12 ராசிகளுக்கான இந்த வார பலனும் பரிகாரமும்!

 வெள்ளி முதல் வியாழன் வரை (9.7.2021- 15.7.2021) இந்த வாரம் எந்த ராசிக்கு என்ன பலன். உங்கள் ராசிக்கான பலனும் இந்த வாரம் செய்ய வேண்டிய பரிகாரமும் காணுங்கள்.

மேஷம்

சுக்கிரன், புதன், குரு சாதக நிலையில் உள்ளனர். முருகர் வழிபாடு நலம் அளிக்கும்
அசுவினி: நண்பர்கள் மற்றும் சகோதரரால் பிரச்னைகள் தீர ஆரம்பிக்கும். வியாபாரத்தில் புது ஒப்பந்தம் செய்வீர்கள். உறவினரிடையே செல்வாக்கு கூடும். சாதனைகள் படைப்பீர்கள்.
பரணி: புதிய மனிதர்களின் அறிமுகத்தால் பொருளாதார வளர்ச்சி கூடும். கடந்த வாரங்களில் ஏற்பட்ட சிரமம் அகலும். பணியிடத்தில் உங்கள் வேலை பாராட்டப்படும், பக்கத்து வீட்டார்களிடம் ஒற்றுமை அதிகரிக்கும்.
கார்த்திகை, 1ம் பாதம்: குடும்பத்தில் இருந்த மனவருத்தம் தீரும். சகோதரவழியில் உதவி கிடைக்கும். பிள்ளைகளால் பெருமை காண்பீர்கள்.

ரிஷபம்

புதன், சூரியன், சந்திரனால் நற்பலன் உண்டு. பைரவர் வழிபாடு பலம் சேர்க்கும்.
கார்த்திகை 2,3,4: அண்டை வீட்டாருக்கு உதவுவீர்கள். சொத்து வாங்கும் விஷயத்தில் யோசித்து முடிவு எடுங்கள். குடும்பத்தினர் ஒத்துழைப்பர். உழைப்பால் வெற்றி பெறுவீா்கள்
ரோகிணி: கோபத்தைக் கட்டுப்படுத்த வேண்டும். குடும்ப வாழ்க்கை திருப்திகரமாக இருக்கும். மகனின் எதிர்காலம் பற்றிய பயம் நீங்கும். நண்பருக்குக் கொடுத்த கடன் வசூலாகும்.
மிருகசீரிடம் 1,2: சண்டை சச்சரவுகளில் சற்று விலகி நிற்பது நன்மை தரும். உடல்நலனில் கவனம் தேவை. எதையும் உற்சாகமாகச் செய்வீர்கள். மேலதிகாரி அல்லது ஆசிரியரின் பிடிவாதம் தளரும்.

மிதுனம்

ராகு, கேது, புதன் நன்மைகளை வழங்குவர். ராமர் வழிபாடு நன்மை தரும்.
மிருகசீரிடம், 3,4: சமூகத்தில் நற்பெயர் எடுப்பீர்கள். சகோதரர்களுக்கு ஏற்பட்ட பிரச்னை உங்கள் உதவியால் விலகும். மனதிற்கு மகிழ்ச்சியான செய்திகள் வரும்.
திருவாதிரை: பிரச்னைகளுக்கு நல்ல தீர்வு காண்பீர்கள். வீடு வாங்குவது குறித்து யோசிப்பீர்கள். சாமர்த்திய பேச்சால் நன்மை காண்பீர்கள். முக்கிய முடிவு எடுப்பதில் நல்லவர்கள் வழிகாட்டுவர்.
புனர்பூசம், 1,2,3: மனசஞ்சலம் விலகும். தன்னம்பிக்கையுடன் பொது விஷயங்களில் ஈடுபடுவீர்கள். உறவினர், நண்பர்கள் மத்தியில் அந்தஸ்து உயரும். முயற்சியில் வெற்றி கிட்டும்

கடகம்

ராகு, சுக்கிரன், சந்திரன் அனுகூல பலனை தருவர். குரு வழிபாடு துன்பம் போக்கும்.
புனர்பூசம்,4: சில்லறை செலவுகள் அதிகரிக்கும். சுபநிகழ்ச்சிகளை நடத்தி மகிழ்வீா்கள். குழந்தைகளால் மகிழ்ச்சி உண்டாகும். வியாபாரிகள் வேலைக்காரர்களிடம் சுமுகமாகப் பழகவும்.
பூசம்: பணவரவு சுமாராக இருக்கும். வீண்செலவுகளைக் குறைத்து நிம்மதி காண்பீர்கள். கலைத்துறையில் உள்ளவர்களுக்கு வருமானம் பெருகும். புதிய முதலீடுகளில் ஈடுபடுவது பற்றி யோசிப்பீர்கள்.
ஆயில்யம்: பண விஷயத்தில் மந்தநிலை நீடிக்கும். எதிர்பார்ப்பு முடியாமல் இழுபறி நீடிக்கும். பண வரவு சற்று தாமதமாகும். தொழிலில் சங்கடம் குறுக்கிட்டாலும் முடிவு நன்மையே.

சிம்மம்

சந்திரன், புதன், குரு, சூரியன் அதிர்ஷ்ட பலனளிப்பர். திருமகள் வழிபாடு சங்கடம் தீர்க்கும்.
மகம்: காணாமல் போன விலையுயர்ந்த பொருள் கிடைக்கும். உடன் இருப்பவர்களின் செயல்கள் உங்கள் கோபத்தை துாண்டலாம். குடும்பத்தினரிடம் வாக்குவாதத்தை தவிர்ப்பது நல்லது.
பூரம்: சகோதரர்கள் அல்லது சகோதரிகளுக்கு உதவி செய்வீர்கள். வியாபாரத்தில் புது தொடர்பு கிடைக்கும். சக ஊழியர்கள் உங்களுக்கு எதிராகச் செய்யும் விஷயம் பலிக்காது.
உத்திரம்,1: குடும்பத்தில் சந்தோஷம் நிலைக்கும். பழைய பிரச்னைகளுக்கு தீர்வு காண்பீர்கள். புதியவரின் நட்பால் உற்சாகமடைவீர்கள். புதிய சிந்தனைகள் பிறக்கும். பணிச்சுமை அதிகரித்தாலும் அநாயாசமாகச் சமாளிப்பீர்கள்.

கன்னி

செவ்வாய், சுக்கிரன், புதன் அனுகூல அமர்வில் உள்ளனர். குருவாயூரப்பன் வழிபாடு வளம் தரும்.
உத்திரம்,2,3,4: உடன் இருப்பவர்கள் ஒத்துழைப்பு தருவார்கள். எதிர்கால வளர்ச்சி குறித்து திட்டமிடுவீர்கள். அலுவலகத்தில் ஏற்பட்ட மன வருத்தம் நீங்கும்.
அஸ்தம்: அக்கம்பக்கத்தினரின் உதவியால் கஷ்டத்திலிருந்து மீள்வீர்கள். எதையும் தைரியத்துடன் எதிர்கொண்டு ஏற்றம் பெறுவீர்கள். மேலதிகாரிக்கு உங்கள் மீதிருந்த நல்ல அபிப்ராயம் கூடும்.
சித்திரை, 1,2: உடலுக்கு ஒவ்வாத உணவுகளை தவிர்ப்பது நல்லது. சில நன்மைகள் கடைசி நேரத்தில் கைநழுவிச் செனறால் கவலை வேண்டாம். அது நன்மைக்கே. பெண்களுக்கு இருந்த பிரச்னைகள் தீரும்

துலாம்

குரு, புதன், சந்திரன் கூடுதல் நற்பலன் தருவர். விநாயகர் வழிபாடு சுபிட்சம் அளிக்கும்.
சித்திரை, 3,4: பணவரவு சிறப்பாக இருக்கும். கடந்த வாரம் துவங்கிய முயற்சி நிறைவேறும். தேவைகள் நிறைவடையும். கடன் குறையும். பணியிடமாற்றம் பற்றிய நல்ல தகவல்கள் கிடைக்கும்.
சுவாதி: எதையும் நிதானித்து செய்வதால் நன்மை அடையலாம். நல்ல நோக்கத்துடன் நீங்கள் எடுக்கும் முடிவுகள் கூட மற்றவர்களால் விமர்சிக்கப்படலாம்.
விசாகம் 1,2,3: கைமாற்றாக வாங்கியிருந்த பணத்தை திருப்பித் தருவீர்கள். பழைய பிரச்னைகள் ஒரு முடிவுக்கு வந்து மனதில் நிம்மதி ஏற்படும். சுபசெய்திகள் வரும்.

விருச்சிகம்

சூரியன், குரு, புதன் நல்ல பலனைத் தருவர். பிள்ளையார் வழிபாடு வளம் தரும்.
விசாகம் 4: வெளிநாட்டு முயற்சி செய்பவர்களுக்கு சாதகமான பதில் கிடைக்கும். எடுத்த வேலையை முழுமையாக முடிக்க முடியாமல் இருந்த மந்தநிலை மாறும். பிள்ளைகளிடம் எதிர்மறையாக பேச வேண்டாம்.
அனுஷம்: பணியிடத்தில் வாக்குவாதங்களை தவிர்ப்பது நல்லது. பாதுகாப்பு விஷயத்தில் கவனம் தேவை. சகிப்புத் தன்மை தேவை. நண்பர்களுக்கு உங்களால் நன்மை உண்டாகும்.
கேட்டை: எதையும் சமாளிக்கும் ஆற்றல் பிறக்கும். அனுபவசாலிகளின் ஒத்துழைப்பு கிடைக்கும். பொது சேவைகளை முன்னின்று நடத்துவீர்கள். திட்டமிட்டு செயல்பட்டால் பிரச்னை நெருங்காது.
சந்திராஷ்டமம்: 9.7.2021 காலை 6:00 - 10.7.2021 இரவு 7:24 மணி

