பருப்பு கீரை ஃப்ரைடு ரைஸ்.

தினமும் ஏதாவது ஒரு கீரையை உணவில் சேர்த்து கொள்வது நல்லது. குழந்தைகள் கீரை சாப்பிட மறுக்கும். அவர்களுக்கு கீரையை இவ்வாறு செய்து கொடுத்தால் விரும்பி சாப்பிடுவார்கள்.

பருப்பு கீரை ஃப்ரைடு ரைஸ்

தேவையான பொருட்கள் :

உதிரியாக வடித்த சாதம் - ஒரு கப்  
பருப்புக்கீரை - 1 கட்டு
வெங்காயம் - ஒன்று
பச்சை மிளகாய் - 2
எலுமிச்சைச் சாறு - ஒரு டீஸ்பூன்
தனியா (மல்லி) - ஒரு டீஸ்பூன்
பட்டை - சிறிய துண்டு
கிராம்பு - ஒன்று
பூண்டுப் பல் - 4

எண்ணெய், உப்பு - தேவையான அளவு.

செய்முறை:

பருப்பு கீரையை நன்றாக கழுவி பொடியாக நறுக்கி கொள்ளவும்.

வெங்காயம். ப.மிளகாயை பொடியாக நறுக்கி கொள்ளவும்.

வெறும் வாணலியில் தனியா பட்டை கிராம்பு பூண்டு சேர்த்து வறுத்துப் பொடிக்கவும்.

வாணலியில் எண்ணெய் விட்டுச் சூடானதும் பச்சை மிளகாய், வெங்காயம் சேர்த்து வதக்கவும்.

வெங்காயம் சற்று வதங்கியதும் கீரை சேர்த்து வதக்கவும்.

இதனுடன் உப்பு, அரைத்த பொடி சாதம் சேர்த்துக் கிளறி இறக்கவும்.

எலுமிச்சைச் சாறு கலந்து பரிமாறவும்.

சூப்பரான பருப்பு கீரை ஃப்ரைடு ரைஸ் ரெடி.

 எந்த கீரையிலும் இந்த ரெசிபியை செய்யலாம்.