🔘 ஆஸ்துமா🔘

 

ஆஸ்துமா என்ற இரைப்பு நோய் முன்பெல்லாம் மழைக்காலம், பனிக்காலங்களில் ஒரு மிகப்பெரும் அஞ்சும் நோயாக இருந்தது. ஆனால் தற்போது ஆஸ்துமாவால் இலட்சக்கணக்கான மக்கள் எல்லாப் பருவக் காலங்களிலும், அவதிப்படுகிறார்கள்.

சில நேரங்களில் இந்நோய் மிகத் தீவிரமான பிரச்சனையாகிறது.

இந்நோயனது ஆஸ்துமா என்ற பெயரில் மட்டும் இல்லாமல் இலுப்பு நோய், இரைப்பு நோய், சுவாச நோய், காசநோய் என்றப் பெயரிலும் அழைக்கப்படுகிறது.

ஆஸ்துமா நோய் என்றால் என்ன !?

மனிதனின் சுவாசக் கோளங்களில் ஏற்படும் சுருக்கத்தாலும், இருக்கத்தாலும், நெருக்கத்தாலும் போதியக் காற்று நுரையீரலில் நுழையமுடியாத நிலை ஏற்படுகிறது. இதனால் நல்ல நிலையில் இருக்கும் ஒருவர் லேசாக இரும ஆரம்பித்து, தொடர்ந்து மூச்சுத் தின்றல் உண்டாகி மூச்சுவிடமுடியாமல் மிகுந்த சிரமப்படுவர்.

இவ்வாறு சுவாசக் கோளங்களில் ஏற்பட்டப் பிரச்சனையால் மூச்சுவிட பெரிதும் சிரமப்படுவதால் செயற்கையாக இழுத்து சுவாசம் பெறுவர். அப்போது மூச்சு உள்ளிலுக்கும்போதும், வெளிவிடும்போதும் விசில் ஊதுவது போன்ற சத்தம் ஏற்படும். இதனையே ஆங்கிலத்தில் “வீசிங்” என்றழைக்கின்றனர்.

ஆஸ்துமா நோயாளியின் தன்மைகள்

மனிதனின் அடிப்படைத் தேவையானது மூச்சே. மூச்சு வாங்கவே சிரமப்பட்டால் மனிதன் அடையும் தொல்லை, துன்பங்களை சொல்லித் தெரிந்துகொள்ளத் தேவையில்லை.

மார்பில் சளி உண்டாகி அது வெளியேறாமல், இறுகி கட்டும்போது அது உறைந்து மார்பை

அடைத்துக்கொள்கிறது. எனவே உடலானது சளியை வெளியேற்ற, நுரையீரல் இருமலை உண்டாக்கி அதன் மூலமாக சளியை வெளியேற்றுகிறது. இதனால் நோயாளிக்கு சிறிது சௌகரியம் தெரியும்.

ஆஸ்துமா வரக்காரணங்கள்

ஆஸ்துமா சிலருக்கு அலர்ஜியினாலும், சிலருக்கு அலர்ஜியில்லாமலும் வருகிறது.

இந்நோயானது பரம்பரை ரீதியாகவும், குடும்பத்திலுள்ள தாய், தந்தை மூலமாகவும் ஒரு வேளை அவர்களுடைய மூதாதையர்களுக்கு இருந்திருந்தாலும் இந்நோய் வரக் காரணமாக அமைகிறது.

மேலும் இந்நோய் சுற்றுப்புறச் சூழல் மாசுபடுவதாலும், நாம் உண்ணும் உணவில் கலக்கப்படும், இரசாயனக் கலப்புகளினாலும் ஏற்படுகிறது.

வாகனங்களிலிருந்து வெளியாகும் நச்சுப் புகையினாலும், கலப்படமான உணவுகளாலும் மனிதர்களின் தவறானப் பழக்கவழக்கங்களாலும் வருகிறது.

மேலும் அளவுக்கு அதிகமான மாத்திரை உட்கொள்வதனாலும் இந்நோய் ஏற்படுகிறது.

ஆஸ்துமா நோயின் அறிகுறிகள்.

ஆஸ்துமா நோய் எவ்வளவு நாளைக்கு ஒருமுறை வரும், எந்தக் காலங்களில் வரும் என்பதும் ஒவ்வொருவருக்கும் வேறுபடுகின்றது. ஒவ்வொரு முறையும் ஆஸ்துமா வருவதற்கு இடைப்பட்ட காலத்தில் அதிகமானப் பிரச்சனைகள் இருப்பதில்லை.

ஆஸ்துமாவினால் சிலருக்கு மூச்சடைப்பு மட்டும் வரும். சிலருக்கு இருமல், இலுப்பு பயங்கரமாக இருக்கும். லேசானத் தும்மல், மூக்கடைப்பு, மூக்கில் நீர் ஒழுகுதல், இதெல்லாம் பொதுவான விசயங்களே!

