து வைத்த பாதாமை வறுத்து கொரகொரப்பாக பொடி செய்து இதில் சேர்த்து சூடாக பரிமாறவும்.

சூப்பரான ப்ரோக்கோலி பாதாம் சூப் ரெடி.