🌹#மைக்கேல்_மதன_காமராஜன்.

 படம் வெளிவந்து இன்றோடு (நேற்று) வெளியாகி 30 ஆண்டுகள்: கமல்ஹாசன் பகிர்ந்த அரிய தகவல்கள்

திரைப்படம் வெளியான நாள்

#1990 ஆம் ஆண்டு தீபாவளி திருநாள் அன்று

கமல்ஹாசனின் திரையுலக வாழ்க்கையில் மாபெரும் வெற்றிப் படங்களில் ஒன்றாக அமைந்த படம் 'மைக்கேல் மதன காமராஜன்'. சிங்கீதம் சீனிவாசராவ் இயக்கத்தில் கமல்ஹாசன், குஷ்பு, ஊர்வசி, நாகேஷ், மனோரமா, நாசர் எனப் பெரும் நட்சத்திர பட்டாளமே இப்படத்தில் நடித்திருந்தது. இதில் கமல்ஹாசன் மைக்கேல், மதன், காமேஷ்வரன், ராஜு என்று நான்கு கதாபாத்திரத்தில் நடித்திருந்தார்.

#இசைஞானி_இளையராஜா அவர்கள் அற்புதமான இசையில் 'மைக்கேல் மதன காமராஜன்' வெளியாகி 30 ஆண்டுகள் ஆகிவிட்ட நிலையில் இப்படம் உருவான விதம் குறித்தும், படத்தில் பயன்படுத்தப்பட்டிருந்த நுட்பங்கள் குறித்தும் கமல்ஹாசன் தனது முகநூல் பக்கத்தில் விரிவான விளக்கத்தைப் பல பதிவுகளாக வெளியிட்டிருந்தார்.

கமல்ஹாசனின் அந்த நீண்ட பதிவில் முக்கியமான சில பகுதிகளின் தொகுத்து

பகிர்ந்துள்ளேன் நண்பர்களே

வெள்ளி விழா கொண்டாடிய படம்

1990 ம் ஆண்டு தீபாவளிக்கு வெளியிடப்பட்ட இந்த படம் தொடர்ந்து 175 நாட்கள் ஓடி வெள்ளி விழா கொண்டாடியது. இந்த படத்தில் 4 கேரக்டர்கள் ஏற்பட நான்கு விதமாக உச்சரிப்புக்களை மாற்றி கமல் நடித்திருந்தார். கமல் கேட்டுக் கொண்டதால் இந்த படத்திற்காக ஊர்வசி தனது சொந்த குரலிலேயே டப்பிங் பேசி இருந்தார்.

பாடல்களில் என்ன ஸ்பெஷல்

இந்த படத்திற்கு இளையராஜா இசையமைத்திருந்தார். இந்த படத்தில் 7 பாடல்கள் இடம்பெற்றிருந்தன. இதில் "சுந்தரி நீயும்" பாடல் முழுக்க முழுக்க ஸ்லோ மோஷனில் எடுக்கப்பட்டது. முற்றிலும் ஸ்லோமோஷனில் எடுக்கப்பட்ட முதல் தமிழ் பாடல் இது தான். யேசுதாஸ் பிஸியாக இருந்ததால் இந்த பாடலை கமலே பாடினார். "ரம்பம்பம்" பாடலுக்கு பிரபுதேவா தான் நடனம் அமைத்திருந்தார்

‘சுந்தரி நீயும்’ பாடல் உருவான விதம்

முதலில் நாங்கள் எங்கள் சக கலைஞர்களைக் கிண்டல் செய்யவே விரும்பினோம். பெரும்பாலான திரைப்படங்களில் பின்னணியில் வெள்ளை உடை அணிந்துகொண்டு ஆடும் நடனக் கலைஞர்களைப் பார்க்கும்போது எனக்குக் கோபமே ஏற்படும். எனவே படத்தின் முதலிரவுக் காட்சியில் கைம்பெண்களை நடனம் ஆடச் செய்யலாம் என்று நாங்கள் தீர்மானித்தோம். அதற்குப் பின்னால் இருந்த காரணம், ‘திருப்பு’வுக்கு கைம்பெண் பாட்டி மட்டுமே ஒரே சொந்தம். ஆனால், அனைவரும் அதற்கு முற்றிலுமாக எதிர்ப்பு தெரிவித்தனர். ஆனாலும் இருவர் அதற்கு ஆதரவாக இருந்தோம். ஒருவர் இந்த யோசனையைச் சொன்ன சிங்கீதம், இன்னொருவர் சந்தேகமே இல்லாமல் நான்தான். அது எதிர்மறை விளைவை ஏற்படுத்திவிடும் என்று பஞ்சு அருணாச்சலம் அஞ்சினார். எனவே அப்பாடலை ஒரு பஜனையைப் போல, அதற்குப் பொருந்தும் வகையில் மார்கழி மாதத்தில் இருப்பது போல படமாக்க விரும்பினேன்.

