🌹அமலாக்கத்துறை ரெய்டும், அறங்கேற்றப்பட்ட நாடகங்களும் 🌹

 நேற்று முழுவதும் தொலைக்காட்சியை பார்த்தவர்கள், ஒரு கட்டத்தில் அதை ஆஃப் செய்து விட்டு ஓடியிருப்ப்ர்கள்.

அந்த அளவிற்கு அமைச்சர் பாலாஜியின் நெஞ்சை பிடித்து கொண்டு கதறும் காட்சிகளை திரும்ப திரும்ப திரும்ப காண்பித்து மக்களை எரிச்சல் அடைய வைத்து விட்டது.

இதை படிக்கும் அனைவருக்கும் தெரியும்.

என்ன நடந்தது என்று. காலை நடைப்பயிற்சியை முடித்துவிட்டு, எல்லா ஒத்துழைப்பும் கொடுப்பேன் என்று செய்தியாளர்களிடம் கெத்தாக சொன்னதை எல்லோருமே பார்த்தோம்.

ஆனால் அமலாக்கத்துறையின் விசாரணையில் சரியாக ஒத்துழைப்பு அளிக்காமல், கேள்விகளுக்கு சரியான பதில் அளிக்காமல் அலைகழித்து இருக்கிறார். அதனான் தான் 18 மணி நேரம் அவ்வளவு நேரம் ஆகியிருக்கிறது.

அமலாக்கத்துறை கொடுத்த விசாரணை தொடர்பான நடவடிக்கை நோட்டிஸையும் கையெழுத்து போட்டு வாங்க மறுத்து விட்டார். வாங்கினால் கைது ஆகி விடுவோம் என்று நன்றாக தெரிந்து தான் இந்த நாடகம்.

இதற்கு இடையில் பாரதி உட்பட எல்லா அமைச்சர்களும் வீட்டுக்கு படையெடுத்து ஆர்ப்பாட்டம். அமலாக்கத்துறை விசாரணை விதிகளின் படி அவர்கள் யாரையும் உள்ளே விடவில்லை. பாலாஜியை பார்க்க யாரையும் அனுமதிக்கவில்லை.

அப்போதே எங்கப்பன் குதிருக்குள் இல்லை என்பது போல் ஆர் எஸ் பாரதி, பத்திரிக்கையாளர்களிடம்,

"செந்தில் பாலாஜிக்கு என்னவோ ஆகி விட்டது. உள்ளே அமலாக்கத்துறை டார்ச்சர் பண்ணுகிறார்கள். எங்கள் யாரையும் பார்க்க அனுமதிக்க மறுக்கிறார்கள். கேட்டுக்கு அந்த பக்கம் வந்து நின்றால் கூட போதும். அமைச்சரை பார்த்து விட்டு போய்விடுகிறோம்" என்று ஒப்பாரி வைத்து கொண்டு இருந்ததை நாம் பார்த்து இருக்கலாம்.

அப்போதே திமுக ஏதோ நாடகம் அரங்கேற்ற போகிறது என்று தெரிந்தது.

பாலாஜியிடம் இருந்து சரியான ஒத்துழைப்பு கிடைத்து இருந்தால் மாலைக்குள் கைது நடவடிக்கை உட்பட அனைத்து நடவடிக்கைகளும் முடிந்திருக்கும். நடு இரவு வரை வேண்டுமென்றே முரண்டு பிடித்து, எதிர்பார்த்த நாடகமும் அரங்கேறியது.

இந்த நகழ்வுகளை நாடகம் என்று சொல்லுவதற்கு அனைத்து முகாந்திரங்களும் இருக்ககறது.

மாலையில் அமைச்சர் சுப்பிரமணியம் தயாரித்து கோடுத்த ஒரு நீண்ட அறிக்கையை பத்திரிக்கையாளர்கள் சந்திப்பில் வாசித்தார். அனைத்து தொலைக்காட்சிகளிலும் நேரலையில் வந்திருந்தது. அதை பார்த்தவர்களுக்கு அமைச்சர் சுப்பிரமணியம் என்ன சொல்கிறார், என்ன சொல்ல வருகிறார் என்று யாருக்கும் புரியவில்லை.

அதில் இருந்த உண்மைத்தன்மை எவ்வளவு என்பதற்கு ஆண்டவனுக்கே வெளிச்சம்.

டாஸ்மாக் முறைகேடுகளையும், நடந்து கொண்டு இருக்கும் அதீத கொள்ளைகளையும், கள்ள சாராயம் மூலம் நாள்தோறும் நடக்கும் உயிர் இழப்புகளையும் மக்கள் பார்த்து கொண்டு தான் இருக்கிறார்கள்.

டாஸ்மாக் ஊழியர்களின் புலம்பல்களே நேற்று வீடியோவில் வைரலாகி கொண்டு இருந்தது. பல இடங்களில் பாலாஜி கைதை டாஸ்மாக் ஊழியர்கள் வெடி வெடித்து, ஸ்வீட் கொடுத்து கொண்டாடிய செய்திகளும் அலை அடித்து கொண்டு இருக்கிறது.

மொத்தம் இருக்கும் 6000 பார்களில், 4000 பார்கள் டெண்டர் விடப்படாமல் அமைச்சர் செந்தில்பாலாஜியின் அதிகார துஷ்பிரயாத்தால் நடந்து கொண்டு கொண்டு இருக்கிறது. மாதந்தோறும் கோடிகளில் பணம் மேல் மட்டம் வரைக்கும் பாய்கிறது.

இரண்டுநாள் முன்பு கூட டாஸ்மாக் மதுவை குடித்து 2 பேர் மரணமடைந்து இருக்கிறார்கள். சயனைடு கலந்து இருந்ததாக ஒரு செய்தியும் உலவுகிறது.

இன்று முதலமைச்சர் தன் பங்கிற்கு ஒரு அறிக்கையை தொலைபேசியில் சற்றுமுன் வாசித்தார். அதில் வழக்கம் போல எதைஎதையோ சொல்லி கடைசியாக "திமுகவை சீண்டிப்பார்க்க வேண்டாம். எல்லா அரசியலும் எங்களுக்கும் தெரியும்" என்று மிரட்டலான தொனியில் பேசினார்.

இதை விட பெரிய சவால்களை எல்லாம் பார்த்து விட்டார்களாம். எல்லாம் சொல்லிவிட்டு, கூடவே "இது மிரட்டல் அல்ல. எச்சரிக்கை" என்றும் கூறினார். மக்கள் இதையெல்லாம் நம்ப மாட்டார்களாம். பாவம். முதல்வர் புலம்பலை பார்க்க மிகவும் பாவமாகத்தான் இருந்தது.

தொட்டதெற்கெல்லாம் பாஜகா-வை குற்றம் சொல்லும் திமுக இந்த விஷயத்திலும் வானத்திற்கும் பூமிக்கும் குதிப்பதில் ஆச்சரியம் ஒன்றுமில்லை.

தவறு செய்தவர்கள் தண்டிக்கப்பட வேண்டும். இது காலத்தின் கட்டாயம்.

அமலாக்கத்துறை, உச்சநீதி மன்றத்தின் வழிகாட்டுதல்கள் படி சட்டரீதியாக முறையாக நடவடிக்கை எடுத்து வருகிறது.

இந்த நாடகங்களையும் மிரட்டல்களையும்

தமிழக மக்கள் பார்த்து கொண்டு தான் இருக்கிறார்கள். இனி வரும் தேர்தல்களில், சரியான நேரத்தில் சரியான தீர்ப்பு வழங்குவார்கள்.