கிச்சன்_டிப்ஸ்.

♥ஆப்பிள், தேன், ரோஜாப்பூ, குங்குமப்பூ ஆகியவற்றை மிக்ஸியில் நன்கு அரைத்து லேசான சுடுநீரில் கலந்து தொடர்ந்து உண்டு வந்தால் சுகப்பிரசவம் கிடைக்கும்.

♥முருங்கை இலையை வாரம் இருமுறை சமைத்துச் சாப்பிட்டால் இடுப்பு வலி போன்ற வலிகள் குறையும்.

♥நன்றாக பொடி செய்த லவங்கத்துடன் பனை வெல்லத்தை கலந்து உட்கொண்டால் மாதவிடாய்க் காலங்களில் ஏற்படும் கடுமையான வயிற்றுவலி குணமாகும்!

♥கீரை வகைகளை ஒரு துணியால் சுற்றி ஃப்ரிட்ஜில் வைக்கவும். மூன்று, நான்கு நாட்களுக்கு அது புதிது போலவே இருக்கும்.

♥️கொண்டைக்கடலையை ஊற வைக்க மறந்துவிட்டால், கொதிக்கும் வெந்நீரை ஒரு ஹாட்பேக்கில் ஊற்றி அதில் கொண்டைக்கடலையை ஊற வைத்தால் ஒரு மணி நேரத்தில் நன்றாக ஊறி விடும்.

♥வாழைத்தண்டு பொரியல் சமைக்கும்போது ஒரு ஸ்பூன் பச்சரிசி, ஒரு ஸ்பூன் உளுந்து, நான்கு மிளகு, ஒரு மிளகாய் வற்றல் இவற்றை வறுத்துப்பொடி செய்து தூவி, கிளறி இறக்கினால் சுவையும் மணமும் தூக்கலாக இருக்கும்.

♥காலிஃப்ளவர் வேக வைக்கும்போது அதில் சிறிது பாலை விட்டால், பூவில் உள்ள அழுக்கு, கசடு போன்றவை மேலே வந்துவிடும். அதைச் சுலபமாகக் கரண்டியால் அப்புறப்படுத்தி விடலாம்!

♥காரப் பொரியலில் காரம் தூக்கலாகி விட்டதா? கவலை வேண்டாம். இரண்டு கசகசாவை மிக்ஸியில் தூளாக்கி காரப் பொரியலில் தூவி விடுங்கள். காரம் போயே போச்சுதான்.

♥அறுகம்புல்லில் சாறு எடுத்துச் சப்பாத்தி மாவில் கலந்து ரொட்டி செய்து சாப்பிடலாம். அந்தச்சாற்றில் தாது உப்புகளும், வைட்டமின்களும் அதிகம் உள்ளன.

♥பாகற்காயை வதக்கும்போது அதில் சிறிது எலுமிச்சைச்சாறு பிழிந்தால் கசப்பு குறைந்து சுவையாக இருக்கும்.

♥️சாம்பாரை அடுப்பில் இருந்து இறக்கிய பின்பு தேங்காய் எண்ணெயில் கறிவேப்பிலையை தாளித்து சேர்த்தால் சாம்பாரின் சுவை அதிகரிக்கும்.

♥️குலோப் ஜாமூன் செய்துவிட்டு மீதமுள்ள சர்க்கரை பாகில் நெய்யில் பிரெட்டை ரோஸ்ட் செய்து போட்டால் புதுவிதமான ஸ்வீட் தயார்.