சத்து நிறைந்த கீரை தயிர் மசியல்.

தினமும் கீரையை சேர்த்து கொள்வது உடல் ஆரோக்கியத்திற்கு மிகவும் நல்லது. அந்த வகையில் கீரை தயிர் மசியல் செய்வது எப்படி என்று பார்க்கலாம்.

கீரை தயிர் மசியல்

தேவையான பொருட்கள்

கீரை - 2 கப்
தேங்காய்த் துருவல் - அரை கப்
சீரகம் - 1 டீஸ்பூன்
பச்சை மிளகாய் - 4
தயிர் - 1 கப்

உப்பு - தேவைக்கு

செய்முறை :

கீரையை நன்றாக சுத்தம் செய்து பொடியாக நறுக்கி கொள்ளவும்.

தேங்காய்த் துருவல், பச்சை மிளகாய், சீரகம் ஆகியவற்றை ஒன்றாகச் சேர்த்து விழுதாக அரைத்து கொள்ளவும்.

வெறும் வாணலியில் முளைக் கீரையைப் போட்டு வேகவிடுங்கள்.

அடுத்து அதில் தேங்காய் கலவையை போட்டு கிளறவும்.

பின்னர் தேவையான அளவு உப்பு சேர்த்துக் கீரை கெட்டியானவுடன் இறக்கி, தயிர் சேர்த்துக் கலக்கிப் பரிமாறுங்கள்.

சூப்பரான கீரை தயிர் மசியல் ரெடி.

இதற்கு எந்த கீரையை வேண்டுமானலும் பயன்படுத்தலாம்.