*திருக்கோவலூர்!* *நடுநாட்டு திவ்ய தேசம்!*

 *கோபால்* என்பதுதான் *கோவல்* என்று திரிந்து *கோவலூர்* ஆயிற்று!

ஆழ்வாருக்கு முதலில் *பிராட்டி* தான் சேவை சாதித்தாள், அதனால் *திரு* வுடன் சேர்ந்து *திருக்கோவலூர்* ஆயிற்று!

ஆண்டாள் இவரை *ஓங்கி உலகளந்த உத்தமன்* என்று கொண்டாடுகிறாள்!

*அதமன், மத்யமன், உத்தமன்*:

அதமன் என்றால் தான் மட்டும் நன்றாக இருக்க வேண்டும் என்று நினைப்பவன்;

மத்யமன் என்றால் தானும், பிறரும் நன்றாக இருக்க வேண்டும் என்று நினைப்பவன்;

உத்தமன் என்றால் தனக்கு சிறுமை வந்தாலும், மற்றவர்கள் நன்றாக இருக்க வேண்டும் என்று நினைப்பவன்!

எல்லா ஜீவராசிகளிடமும் ச்ரேயஸை விரும்புபவன் ஸ்ரீமந் நாராயணன்!

தனக்கு எந்த தாழ்வு வந்தாலும் அடியார்களுக்காகவே பல அவதாரங்களை எடுத்து அவர்களை ஆஸ்ரயிப்பவன், அதனால் *உத்தமன்*!

உலகையே அளந்து சுபிக்ஷமாக்கிய வாமனாவதாரம் - திருவிக்ரம அவதாரம்! இதில் ஸம்ஹாரமே இல்லை. அப்படிப்பட்ட உயர்ந்த அவதாரம், அதனால் *உத்தமன்*!

"அடிவண்ணம் தாமரை அன்று உலகம் தாயோன்,

படிவண்ணம் பார்க்கடல்நீர் வண்ணம்-

முடிவண்ணம் ஓராழி வெய்யோன் ஒளியும் ஃதே அன்றே,

ஆராழி கொண்டார்க்கு அழகு!"

-பேயாழ்வார்

-

*அன்று "திரிவிக்ரம" அவதாரம் ஏற்று, உலகங்கள் அனைத்தையும் அளந்த எம்பெருமானின் திருவடியானது தாமரைமலர் போன்று சிவப்பு நிறமாகும்!*

*அவன் திருமேனியின் நிறம் பூமியைச் சூழ்ந்துள்ள கடலின் கருத்த நிறமாகும்!*

*அவனுடைய திருமுடி சூரியனின் ஒளி நிறத்தினை ஒததிருக்கின்றது!*

*தன் திருக்கரத்தில், திருவாழியானை ஏந்தியிருக்கின்ற அவ்வெம்பெருமானின் அழகுதான் என்னே! என்னே!*