லோக்சபா தேர்தலுக்கான தமிழகம் மற்றும் புதுச்சேரி காங்., வேட்பாளர் பட்டியலை அக்கட்சி வெளியிட்டுள்ளது.
தி.மு.க., கூட்டணியில், தமிழக காங்கிரஸ் கட்சிக்கு, ஒன்பது தொகுதிகள் ஒதுக்கப்பட்டுள்ளன. காங்., வேட்பாளர்களை தேர்வு செய்யும், மத்திய தேர்தல் குழுக் கூட்டம், நேற்று(மார்ச் 22) மாலை, டில்லியில் கூடியது. அக்கூட்டம் முடிந்த பின், வேட்பாளர்கள் பட்டியல் வெளியாகும் என எதிர்பார்க்கப்பட்ட நிலையில், காங்., கட்சி தனது டுவிட்டர் பக்கத்தில், 7வது கட்டமாக வேட்பாளர்களின் பட்டியலை வெளியிட்டுள்ளது.
பொன்.ராதாவை எதிர்த்து வசந்தகுமார்:
திருச்சி லோக்சபா தொகுதியில், காங்., முன்னாள் மாநில தலைவர் திருநாவுக்கரசர் போட்டியிட உள்ளார். தேனியில் ஈவிகேஎஸ்.இளங்கோவன், ஆரணியில் விஷ்ணு பிரசாத், கரூரில் ஜோதிமணி, விருதுநகரில் மாணிக் தாகூர், கிருஷ்ணகிரியில் செல்லக்குமார், திருவள்ளூரில் ஜெயக்குமார் மற்றும் கன்னியாகுமரியில் வசந்தகுமார் போட்டியிடுவார்கள் என அக்கட்சி அறிவித்துள்ளது. தற்போது நாங்குனேரி எம்.எல்.ஏ.,வாக உள்ள வசந்தகுமார், கன்னியாகுமரியில் பொன்.ராதாகிருஷ்ணனை எதிர்த்து போட்டியிட உள்ளது குறிப்பிடத்தக்கது.
சிவகங்கைக்கு இல்லை:
புதுச்சேரியில் வைத்திலிங்கம் வேட்பாளராக நிறுத்தப்பட்டுள்ளார். அறிவிப்புக்கு முன்னரே, அவர் நேற்று வேட்புமனு தாக்கல் செய்துவிட்டார். சிவகங்கை தொகுதியில் போட்டியிடும் காங்., வேட்பாளர் அறிவிக்கப்படவில்லை.
No comments:
Post a Comment