🌹 *சுய சார்பு வாழ்க்கை ஆ-மளிகை பொருளில் மாற்றம்*

 வாழ்வதற்கு முதலில் தேவை ஆரோக்கியம். அந்த ஆரோக்கியத்தை பெறுவதற்கு நம்மால் எவ்வளவு நேரத்தை, உழைப்பை செலவு செய்ய இயலுமோ (நமக்காகவும் குடும்பத்திற்காகவும் ) அது சுய சார்பின் ஆணிவேராகும்.

தற்போதைய காலகட்டத்தில் பொருளாதாரம் ஏற்படுத்துவதே மிகப்பெரிய கௌரவமாக, திறமையின் வெளிப்பாடாக, ஏதோ சாதித்ததின் அடையாளமாக, மிகப்பெரிய வெற்றியாளராக கருதப்படுகிறார்கள்.

தனக்காகவும், குடும்பத்திற்காகவும், அது கடந்து சமுதாயத்திற்காகவும் செயல்படக் கூடிய அனைத்து நிலைகளும் உன்னதம் ஆகும். இப்படியிருக்கையில் இருவரும் வேலைக்குப் போனால் தான் குடும்பத்தை நடத்தமுடியும் இப்படியான சொல். பெண் வேலைக்குப் போவது அவளின் அடையாளம். பெண் வேலைக்குப் போவது திறமையின் வெளிப்பாடு. பெண் வேலைக்குப் போவது அவளுக்கான அங்கீகாரம். இவை எல்லாம் கடந்து அடிப்படை பொருளாதாரத்தை பெற்ற குடும்பத்தில் இருக்கக்கூடிய பெண்கள் வேலைக்குப் போகாமல் தனக்காகவும், தன் குடும்பத்திற்காகவும் தான் சார்ந்த சமூகத்திற்காகவும் ஆரோக்கியம் பொருட்டும், குழந்தை வளர்ப்பு பொருட்டும், அன்பு பொருட்டும், வீட்டில் இருந்து அனைத்தையும் செய்யக்கூடிய பெண்களே பெருமை வாய்ந்தவர்கள்.

சமுதாயம் கூறும் ஹவுஸ்வைஃப் மற்றும் வீட்டில் சும்மாதான் இருக்கேன் இவர்களே சாலச் சிறந்தவர்களாவர்களாவர்.

குறைந்தபட்சம் வீட்டில் இருக்கக்கூடிய பெண்கள் உணவு தயாரிப்பதை அவர்களே தயாரிப்பார்கள். அவர்கள் தயாரிக்கும் போது அதில் வைக்கக் கூடிய அக்கறை அதில் இருக்கக்கூடிய கவனம் அதில் அவர்களின் எண்ணத்தின் வெளிப்பாடு இப்படி பல விஷயங்கள் அதை உண்ணும் கூடியவர்களின் உடல் ஆரோக்கியத்திற்கு வலு சேர்க்கிறது என்பது உண்மையான கருத்தாகும்.

ஆகவே எனது அருமை தோழமைகளே எப்படி உணவு தயாரிப்பதில் நீங்கள் அக்கறை காட்டுகிறீர்களோ அதேபோன்று பெரும்பாலும் உணவுப் பொருள்களையும் நீங்களே தயாரிக்கும்போது பதப்படுத்தும் போது அது ஆரோக்கியத்தின் உச்சத்தை எட்டும் என்பதில் எந்த விதமான கருத்து வேறுபாடும் கிடையாது.

ஒவ்வொரு வருடமும் பங்குனி மாதம் மஞ்சள் விளைந்து விற்பனைக்கு வரும். ஏறக்குறைய தமிழ் நாட்டில் எல்லா இடங்களிலும் மஞ்சள் கிடைக்கும். ஒரு வீட்டிற்கு ஒரு வருடத்திற்கு தேவையான மஞ்சள் 2 கிலோ போதுமானது.

2 கிலோ பச்சை மஞ்சள் வாங்கி அவற்றை இரவில் டிவி பார்த்துக்கொண்டே கூட அறிந்துவிடலாம். மெல்லியதாக

அறிந்து வெயிலில் நன்றாக காயவைத்து எடுத்து வைத்து விட்டால் வருடம் முழுவதும் அப்படியே இருக்கும். அதை மீண்டும் காய வைக்க வேண்டிய தேவை இல்லை.

ஒவ்வொரு மாதமும் சின்ன மிக்ஸி ஜாரில் பெருக்க ஒரு கைப்பிடி அளவு மஞ்சளை போட்டு அரைத்து எடுத்து வைத்து உணவிற்கு பயன்படுத்தும் போதும் மருந்திற்கு பயன்படுத்தும் போதும் அது ஆரோக்கியத்தின் உச்சத்தை அடையும்.

மருந்திற்கு பயன்படுத்தும் மஞ்சள் கடையில் வாங்கினால் பலன் தராது. இதன்மூலம் சேமிக்கப்படும் பொருளாதார சேமிப்பு சொற்பமே ஆகும். இதனால் காப்பாற்றப்படும் உடல் ஆரோக்கியத்தின் மூலமாக மருத்துவச் செலவில் இருந்தும், மன உளைச்சலில் இருந்தும் குடும்ப உறுப்பினர் அனைவரையும் காப்பாற்றுவது மிகப் பெரிய விஷயமாகும்.

மஞ்சள் பொடி தயார் செய்யும் அதேவேளையில் பதப்படுத்த கூடிய மற்ற பொருள்களையும் சேர்த்து பதப்படுத்தி வைத்து விடலாம்.

எனதருமை தோழமைகளே நீங்கள் செய்வதை குடும்ப உறுப்பினர்களும், சமுதாயமும் அறியாமல் போகலாம். மஞ்சள் காய வைத்ததும் மோர் மிளகாய் வடகம் வத்தல் போட்டதும் மதிப்பு அறியாமல் போகலாம். விடுங்கள். நீங்கள் அறிவார்ந்தவர்கள் உங்கள் நேரத்தை பயனுள்ள வகையில் செலவு செய்கிறீர்கள் என்பதை நீங்கள் உணருங்கள். ஆரோக்கியம் உங்கள் அத்துணை பேருக்கும் கிடைக்கும் அந்த வகையில் நீங்கள் ஒரு மருத்துவர்.

மஞ்சள் பொடி மிளகு பொடி சீரகப் பொடி இட்லி பொடி மாங்காய் வத்தல் கத்தரிக்காய் வத்தல் இப்படி வத்தல் வகைகளும் பதப்படுத்த கூடிய பொருள்களிலும் கலப்படங்கள் இருக்கிறது. அதனால் பல நோய்கள் உருவாகிறது. ஓடி ஓடி பணம் சம்பாதித்து நோயால் பாதிக்கப்பட்டு மருத்துவரிடம் அந்த பணத்தை கொடுப்பதில் என்ன இருக்கிறது. ஆகவே எனது அருமை தோழமைகளே பொருளாதாரத்தில் மிகவும் பின்தங்கிய குடும்பத்தில் இருக்கும் பெண்கள் மட்டும் வேலைக்கு செல்லலாம் ஓரளவு பொருளாதாரம் இருப்பினும் வீட்டிலிருந்து உணவு, அக்கறை, அன்பு ,பாசம், கவனிப்பு இவற்றைக் கொடுப்பது சாலச் சிறந்ததாகும். அப்படிப்பட்ட பெண்ணே சாதித்த பெண்ணாவாள்.