கலர் படங்களில் பார்ப்பதைவிட கறுப்பு வெள்ளை படங்களில் இவரின் அழகு எப்போதும் தூக்கலாகவே தான் இருக்கும்....
கண்களால் பேசும் நடிகைகள் ஒரு சிலர் தான்... அவர்களில் நளினம் ததும்பும் கண்கள் இவரோடது... இவரது பேசும் கண்கள் சிலுக்கு போல போதை தராது... மாதவி போல மயக்கம் தராது... ஆனால் நிஜமான ஒரு காதலை முன்னே நிறுத்தும்.... "எரும... நான் போதாதா ஒனக்கு....." என்று கேட்கும் கண்கள் அவைகள்...
அழகு, நளினம், நடிப்பு, அதிலும் மெஜூரிட்டி.... இப்டி எல்லாம் ஒன்றாய் சேர்ந்த நடிகைகளின் இருப்பு ரொம்ப கம்மி... இல்லையா... அதில இவங்க முதன்மையானவங்க...
பாருங்க... அந்த சின்ன வயசு கமலஹாசனோட வயது மீறியும் பொருந்தி போகும் அந்த பாந்தம்... அப்டியே ரஜினி மனைவியாகவும் சரியா செட் ஆகுற இயல்பு....
அதான் ஸ்ரீவித்யா....
இவரை எந்த இடத்திலும் பொருத்தி பார்த்துவிட முடியும்... அப்படி ஒரு ஜோக்கர் போன்றவர் இவர்... ஜோக்கருக்கு தான் எந்த இடத்திலும் பொருந்திப்போகும் திறமை இருக்கிறது என்பது தான் உண்மை.... கமலோடு அபூர்வ ராகம் பாடிய அதே ஸ்ரீவித்யா சாப்ளின் செல்லப்பாவுக்கு மேட்ச் ஆனதும் அப்டி ஒரு அதிசயம் தான்... அதே அபூர்வ சகோக்களுக்கு அம்மாவும் இவரே.... அதே நேரம் நவீன கால விஜயின் காதலுக்கு மிகப்பெரிய மரியாதை செய்ததும் இவரே....
திரைத்துறையில் எல்லாம் தெரிந்திருந்த இவருக்கு சொந்த வாழ்க்கையில் நல்லதனமாய் முடிவெடுக்க தெரியாமல் கடைசிவரை பரிதாபமாகவே வாழ்ந்து முடித்துவிட்ட ஒரு ஜீவன்.... அது ஒன்று தான் பெரும் உறுத்தல்... பாவம்...
ஸ்ரீவித்யான்னாலே அபூர்வ ராகங்கள், அபூர்வ சகோதரர்கள், நம்மவர், புன்னகை மன்னன் மாதிரியான படங்கள் நம் நினைவைவிட்டு நீங்க மறுக்கின்றன....
No comments:
Post a Comment