ராஜாவைச் சந்தித்து அதற்கான ட்யூனை பாடிக் காட்டினேன். அவர் உடனடியாக ‘இது 1000 காலத்துப் பாரம்பரியம். இதை நான் செய்தே ஆக வேண்டும்’ என்று கூறினார். உடனடியாக நாங்கள் பாடல் உருவாக்கத்திற்காக அமர்ந்தோம், பாடல் வரிகளை எழுதுவதற்காக தமிழும் மலையாளமும் தெரிந்த ஒருவரை அழைத்து வந்தார். பாடல் பதிவுக்காக அனைத்தும் தயாராக இருந்தன. ராஜா பாடலுக்கான குறிப்புகளைக் கொடுத்துக் கொண்டிருந்தார். இது எப்போதுமே மதிய உணவு இடைவேளையின் போதுதான் நடக்கும். ராஜாவைப் பொறுத்தவரை நாம் அவருடைய குறிப்பில் ஒரு சிறிய பகுதியைத் தவறவிட்டால் கூட அனைத்தையும் தவறவிட்டு விடுவோம். ஒரு வால் நட்சத்திரத்தைப் பார்ப்பது போல அவரை மிக கவனமாகப் பார்க்க வேண்டும்.

திடீரென்று ராஜா என்னிடம் வந்து ட்யூன் மிகவும் பழையதாக இருப்பதுபோலத் தோன்றுவதாகச் சொன்னார். ஆனால் நான் என்னுடைய மனதில் பழைய ட்யூனையே பயன்படுத்த வேண்டும் என்று நினைத்துக் கொண்டிருந்ததால் உடனடியாக அது பழையது என்றுதான் நமக்குத் தெரியுமே என்று கூறினேன். உடனே ராஜா அதை விட விரைவாக ‘ஆனால் நாம் புதியவர்கள் ஆயிற்றே’ என்று பதிலளித்தார். மேலும் முழுக்க முழுக்க டிரம்ஸ் உடன் கூடிய நவீன வடிவத்தை உருவாக்கினார். வெறும் பெயரளவில் மட்டுமே நவீனமாக இருக்கக் கூடாது என்று நான் அவரிடம் கூறினேன். அவர் தன் மீது நம்பிக்கை வைக்குமாறு கூறினார். பாடல் மிகவும் சிறப்பாக வந்ததால் அதுகுறித்து நான் பதற்றம் அடையவில்லை. ட்யூன் போட்டு முடிந்ததும் இதை ஒரு முழு வெற்றிப் பாடலாக மாற்ற தங்களுக்கு ஒரு சரியான பாடகர் தேவை என்று அவர் கூறினார். மிக விரைவாக நான் யேசுதாஸ் பெயரைச் சொன்னேன். ஆனால், அவரோ தலையை வேண்டாம் என்பது போல ஆட்டி, என்னைப் பாடுமாறு கூறினார்.

நிகழ்த்திவிட முடியாத மேஜிக்

நான் அதற்குத் தயாராக இல்லை. அதிலிருந்து தப்பிக்கவே முயற்சி செய்து கொண்டிருந்தேன். ஆனால், நான்தான் அந்தப் பாடலைப் பாட வேண்டும் என்பதில் அவர் உறுதியாக இருந்தார். அந்த நம்பிக்கையை எனக்குள்ளும் விதைத்தார். பின்னணி இசைக்கு அவர் மனதில் என்ன இருக்கிறது என்பது குறித்து எனக்குத் தெரிந்திருக்கவில்லை. என் மனதில் மார்கழி மட்டுமே இன்னும் இருந்தது. ஆனால், அவர் அத்துடன் டிரம்ஸைச் சேர்த்து அதை நவீனமாக மாற்றினார். மேலும் அது மட்டுமே அந்தச் சூழலுக்குப் பொருந்திப் போகும் பாடலாக இருந்தது. அவர் பிரசாத் ஸ்டுடியாவில் இருந்து வெளியே வந்து தன் வேட்டியைக் கட்டியபடியே மிகவும் உற்சாகமாக இந்தப் பாடல் கண்டிப்பாக ஹிட் அடிக்கப் போகிறது என்றார். அது எல்லோராலும் நிகழ்த்திவிட முடியாத ஒரு மேஜிக். நான், பஞ்சு, இளையராஜா, சிங்கீதம் உள்ளிட்டோரால் அதை நிகழ்த்த முடிந்தது. காரணம் நாங்க ஒரு சமூகமாக இருந்தோம். நுட்பங்களால் மட்டுமே ஒரு படத்தை உருவாக்கிவிட இயலாது. ஜனநாயகம், அன்பு, விடாமுயற்சி ஆகியவை ஒரு படத்தை உருவாக்க தேவை என்று நாங்கள் நம்பினோம். ஆரம்பத்தில் பஞ்சு இதிலிருந்து விலகியே இருந்தார். அவரே ஒரு கதாசிரியர்தான் என்பதால் எந்த ஒரு விவாதத்திலும் நாங்கள் அவரை ஈடுபடுத்தவில்லை என்று அதிருப்தியில் இருந்தார். ஆனால், அது தன்னுடைய ஸ்டைல் அல்ல என்பதையும், நான் வேறொரு திசையில் சென்று கொண்டிருக்கிறேன் என்பதையும் அவர் புரிந்துகொண்டார்

நன்றி ++++++இந்து தமிழ்

அன்புடன் உங்கள்

#Ilayaraja Isai Pasarai

இளையராஜா இசைப்பாசறை