அதுல கெடைச்சதுல தான் இந்த வீட்டை கட்டினேன்.

 இரண்டு அரசியல்வாதிகள் எதிரெதிர் கட்சியினராயினும் நெருங்கிய நண்பர்கள் . நிறைய்ய்ய சம்பாதித்தவர்கள். ஒருநாள் ஒருவர் மற்றவரை தன் வீட்டுக்கு விருந்துக்கு அழைத்தார். பலமான கறி விருந்து. வந்த நண்பரின் கவனம் பூராவும் விருந்து தந்த நண்பரது வீட்டின் மேலேயே இருந்தது. கோடிக்கணக்கான மதிப்புள்ள இவ்வளவு பெரிய வீட்டை எப்படி சம்பாதித்து கட்டியிருப்பார் என்று நினைத்துக் கொண்டிருந்

தவர், போகும்போது கேட்டே விட்டார். வெளியே வாங்க சொல்றேன் என நண்பரை அழைத்துப்போய் அதோ தெரியுதுங்களே அது என்னங்க என்று கேட்டார். ரயில்வே மேம்பாலம் ஒண்ணு தெரியுதுங்க என்றார். அதே தாங்க. நாந்தேன் கான்ட்ராக்ட் எடுத்து கட்டினேன். அதுல கெடைச்ச லாபத்துல தான் இந்த சின்ன வீட்டை கட்டினேன்னார்்

அடுத்தது இன்னொருவர் முறை. அந்த நண்பர் இந்த நண்பர் வீட்டுக்கு விருந்துண்ண வந்தார். தடபுடலான விருந்து. அந்த நண்பருக்கும் சந்தேகம். எப்படி சம்பாதித்து இவ்ளோ பெரிய பங்களாவை கட்டியிருப்பார் என்பது தான் அந்த சந்தேகம். கேட்டுவிட்டார். மாடிக்கு வாங்க சொல்றேன் எனக்கூறி நண்பரை மொட்டை மாடிக்கு அழைத்துப்போனார். அதோ தூரத்துல ஒரு அரசமரம் தெரியுதுங்களா? தெரியுதுங்க. அதும் பக்கத்துல என்ன தெரியுது ? ஒண்ணும் தெரியலைங்களே. வெறும் பொட்டல்வெளி தான் தெரியுது. ஆங்! அங்கதான் ஒரு குளம் வெட்ட கான்ட்ராக்ட் எடுத்தேன். அதுல கெடைச்சதுல தான் இந்த வீட்டை கட்டினேன்.