💕அன்னக்கிளியிலிருந்து_தாரை தப்பட்டை வரை..!💖

 அன்னக்கிளியில் துவங்கிய இசைஞானியின் இசைப்பயணம் தாரை தப்பட்டை வரை தொடர்ந்து வந்திருக்கிறது.கிட்டத்தட்ட 50வருட நீண்ட பயணத்தில் சராசரியாக படத்திற்கு 5 பாடல்கள் என்றாலும் 5000பாடல்களுக்கு மேலான பாடல்களை தந்திருக்கிறார்.ஒரு இயக்குனரின் எதிர்பார்ப்பை உணர்ந்து படத்தின் சூழலியல் உணர்ந்து இசை அமைப்பதில் வல்லவர் இசைஞானி அவர்கள்.

பாரதிராஜா,மகேந்திரன்,பாக்கியராஜ்,மணிவண்ணன்,பாலு மகேந்திரா,கே.பாலசந்தர்,கமல்ஹாசன்,மணிரத்னம் என அவருடன் பணியாற்றிய இயக்குனர்களின் திரைவாழ்க்கை வெற்றிகரமாக அமைய உறுதுணையாக இருந்து இருக்கிறார்.சிந்துப்பைரவி,உதய கீதம்,இதயம்,பயணங்கள் முடிவதில்லை,பாடு நிலாவே போன்ற இசை சம்பந்தப்பட்ட படங்களுக்கு காலத்தால் அழியாத பாடல்களை தந்து அந்தப்படங்களை வெற்றிப்படங்களாக மாற்றினார்.

சிவக்குமார்,மோகன், ரஜினி,கமல்,

விஜயகாந்த்,கார்த்திக்,முரளி,சத்யராஜ்,பிரபு உள்ளிட்ட முண்ணனி நட்சத்திரங்களுடன் கூட்டணி அமையும் போதெல்லாம் மிகச்சிறந்த பாடல்கள் அவரது இசையில் பிறந்து இருக்கிறது.

80,90களில் தமிழ்சினிமாவிற்கு மிக ஆரோக்கியமான ஆண்டாக அமைந்ததில் இசைஞானி இளையராஜா இசை முக்கிய காரணங்களில் ஒன்றாக இருந்து இருக்கிறது.'இசை இளையராஜா'

என்றாலே தியேட்டரை நோக்கி ரசிகர்கள் ஆர்வமுடன் பயணிக்க தொடங்கினர்.நிச்சயம் இது சிறந்தப்படமாக தான் இருக்கும்,என்ற நம்பிக்கை தான் அதற்கு காரணம்.

மனோ,எஸ்.பி.பி,அருண்மொழி, கே.ஜே.யேசுதாஸ்,சித்ரா,ஜானகி,ஸ்வர்ணலதா,சுசீலா,ஜானகி என தன்னுடைய இசையமைப்பில் பாடிய பாடகர்களை எல்லாம் அவர்கள் திறமை உணர்ந்து பாடல்களை தந்து சிறந்த பாடகர்களாக வளர செய்ததில் இசைஞானிக்கு நிகர் அவரே தான்.

தேவர் பிலிம்ஸ்,கவிதாலயா,A.v.m என பணியாற்றிய தயாரிப்பு நிறுவனங்களில் தனது அர்ப்பணிப்பு மிக்க பணியால் அவற்றின் வளர்ச்சியிலும் உறுதுணையாக இருந்திருக்கிறார்.

ஆயிரம் படங்களை தாண்டி ,இன்று கோடானு கோடி இசை ரசிகர்களை பெற்றப் போதும்,அவரின் ஆரம்ப காலங்கள் அவ்வளவு சுலபமாக இல்லை.கடுமையான உழைப்பின் மூலமாகவே அவர் இந்த இடத்தை பெற்றிருக்கிறார்.அதற்காக நிச்சயம் கர்வப்பட்டு கொள்ளலாம்.உலகுக்கே ஒரே சந்திரன்,சூரியன் போல இசை உலகிற்கே ஒரே ராஜாதான் அவர் இசைஞானி மட்டும் தான்.மீண்டும் ஒரு இளையராஜா நிச்சயம் பிறக்க வாய்ப்பில்லை,ஏனென்றால் ஆர்மோனியம் மீது இருப்பது கடவுளின் கரங்கள்...!