இந்திய விரோத மனப்பான்மை கொண்ட சீனா, எதிரியின் எதிரி நண்பன் என்பதற்கு ஏற்ப பாகிஸ்தானுடனும், தாலிபான்கள் கட்டுப்பாட்டில் உள்ள ஆப்கானிஸ்தானுடனும் நெருக்கமாக உள்ளது .

 ஆப்கானிஸ்தானை தலிபான்கள் கைப்பற்றியது தெற்காசியாவில் குறிப்பிடத்தக்க பின்விளைவுகளை ஏற்படுத்துகிறது. இந்தியாவைப் போலவே சில நாடுகள் இந்த சம்பவத்தால் பாதிக்கப்பட்டுள்ளன. இந்தியா ஆப்கானிஸ்தானுக்கு உதவி வழங்குவதில் ஐந்தாவது பெரிய நாடாகும். இருந்தும், பாகிஸ்தானின் கடுமையான ஆட்சேபனைகளின் காரணமாக, ஆப்கானிஸ்தான் தொடர்பான பெரும்பாலான அரசியல் பேச்சுவார்த்தைகளில் இருந்து இந்தியாவை அமெரிக்கா நீண்ட தூரத்தில் தான் வைத்திருந்தது. சீனா, பாகிஸ்தான், ரஷ்யா மற்றும் அமெரிக்கா இடையே இந்த மாதம் நடந்த ட்ரொயிகா பிளஸ் பேச்சுவார்த்தையின் போது, இந்தியாவை ஈடுபடுத்தாமல் விட்டது பலத்த சந்தேகத்தையே எழுப்புகிறது.

இந்த மன்றங்களில் இந்தியாவை ஈடுபடுத்தாததால், தலிபான்களின் கட்டுப்பாட்டில் உள்ள ஆப்கானிஸ்தானில் மனித மற்றும் உள்கட்டமைப்பில், இந்தியா இதுவரை செய்த பல முக்கிய முதலீடுகள் ஆபத்தில் உள்ளன. அதைவிட மோசமானது, அமெரிக்காவின் விலகலைத் தொடர்ந்து ஏற்பட்ட நெருக்கடி இந்தியாவின் வெளியுறவுக் கொள்கை மற்றும் பாதுகாப்பு நலன்களை இரண்டு முனைகளில் கணிசமான ஆபத்தில் ஆழ்த்துகிறது. முதலில், ஒரு புதிய தாலிபான் அரசாங்கம் இந்திய-விரோத பயங்கரவாத அமைப்புகளுக்கும், இந்திய நிர்வாகத்தில் உள்ள காஷ்மீரில் குழப்பத்தை விதைக்கக்கூடிய பிற குழுக்களுக்கும் பாதுகாப்பான புகலிடங்களை வளர்க்கும். இதற்கிடையில், தலிபான்களுடன் இணைந்து பணியாற்ற சீனா தயாராக இருப்பது இப்பகுதியில் அதன் தடம் விரிவடையக்கூடும்.

கடந்த இருபது ஆண்டுகளில், ஆப்கானிஸ்தானின் மிக முக்கியமான நன்கொடையாளர்களில் ஒன்றாக இந்தியா மாறியது, ஆப்கானிஸ்தான் மாணவர்களுக்கு உதவித்தொகை வழங்கி, உணவு உதவியை வழங்கி, நாட்டின் போரினால் பாதிக்கப்பட்ட மின்சக்தியை மீட்டெடுக்க உதவியது. ஆனால், வெண்ணை திரண்டு வரும் போது பானை உடைந்த கதையாய், நமது முதலீடுகளுக்கு பலன் கிட்டும் காலம் நெருங்கும் போது, தாலிபானின் இந்த செயல் நம்மை அச்சத்தில் ஆழ்த்துகிறது. தாலிபான் அரசாங்கத்துடன் கடந்த கால அனுபவத்தின் அடிப்படையில், இந்தியாவின் பாதுகாப்பு நிறுவனம் இப்போது நாட்டில் அதன் நலன்களைப் பற்றி கடுமையான அச்சங்களை எதிர்கொள்கிறது.

முதலீடுகளின் அடிப்படையில், 2001 முதல், இந்தியா சுமார் 3 பில்லியன் டாலர்களை (ரூ. 224 கோடி) ஆப்கானிஸ்தானின் உள்கட்டமைப்பில் முதலீடு செய்துள்ளது, இதில் நாட்டின் அனைத்து மாகாணங்களிலும் 400 திட்டங்கள் உள்ளன. இந்தத் திட்டங்கள் பெரும்பாலும் உள்கட்டமைப்பு, மனித வள மேம்பாடு மற்றும் திறன் மேம்பாடு, மனிதாபிமான உதவி, சமுதாய மேம்பாடு மற்றும் காற்று மற்றும் நில இணைப்பு மூலம் வர்த்தகத்தை மேம்படுத்துதல் ஆகியவற்றைச் சார்ந்தவை. இது தவிர, 2020 ல் ஜெனீவா மாநாட்டில், காபூல் மாவட்டத்தில் ஷாஹூட் அணை கட்டுவதோடு கூடுதலாக 80 மில்லியன் டாலர் மதிப்புள்ள 100 சமூக மேம்பாட்டுத் திட்டங்களையும் இந்தியா அறிவித்தது. இந்த அணை 2 மில்லியன் மக்களுக்கு பாதுகாப்பான குடிநீரை வழங்க வேண்டும்.

இந்தியா ஆப்கானிஸ்தானின் மிகப்பெரிய ஏற்றுமதி சந்தைகளில் ஒன்றாகும், குறிப்பாக உலர்ந்த பழங்கள், தரைவிரிப்புகள், கம்பளி போன்ற பொருட்களுக்கு. 2019 ஆம் ஆண்டு நிலவரப்படி, இந்தியாவுக்கான அனைத்து ஆப்கானிஸ்தான் ஏற்றுமதிகளின் மொத்த மதிப்பு $ 410 மில்லியன் ஆகும், இது 2020-21 ஆண்டில் 500 மில்லியன் டாலராக அதிகரித்தது.

ஆனால் இப்போது, இந்த புதிய முன்னேற்றங்கள் இந்திய வணிகங்களை கவலையடையச் செய்துள்ளன. உதாரணமாக, பாகிஸ்தானுடனான ஆப்கானிஸ்தானின் இரண்டு எல்லைகளை தலிபான்கள் மூடிவிட்டதாகக் கூறப்படுகிறது, இவை இந்தியாவிலிருந்து ஆப்கானிஸ்தானுக்கு வர்த்தக நடவடிக்கைகளுக்குப் பயன்படுத்தப்படும் ஒரே நிலப் பாதையாகும்.

உள்கட்டமைப்பைப் பொருத்தவரை, இந்தியா ஆப்கானிஸ்தானுக்கு சாலைகள், அணைகள், பள்ளிகள், நூலகங்கள் மற்றும் அதன் பாராளுமன்றத்தை உருவாக்க உதவியது. 2015 ஆம் ஆண்டில், 90 மில்லியன் டாலர் மதிப்பீட்டில் கட்டப்பட்ட இந்த கட்டிடத்தை பிரதமர் நரேந்திர மோதி திறந்து வைத்தார். "இந்த கட்டிடம் உணர்ச்சிகள் மற்றும் மதிப்புகள், பாசம் மற்றும் அபிலாஷைகளின் உறவுகளின் நீடித்த அடையாளமாக நிற்கும்" என்று 86 ஏக்கர் பரப்பளவில் கட்டடத்தின் தொடக்க விழாவில் மோதி கூறினார்.

தலிபான்களின் பொது உத்தரவாதங்கள் இருந்தபோதிலும், ஆப்கானிஸ்தான் மீண்டும் ஒரு பிராந்திய பயங்கரவாத புகலிடமாக உருவாகலாம். அவர்கள் முன்பு ஆட்சியில் இருந்தபோது, தலிபான்கள் ஆப்கானிஸ்தானில் உள்ள பல இந்திய எதிர்ப்பு பயங்கரவாத அமைப்புகளுக்கு சுதந்திரம் கொடுத்தனர், குறிப்பாக ஜெய்ஷ்-இ-முகமது (ஜேஎம்) மற்றும் லஷ்கர்-இ-தொய்பா. நீண்டகால கிளர்ச்சியின் தளமான இந்திய நிர்வாகத்தில் உள்ள காஷ்மீரில் இந்த அமைப்புகளை மீண்டும் ஒருங்கிணைக்கவும், பயிற்சி அளிக்கவும், பின்னர் அழிவை ஏற்படுத்தவும் பாதுகாப்பான புகலிடங்கள் அனுமதித்தன.

கடந்த காலங்களில், இந்திய குடிமக்களையும் நலன்களையும் குறிவைத்து தாக்கும் பயங்கரவாதிகளுக்கு தலிபான்கள் தீவிரமாக உதவினார்கள். 1999 ஆம் ஆண்டில், நேபாளத்தின் காட்மாண்டுவிலிருந்து இந்தியன் ஏர்லைன்ஸ் விமானத்தை கடத்தியவர்களை தலிபான் அரசு தண்டனையிலிருந்து தப்பிக்க அனுமதித்தது. பயணிகளின் பாதுகாப்பை உறுதி செய்வதற்காக, சிறையில் இருக்கும் பாகிஸ்தான் பயங்கரவாதி மசூத் அசார் விடுவிக்கப்பட வேண்டும் என்ற கோரிக்கைகளை இந்தியா ஏற்றுக்கொண்டது. மசூத் ஆப்கானிஸ்தானுக்கு மாற்றப்பட்ட பிறகு, தாலிபான்கள் அவரை பாகிஸ்தானுக்கு பயணிக்க அனுமதித்தனர், அங்கு அவர் 2019 ஆம் ஆண்டில் இந்திய நிர்வாகத்தில் இருந்த காஷ்மீர் உட்பட இந்தியா முழுவதும் அதிக அளவிலான தாக்குதல்களுக்கு பொறுப்பான JeM என்ற அமைப்பை நிறுவினார்.

