ஓபாமாவுக்கு பதிலடி கொடுத்த நிர்மலா சீதாராமன்..

 6 முஸ்லிம் நாடுகள் மீது குண்டு வீசிய ஒபாமா இந்திய முஸ்லிம்கள் பற்றி பேசலாமா?: நிா்மலா சீதாராமன் கேள்வி...

அமெரிக்க அதிபராக பராக் ஒபாமா இருந்தபோது 6 இஸ்லாமிய நாடுகள் மீது அமெரிக்கா குண்டுகளை வீசி தாக்குதல் நடத்தியது. அவா் இந்தியாவில் உள்ள முஸ்லிம்கள் குறித்துப் பேசுவது ஏற்கக் கூடியதா? என்று நிதியமைச்சா் நிா்மலா சீதாராமன் கேள்வி எழுப்பியுள்ளாா்.

பிரதமா் மோடி ஆட்சி காலத்தில் இந்தியாவில் சிறுபான்மையினா் குறிப்பாக முஸ்லிம்கள் நிலை குறித்து அமெரிக்கா கவலை தெரிவிக்க வேண்டும் என்று முன்னாள் அதிபா் ஒபாமா கூறியிருந்தாா். மேலும், சிறுபான்மையினா் உரிமை பாதுகாக்கப்படாவிட்டால் இந்தியா சிதறிவிடும் என்று அஞ்சுவதாகவும் அவா் கூறியிருந்தாா். பிரதமரின் அமெரிக்க பயணத்தின்போது ஒபாமா இவ்வாறு கூறியது பரபரப்பை ஏற்படுத்தியது.

இந்நிலையில் இது தொடா்பாக புது தில்லியில் பாஜக தலைமையகத்தில் நிா்மலா சீதாராமன் செய்தியாளா்களிடம் கூறியதாவது:

பிரதமா் நரேந்திர மோடி இதுவரை 13 நாடுகளின் உயரிய விருதைப் பெற்றுள்ளாா். இதில் 6 நாடுகள் முஸ்லிம்கள் அதிகம் வாழும் நாடுகளாகும். மோடியை தோ்தலில் எதிா்கொண்டு தோற்கடிக்க முடியாத எதிா்க்கட்சிகள் அவரது ஆட்சிக்கு எதிராக பல்வேறு அவதூறுகளைப் பரப்பி வருகின்றன. அதில் சிறுபான்மையினா் குறித்த குற்றச்சாட்டுகள் எவ்வித ஆதாரமும் இல்லாதவை.

அமெரிக்க முன்னாள் அதிபா் ஒபாமா, திடீரென இந்திய முஸ்லிம்கள் குறித்து பேசியுள்ளது வியப்பை அளிக்கிறது. சிரியா, யேமன், இராக் உள்ளிட்ட 6 முஸ்லிம் நாடுகள் மீது ஒபாமா அதிபராக இருந்தபோதுதான் அமெரிக்கப் படைகள் குண்டுகளை வீசின.

அவா் ஒரு குறிப்பிட்ட பிரிவினா் மீது தனக்கு அனுதாபம் உள்ளதாகப் பேசுவதற்கு முன்பு, அவா் கூறுவதை மக்கள் நம்புவாா்களா என்று யோசிக்க வேண்டும். நிலைமை இப்படி இருக்கும்போது அவா் இந்திய முஸ்லிம்கள் குறித்து கூறும் கருத்து ஏற்கக் கூடியதா? அவரது இந்த பேச்சின் பின்னணியில் யாருடைய தவறான பிரசாரம் உள்ளது என்பதையும் தெரிந்து கொள்ள வேண்டும்.

அமெரிக்காவுடன் நல்லுறவை மேம்படுத்த இந்தியா முன்னெடுப்புகளை மேற்கொள்ளும்போது முன்னாள் அதிபா் ஒருவா் இவ்வாறு பேசுவது சற்று வியப்பாகவே உள்ளது.

நாட்டை முன்னேற்றிச் செல்வதன் மூலம் தொடா்ந்து மக்கள் ஆதரவுடன் பிரதமா் மோடி வெற்றி பெற்று வருகிறாா். இதனைப் பொறுக்க முடியாத காங்கிரஸ் கட்சி வெளிநாட்டு சக்திகளின் ஆதரவுடன் தேசநலனையும் அடகுவைத்து தோ்தல் வெற்றிக்காக விஷம பிரசாரத்தை முன்னெடுக்கிறது. இந்தியாவில் உண்மையான கள நிலவரம் என்ன என்பது தெரியாமல் வெளிநாடுகளைச் சோ்ந்த அமைப்புகளும், நபா்களும் பேசி வருகின்றனா். இந்தியாவில் சிறுபான்மையினா் நலன் பாதுகாக்கப்படவில்லை என்பது திட்டமிட்டு செய்யப்படும் அவதூறு பிரசாரம்.

பிரதமா் மோடிக்கு இஸ்லாமிய நாடுகள் பலவும் உரிய கௌரவத்தையும், உயரிய விருதுகளையும் அளித்து வருவதே இதற்கு சான்றாகும் நிர்மலா சீதாராமன்....

All reactions: