👉சமையலில் கீரைகள்!

முருங்கைக்கீரை, அகத்திக்கீரையை வதக்கும் போது கரண்டியின் காம்புப் பகுதியை வைத்துக் கிளறினால் கட்டியாக இல்லாமல் கீரை உதிரியாக இருக்கும்.

கீரையை வேகவைக்கும் போது பாத்திரத்தை சிறிது திறந்து வைத்தால் காயின் பசுமை நிறம் மாறாமல் சுவையாக இருக்கும்.

கீரையைப் பருப்புடன் சேர்த்து செய்யும்போது, தக்காளி, புளி சேர்க்காமல் நெல்லிக்காயைத் துருவிச் சேர்த்தால் சுவையாக இருக்கும்.

புதினாவை சுத்தம் செய்து பொடியாக நறுக்கி அரைத்து அதனை தக்காளி சூப்புடன் சேர்த்தால் சுவையாகவும் வாசனையாகவும் இருக்கும்.

கீரை மசியல் செய்யும்போது புளிக்கு பதிலாக பொடியாக அரிந்த மாங்காயைச் சேர்த்தால் மிகவும் சுவையாக இருக்கும்.

கீரையை சமைக்கும் போது சர்க்கரையை சேர்த்தால் சத்து போகாது.

பச்சைக் கொத்துமல்லித் தழையைப் பச்சையாகவே துவையல் அரைக்கும் போது புளி போடுவதற்குப் பதிலாக ஒரு துண்டு மாங்காயைப் போட்டு அரைத்தால் சுவையும் மணமும் அதிகமாகும்.

பச்சை கறிவேப்பிலையையும் கொத்தமல்லியையும் வதக்கக் கூடாது. பச்சையாக உணவில் சேர்த்தால் தான் சத்து அதிகமாக இருக்கும்.

கறிவேப்பிலையை நிழலில் உலர்த்தி இத்துடன் மிளகு, உப்பு, சீரகம், சுக்கு போன்றவற்றையும் சேர்த்து பொடியாக வைத்துக் கொண்டு குழம்பு, ரசம் ஆகியவற்றில் போட்டு சாப்பிடலாம். சுவையாக இருக்கும்.

கீரை மசியல் செய்ய கீரையை கடையும் போது அதனுடன் கால் டீஸ்பு+ன் சர்க்கரையை சேர்த்து கடைய கீரை தனிசுவையுடன் இருக்கும்.

கீரையை வேகவிடும்போது சிறிது எண்ணெயை அதனுடன் சேர்த்து வேக வைத்தால் கீரை பசுமையாகவும், ருசியாகவும் இருக்கும்.

கீரையை புளி ஊற்றிக் கடையும்போது, அத்துடன் நான்கைந்து மோர் மிளகாய் வற்றல்களையும் வறுத்துப் போட்டுக் கடைந்தால் மிகவும் ருசியாக இருக்கும்.

கீரை சமைக்கும்போது, ஒரு மிளகு அளவிலான வெற்றிலை பாக்குக்கு போடும் சுண்ணாம்பை கலந்துவிட்டால், கீரை வெந்த பிறகும் நிறம் மாறாமல் பச்சையாக இருக்கும்.