தனுசு

ராகு, கேது தாராள நற்பலன்களை வழங்குவர். தட்சிணாமூர்த்தி வழிபாடு நலம் தரும்.
மூலம்: வியாபாரத்தில் லாபம் சுமாராக இருக்கும். ஆடம்பர செலவுகளை குறைப்பது நல்லது. முயற்சிகளில் சிறு தடை உண்டாகக்கூடும். நன்மைகள் கிடைப்பதற்குச் சற்று அதிகப் பாடுபட வேண்டியிருக்கும்.
பூராடம்: இடமாற்றம் பற்றிய சிந்தனை மேலோங்கும் . பண விஷயத்தில் இருந்த தடைகள் அகலும். அரசு சம்பந்தப்பட்ட முயற்சிகளில் எதிர்பார்த்த பலன் கிடைக்கப் பாடுபட வேண்டியிருக்கும்.
உத்திராடம்,1: உரிய மருத்துவத்தால் தாயின் உடல்நிலை சீராகும். சொத்து சேர்க்கை உண்டாகும். ஆடம்பர பொருள் சேரும். குடும்பத்தில் திருப்தி நிலவும். கொடுக்கல் வாங்கலில் கவனம் தேவை. பெண்களுக்கு மாற்றமும் ஏற்றமும் வரும்.
சந்திராஷ்டமம்: 10.7.2021 இரவு 7:25 - 12.7.2021 நள்ளிரவு 3:26 மணி

மகரம்

சுக்கிரன், கேது, புதனால் நன்மை கிடைக்கும். அனுமன் வழிபாடு வளம் தரும்.
உத்திராடம்,2,3,4: தேவையற்ற பொருள் வாங்குவதால் வீண் செலவு ஏற்படலாம். பொறுப்பான துறையில் பணிபுரிபவர்கள் வேலைப்பளுவால் சிரமத்திற்கு ஆளாவர். வெளிநாட்டுக் கல்வி முயற்சி கைகூடும்.
திருவோணம்: நினைத்ததை நடத்தி முடிக்க நண்பர் கைகொடுப்பார். வருமானம் வருவதில் தாமதம் இருக்கும். விலை உயர்ந்த பொருட்களை வாங்கும் போது கவனம் தேவை.
அவிட்டம்,1,2: இளைய சகோதரர்களால் கவலை உண்டாகும். உடல்நலக்குறைவு ஏற்பட்டு மறையும். சொந்தத் தொழில் செய்பவர்கள் கவனமுடன் செயல்படுவது நல்லது.
சந்திராஷ்டமம்: 12.7.2021 நள்ளிரவு 3:27 - 15.7.2021 காலை 9:00 மணி

கும்பம்

புதன், சூரியன், செவ்வாயால் அளப்பரிய நன்மை கிடைக்கும். சனீஸ்வரர் வழிபாடு சுபிட்சம் தரும்.
அவிட்டம், 3,4: மகன் அல்லது மகளுக்குத் திருமணம் கைகூடும். மனதுக்கு பிடித்த இடத்திற்கு சென்று பொழுதை கழிப்பீர்கள். உறவினருடன் நெருக்கம் ஏற்படும்.
சதயம்: பொதுவாழ்வில் புகழ் கூடும். புதிய முயற்சியில் ஈடுபடுவீர்கள். மெயில் மூலம் மகிழ்ச்சியான தகவல் வரும். குடுமபத்தில் சுபநிகழ்ச்சி நடப்பதற்கான அறிகுறிகள் தோன்றும்.
பூரட்டாதி,1,2,3: வீடு, நிலம் சம்பந்தமான முதலீடுகளில் ஆர்வம் அதிகரிக்கும். வாழ்வில் மந்தநிலை மாறி வேகம் பிடிக்கும். நம்பி பழகியவர்களில் சிலரால் ஏமாற்றம் ஏற்பட வாய்ப்புண்டு.
சந்திராஷ்டமம்: 15.7.2021 காலை 9:01 மணி - நாள் முழுவதும்

மீனம்

குரு, சுக்கிரன், சனி அதிர்ஷ்ட பலன்களை வழங்குவர். குரு வழிபாடு சிரமம் தீர்க்கும்.
பூரட்டாதி, 4: தைரியத்தை கைவிட வேண்டாம். பணிச்சுமை காரணமாக சம்பந்தமில்லாத இடத்தில் கோபத்தை வெளிப்படுத்தாமல் கட்டுப்படுத்திக் கொள்வது நல்லது.
உத்திரட்டாதி: முயற்சிகளில் இருந்த தடை / தாமதம் நீங்கும். பணியாளர்கள் புதிய பொறுப்புகள் கிடைக்கப்பெற்று முன்னேற்றம் அடைவர். குடும்பத்தில் பிரச்னை வராமல் சமாளிப்பீர்கள்.
ரேவதி: கொடுக்கல், வாங்கலில் அவசர முடிவைத் தவிர்க்கவும். புதிய தொழில் செய்யும் எண்ணம் சிலருக்கு உண்டாகலாம். பணியாளர்கள் வெற்றி வாகை சூடும் வாரம் இது.