சிலருக்கு கண் சிவந்து காணப்படுதல், வயிறு உப்பிசம் , மலச்சிக்கல் (அ) பேதி ஆகிய தொந்தரவுகளும் சேர்ந்து காணப்படும்..

சில ஆஸ்துமா நோயாளிகளுக்கு நெஞ்சில் அழுத்துவது போன்ற உணர்வு ஏற்படும். இது சில நிமிடங்கள் முதல் சில நாட்கள் வரைக் கூட நீடிக்கும், தொடர்ந்தும் கூட இருக்கும்.

ஆஸ்துமா தீவிரமாக இருக்கும்போது நோயாளிகள் அதிகம் பேச இயலாது.

ஆஸ்துமாவினர் தவிர்க்க வேண்டியவைகள்:

ஒவ்வாமை ஏற்படின் அவ்வகை ஒவ்வாமை விஷயங்களை அறவே நீக்கிட வேண்டும்.

அளவுக்கு அதிகமான உடற்பயிற்சி செய்யக் கூடாது.

 இரவு அதிக அளவு உணவு உட்கொள்ளக் கூடாது.

புகையிலை போடுதல், புகைபிடித்தல் போன்ற தீய பழக்கங்களை கைவிட வேண்டும்.

 மழையில் நனைதல், பணியில் திரிதல் போன்றவைக் கூடாது.

மாசு, புகை, தூசு, ஒட்டடை, இரசாயனம் ஆகிய இடங்களைத் தவிர்த்தல் வேண்டும்.

 ஆஸ்துமாவை எந்த செயல் உண்டாக்குகிறதோ (அ) கூட்டுகிறதோ அதை தவிர்த்தல் வேண்டும்.

ஆஸ்துமாவினர் கடைபிடிக்க வேண்டியவைகள்:

 உணவு விஷயத்தில் மிகக் கவனமாக இருக்க வேண்டும். அஜீரணம் ஏற்படாமல் பார்த்துக் கொள்ளவேண்டும்.

 காற்றோட்டமான சூழ்நிலையில் இருக்க வேண்டும்.

 இலுப்பு ஏற்பட்டால் கை, கால்களில் சுடுநீர் வைத்து இருந்தால் உபாதைக் குறையும்.

 உணர்ச்சிவசப்படாமலும், மன அழுத்தமும் வராமலும் பார்த்துக் கொள்ள வேண்டும்.

 ஆஸ்துமா நோயாளி எளிதான உணவுகளையும், சூடான உணவுகளையும் உட்கொள்ள வேண்டும்.

 கண்டிப்பாக மூச்சுப்பயிற்சி, ஆசனப் பயிற்சிகளையும் மேற்கொள்ள வேண்டும்.

 உணவுகளில் இஞ்சி,தூதுவளை, துளசி, ஓமம்,சுக்கு,மிளகு போன்றவைகளை எடுத்துக் கொள்ள வேண்டும்.

எமது சித்த மருத்துவ ஆஸ்துமா சிகிச்சை

அஞ்சி நடுங்கும் ஆஸ்துமா நோயினால் எல்லாப் பருவங்களிலும் தொந்தரவுகள் இருந்தாலும், உயிருக்குப் பாதிப்பு இல்லை எனலாம். ஆனால் இதன் மூலம் மற்ற உறுப்புகள் பாதிப்படையும் போது, இதை நாம் மிகுந்த கவனம் கொள்ள வேண்டியுள்ளது.

ஆஸ்துமா நோய் ஒருமுறை நம்மை தாக்கிவிட்டால் தீர்க்கவே முடியாது என ஒரு சில மருத்துவத் துறைகளில் உள்ள, அத்துறை வல்லுனர்களே கூறுகின்றனர்.

ஆனால் தகுதியும், அனுபவமும் வாய்ந்த சித்த மருத்துவரால் நல்ல சிறப்புக்குரிய மருந்துகளைக் கொண்டு சிகிச்சை செய்யும் போது எத்தகைய ஆஸ்துமா நோயையும், எந்த நிலையிலிருந்தாலும், குணமாக்க இயலும் என்பதே அனுபவபூர்வமான உண்மையாகும்.

இந்நோய் பல ஆண்டுகள் தொடர்ந்து இருந்தாலும் அத்தகைய பாதிப்புகள் இல்லாமல் எங்களுடைய தருண் சித்த மருத்துவத்தின் மருந்துகள் மூலம் பூரண குணமடைந்து சந்தோசமாக வாழலாம்.

வாழ்க வளமுடன் ! வாழ்க நலமுடன் !!