🌺அனைவருக்கும் உலக குடும்ப தின வாழ்த்துகள்🌺

 படிப்பு, வேலை என பல திசைகளில் பிரிந்திருந்தாலும் குடும்பத்தோடு ஒருநாள் இணையவேண்டும் என்பதற்காகவே கிராமங்களில் இன்றைக்கும் திருவிழாக்கள் கொண்டாடுகின்றனர். தீபாவளி, பொங்கல், கிறிஸ்துமஸ், ரம்ஜான் என பல பண்டிகைகளை கொண்டாடுவதும் உறவு பாலத்தை இணைப்பதற்காகத்தான். நாம் இருவர் நமக்கு ஒருவர் என்று வாழும் இன்றைய கால 2 கே பிள்ளைகளுக்கு தாத்தா, பாட்டி, சித்தப்பா, பெரியப்பா, சித்தி, பெரியம்மா, அத்தை, மாமா, அண்ணன், தம்பி, அக்கா, தங்கை, என ஒரே வீட்டில் வாழ்ந்தவர்களைப் பற்றி தெரிந்திருக்க நியாயமில்லை. குடும்ப உறவுகளின் அவசியத்தை உணர்த்தவே ஒவ்வொரு ஆண்டும் மே 15ஆம் தேதி உலக குடும்ப தினத்தை கொண்டாடுகின்றனர்.