சென்ற 2013–14ம் நிதியாண்டில், நறுமணப் பொருட்கள் உற்பத்தியில், தமிழகம், 6வது இடத்தை பிடித்துள்ளது. இது குறித்து, தேசிய தோட்டக்கலை வாரியம் வெளியிட்டுள்ள இரண்டாவது முன்கூட்டிய மதிப்பீட்டு அறிக்கை விவரம் வருமாறு:
கடந்த நிதியாண்டில், நறுமணப் பொருட்கள் உற்பத்தியில், ஆந்திரா, முதலிடத்தை பிடித்துள்ளது. இப்பிரிவில், இம்மாநிலத்தின் உற்பத்தி, 12.17 லட்சம் டன் என்ற அளவில் உள்ளது. அடுத்த இடங்களில், ராஜஸ்தான் (9.87 லட்சம் டன்), குஜராத் (8.48 லட்சம் டன்), மத்திய பிரதேசம் (4.54 லட்சம் டன்), கர்நாடகா (3.81 லட்சம் டன்) ஆகியவை உள்ளன.
தமிழகம், 3.49 லட்சம் டன் நறுமணப் பொருட்களை உற்பத்தி செய்து, 6வது இடத்தை பிடித்து உள்ளது.இதை தொடர்ந்து, அசாம் (2.87 லட்சம் டன்), உத்தர பிரதேசம் (2.12 லட்சம் டன்), மேற்கு வங்கம் (2.07 லட்சம் டன்) ஆகியவை உள்ளன. இந்த பட்டியலில், 10வது இடத்தில் உள்ள ஒடிசா, 1.81 லட்சம் டன் நறுமணப் பொருட்களை உற்பத்தி செய்துள்ளது. இவ்வாறு, அந்த அறிக்கையில் கூறப்பட்டுள்ளது.
நறுமணப் பொருட்கள் பட்டியலில், பட்டை, லவங்கம், ஏலக்காய், சீரகம், கடுகு, மஞ்சள், மிளகு, இஞ்சி உள்ளிட்டவை அடங்கியுள்ளன.
No comments:
Post a Comment