சுவையான வெண்டைக்காய் சாப்ஸ்.

தயிர் சாதம், சாம்பார் சாதத்துடன் சேர்த்து சாப்பிட அருமையாக இருக்கும் இந்த வெண்டைக்காய் சாப்ஸ். இன்று இந்த ரெசிபி செய்முறையை பார்க்கலாம்.

வெண்டைக்காய் சாப்ஸ்

தேவையான பொருட்கள் :

வெண்டைக்காய் - கால் கிலோ
கடலை மாவு - அரை கப்
அரிசி மாவு - அரை கப்
மிளகாய்த்தூள் - 2 டீஸ்பூன்
மஞ்சள்தூள் - கால் டீஸ்பூன்

எண்ணெய், உப்பு - தேவையான அளவு

செய்முறை:

வெண்டைக்காயை சிறிதாக நறுக்கி உலர வைத்துக்கொள்ளவும்.

அகன்ற பாத்திரத்தில் கடலை மாவு, அரிசி மாவு, மஞ்சள் தூள், மிளகாய் தூள், உப்பு ஆகியவற்றை ஒன்றாக கொட்டி கிளறிக்கொள்ளவும்.

பின்னர் அந்த கலவையுடன் வெண்டைக்காய் துண்டுகளை போட்டு புரட்டிக்கொள்ளவும்.

வாணலியில் எண்ணெய் ஊற்றி சூடானதும் வெண்டைக்காய் கலவையை உதிரியாக போட்டு பொரித்தெடுக்கவும்.

சூப்பரான வெண்டைக்காய் சாப்ஸ் ரெடி.