💞பொஸசிஸிவ்னஸ்..❤👉💔

 எனக்கே எனக்கானது என்று சில பொருட்கள் மீதோ அல்லது மனிதர்கள் மீதோ நாம் எல்லாருக்குமே ஏற்படுகிற இயல்பான குணம் இது..

அதீத பற்று காரணமாக ஏற்படும் இந்த குணம் ஆபத்தானதும் கூட..

உணவிற்கு உப்பு போன்றதுதான் எந்த உறவுக்கும் இந்த பொசசிவ்நெஸ்ம் .

சரியான அளவுள தரணும் அதிகமாயிட்டா உணவைப்போலதான் அதிகமான பொசசிவ்நெசில் உறவும் புறக்கணிக்கப்பட்டு விடும் .

இது காதலன்/காதலி கணவன்/மனைவி உறவில் மட்டும் வருவதில்லை ..தாய் மகன் உறவில் உண்டு .

மாமியார் மருமகள் சண்டைகளின் ஆதாரங்களைத் தோண்டி பார்த்தால் இந்த பொசசிவ்நெஸ் தான் காரணம் என்று புலப்படும்.சகோதர சகோதரிகளிடம் ஏற்படும் ..எதிர் பாலின நட்பு மட்டுமல்ல ஓர் பாலின நட்புக்களிலும் வரும் ..

ஏன் இந்த முக நூலில் நண்பர்களிடமும் ஏற்படுகிறது .."அங்க லைக் போட்டே இங்க லைக் போட்டே.என் பதிவ கண்டுக்கவே இல்லை .." இது போன்ற சாடல்களின் ஆதாரமும் பொசசிவ்நெஸ்தான்..

சில நேரங்களில் இந்த பொசசிவ்நெஸ் தீவிரமாகி ஒருவர் இன்னொருவரைக் கண் ட்ரோல் செய்யும் நிலையும் ஏற்பட்டு உறவையே பொசுக்கும் வஸ்துவாகவும் மாறி விடுகிறது.

பொசசிவ்நெஸ் பெரும்பாலும் பெண்களின் குணமாகவே பார்க்கப்படுகிறது..

ஆனால் ஆண்களுக்கும் பொசசிவ்நெஸ் உண்டு.. வெளிப்படுத்துவதில் ஆண்களும் பெண்களும் மாறுபடுகின்றனர் அவ்வளவே..

பெண்கள் தன் பற்றை வெளிப்படையாக காட்டுவார்கள்.அதற்கான ரெஸ்பான்ஸ் சரியாக கிடைக்கவில்லையென்றால் கோவப்படுவார்கள் ,சண்டை போடுவார்கள்,அழுவார்கள்

"என் மேல அன்பே இல்ல..என்னைவிட உங்கம்மா முக்கியமா போயாச்சு .

நான்னா உங்களுக்கு மட்டம்...

என்கிட்ட என்ன இருக்கு? ..அவள மாதிரி அழகு இருக்கா அறிவு இருக்கா .?." என்று சிலர் தன்னைத் தாழ்த்திக் கொண்டு மூக்கை சிந்தி ஒப்பாரி வைப்பார்கள்

சிலர் " அவள விட எனக்கு என்ன குறச்சல்.?...என்னைவிட அவ உசத்தியா ....அழகுல ,அறிவுல என் கால் தூசுக்கு கூட அவ இல்ல ..." என்பது போன்ற தன்னை உயர்த்திக் கொண்டு நெற்றிக் கண் திறந்து பொசுக்கி விடுவார்கள்..

. பக்கத்து வீட்டுக் குழந்தை பிறந்தநாள் சாக்லேட் கொடுக்க வந்தால், கன்னம் கிள்ளி தூக்கி வைத்து, குட் கர்ல்’ எனக் கொஞ்சி இறக்கிவிடுவதை இமை கொட்டாமல் பார்த்துக்கொண்டிருந்து, வரும் அழுகையை வாய்கோணி, உதடுகள் விம்ம அடக்கி,தலையை மட்டும் ஆட்டி, போ என்பதுபோல் பாவித்து உள்ளே ஓடும் மகள் முதுகில் தூக்கிச் செல்வது அப்பாவின் மீதிருக்கும் பொசசிவ் மூட்டையைத்தான்.

‘அன்னிக்கு வந்த ஃப்ரெண்ட் எங்க வொர்க் பண்றாங்க, நல்லா பேசினாங்க’ என்று யதார்த்தமாய் சொல்லிவிட்டால், டம்ளர்கள் கீழே விழுவதும், ‘நங்’கெனும் ஒலியோடு சாப்பாட்டுத்தட்டு வைக்கப்படுவதும் பொசசிவின் மூன்றாம் விதியே.

பெண்களின் பொசசிவ்னஸ் இவ்வாறு வெளிப்பட்டு விடுகிறது..

ஆண்களின் பொசசிவ்நெஸ் வெளிப்படுவது வேறு விதம்..அது மூர்க்கத்தனமானது ...ஆண்களின் பொசசிவ்நெஸ் அவர்களை ஆங்காரப்படுத்தும்,ஆத்திரப்படுத்தும் ..

உள்ளே இருக்கும் ஈகோ ,சாடிசமாக தலைத் தூக்கும்...ஆனாலும் கோவமாக சண்டை போட்டோ ,வருந்தியோ வெளிப்படுத்த மாட்டார்கள்..

அவளுக்கு பிடிக்காத ஒரு விஷயத்தை செய்து வெறுப்பேத்துவார்கள் அல்லது அவளை மட்டம் தட்டி ,

அவமானப்படுத்துவார்கள்..

பெண்களின் பொசசிவ்நெஸ் தன்னைத் தானே வறுத்திக் கொள்வது..

ஆண்களின் பொசசிவ்நெஸ் எதிராளியை வறுத்துக் கொல்வது..இதான் வேறுபாடு..

இவ்வாறு பொசசிவ்நெஸ் ஆண் பெண் இருவருக்குமே இயல்பாக ஏற்படுகிற ஒரு குணமே ஆகும்..ஆனால் இரண்டிற்குமே ஒரு எல்லை உண்டு ..

பொசசிவ்நெஸ் எந்த உறவுக்கும் சுவாரஸ்யம் /அழகு சேர்க்கும் அமிர்தம் தான் ஆனால் அதன் அளவை வரையறுக்க தவறினால் உறவை அழுக வைத்து அழித்துவிடும் விஷமும் அதேதான்..

பொய்க்கோபமும் " உன் மீதான என் காதலிது’ என்பதை உணர்த்துவதாயும் இருக்கும் வரை பொசசிவ்நெஸ் ஒருவித அழகியலில் முடிகிறது.

அதீத அன்பே பொசசிவ்நெசுக்கு காரணம் ..குழந்தைக்கு சோறு ஊட்டுவது போல் தான் தேவையான நேரத்தில் தேவையான அளவிற்கு அன்பை வெளிப்படுத்த வேண்டும்..பசிக்காத நேரத்தில் எத்தகய அறுசுவை உணவும் குமட்டத்தான் செய்யும்..

ஆதலால் அளவோடு அன்பு செய்வீர் ஆனந்தமாய் வாழ்வீர் !

(நானும் ரொம்ப பொசஸிவ் தானுங்கோ)