Monday, July 18, 2016

தமிழ் எழுத்துகளில் -

மூன்று சுழி “ண” , இரண்டு சுழி “ன” என்ன வித்தியாசம்?
தமிழ் எழுத்துகளில் -
இரண்டு சுழி ன என்பதும் தவறு!
மூன்று சுழி ண என்பதும் தவறு!

ண இதன் பெயர் டண்ணகரம்,ன இதன் பெயர் றன்னகரம் என்பதே சரி.

மண்டபம், கொண்டாட்டம் – என எங்கெல்லாம் இந்த மூன்று சுழி ணகர ஒற்றெழுத்து வருகிறதோ, அதையடுத்து வருகிற உயிர்மெய் எழுத்து ட வர்க்க எழுத்தாகத்தான் இருக்கும். இதனால இதுக்கு டண்ணகரம் னு பெயர். (சொல்லிப் பாருங்களேன்?)
தென்றல், சென்றான் – என எங்கெல்லாம் இந்த இரண்டு சுழி னகர ஒற்றெழுத்து வருகிறதோ, அதையடுத்து வருகிற உயிர்மெய் எழுத்து ற வர்க்க எழுத்தாகத்தான் இருக்கும். இதனால இதுக்கு றன்னகரம் னு பெயர். (சும்மா சொல்லிப்பாருங்க?)
இது இரண்டும் என்றுமே மாறி வராது.. வேற மாதிரி சொன்னால் இதுவும் வர்க்க ஒற்றுமைதான்!
(வர்க்க எழுத்து-ன்னா, சேர்ந்து வருகிற எழுத்து! அவ்ளோதான்)
இந்தப் பெயரோடு (டண்ணகரம், றன்னகரம்)
இந்த ண, ன எழுத்துகளை அறிந்து கொண்டால் எழுத்துப் பிழையும் குறையும்.
மண்டபமா? மன்டபமா? சந்தேகம் வந்தா...
பக்கத்துல ட இருக்கா,
அப்ப இங்க மூன்று சுழி ண தான் வரும்.
ஏன்னா அது டண்ணகரம்.
கொன்றானா? கொண்றானா? சந்தேகம் வந்தா...
பக்கத்துல ற இருக்கா
அப்ப இங்க இரண்டு சுழி ன தான் வரும்.
ஏன்னா அது றன்னகரம்.
என்று புரிந்து கொள்ளலாம்.
இதே மாதிரித்தான் ந கரம் என்பதை, தந்நகரம்னு சொல்லணும்
ஏன்னா இந்த ந் எழுத்தை அடுத்து
வரக்கூடிய உயிர்மெய் த மட்டுமே. (பந்து, வெந்தயம், மந்தை).....

No comments:

Post a Comment