அதுபோல, பயங்கரவாதிகளின் பாதுகாப்பான புகலிடங்களாக ஆப்கானிஸ்தான் மாறுவது, காஷ்மீரில் இந்திய எதிர்ப்பு தீவிரவாத நடவடிக்கைகளை கணிசமாக சிக்கலாக்கும். சர்ச்சைக்குரிய பிராந்தியத்தில் தற்போது செயல்பட்டு வரும் உள்நாட்டு பயங்கரவாதக் குழுக்கள் புதிய சரணாலயங்களை தோற்றுவிக்கலாம் என்று இந்திய பாதுகாப்பு அதிகாரிகள் அஞ்சுகின்றனர். நீண்டகாலமாக காஷ்மீர் கிளர்ச்சியில் ஈடுபட்டு வரும் பாகிஸ்தானின் இன்டர்-சர்வீசஸ் இன்டலிஜென்ஸ் ஏஜென்சியின் ஒத்துழைப்புடன், இந்த குழுக்கள் ஆப்கானிஸ்தானில் பாதுகாப்பான புகலிடங்களையும் அணுகலாம். காஷ்மீரில் இத்தகைய செயல்கள் வன்முறையை அதிகரிக்க வழிவகுக்கும்.

தலிபான்களுடன் இணைந்து பணியாற்ற சீனா வெளிப்படையாகத் தயாராக இருப்பது இந்திய பாதுகாப்புத் திட்டமிடல்களின் கவலைகளை கணிசமாக அதிகரிக்கலாம். பெய்ஜிங் தனது பாதுகாப்புப் படைகளின் பெரும்பகுதியை திரும்பப் பெறும் பிடென் நிர்வாகத்தின் முடிவை பகிரங்கமாக விமர்சித்தது, இது பிராந்திய உறுதியற்ற தன்மைக்கு வழிவகுக்கும் என்று வாதிட்டது. ஆனால் இந்த பொது தோரணை தவறாக இருக்கலாம். சீனா ஏற்கனவே பெய்ஜிங்கில் தலிபான் தலைமையை ஏற்றது ஏற்கனவே,அது தலிபான்களுடன் இணைந்து பணியாற்றுவதற்கான வழிகளைக் கண்டுபிடித்ததற்கான சான்றுகள் உள்ளன. ஆப்கானிஸ்தானில் அதன் பெல்ட் மற்றும் சாலை முயற்சியை விரிவுபடுத்துவதற்கு அது திட்டமிட்டுள்ளது.

தலிபான் ஆட்சியுடன் இணைந்து செயல்பட சீனாவுக்கு பல காரணங்கள் உள்ளன. தற்போது பெய்ஜிங்கில் இருந்து அதிகரித்து வரும் அடக்குமுறையை எதிர்கொள்ளும் சின்ஜியாங்கில் உள்ள உய்கூர் முஸ்லீம் மக்களுக்கு தலிபான்கள் பாதுகாப்பான புகலிடங்கள் அல்லது பிரச்சார ஆதரவு மூலம் எந்த ஊக்கமும் வழங்கவில்லை. இந்த நிலை தொடர்வதை சீனா உறுதி செய்ய வேண்டும். நீண்ட காலத்திற்கு, ஆப்கானிஸ்தானின் குறிப்பிடத்தக்க கனிம வளங்களுக்கு ,பரந்த செப்பு சுரங்கங்கள் உட்பட அனைத்திலும் சீனா தனது சொந்த அணுகலைஉறுதி செய்ய விரும்புகிறது, அமெரிக்க பொருளாதார உதவி கிடைக்காமல், தலிபான் தீவிர நிதி தேவைகளை பூர்த்தி செய்ய அவசரமாக வெளிநாட்டு முதலீட்டை நாடுகிறது.

தாலிபான் ஆட்சி திரும்புவதன் மூலம் ஆப்கானிஸ்தானில் தனது அரசியல் மற்றும் இராஜதந்திர கால்தடத்தை விரிவுபடுத்தும் பெய்ஜிங்கின் திறனைப் புது டெல்லி கவலையுடன் நோக்குகிறது . இந்திய விரோத மனப்பான்மை கொண்ட சீனா, எதிரியின் எதிரி நண்பன் என்பதற்கு ஏற்ப பாகிஸ்தானுடனும், தாலிபான்கள் கட்டுப்பாட்டில் உள்ள ஆப்கானிஸ்தானுடனும் நெருக்கமாக உள்ளது . இதுஆப்கானிஸ்தானில் இந்திய செல்வாக்கை கட்டுப்படுத்த சீனா மேலும் தீவிரமாக செயல்பட உதவும். இந்தியாவின் மேல் தலிபான்கள் கொண்ட வன்மம், புதுடெல்லியைத் தடுத்து நிறுத்தும் பெய்ஜிங்கின் திறனை எளிதாக்க உதவும்.