தை மாத நிறைவு வெள்ளிக்கிழமை நாளில், அம்பாளை தரிசனம் செய்ய மறக்காதீர்கள். இந்த நாளில் அம்பாளுக்கு பூக்கள் சூட்டி, தீபமேற்றி வழிபட்டால், இன்னும் இன்னும் உங்களை வளமாக வாழச் செய்வாள் தேவி.
அருகில் உள்ள அம்மன் கோயிலுக்குச் செல்லுங்கள். அம்பாளை மனமுருகப் பிரார்த்தனை செய்யுங்கள். உங்கள் வீட்டில் கடன் பிரச்சினையாக இருந்தாலும் கல்வியில் குழந்தைகள் மந்தமாக இருந்தாலும் சரி, நல்ல உத்தியோகம் கணவருக்கு அமைய வேண்டும் என்றாலும் சரி, உத்தியோகத்தில் பதவி உயர்வு கிடைக்க வேண்டும் என்று கவலைப்பட்டுக் கொண்டிருந்தாலும் சரி...
சகல பிரச்சினைகளையும் அம்மனுக்கு முன்னே எடுத்துவையுங்கள். அனைத்தையும் சீராக்கித் தந்தருள்வாள் அன்னை.
தை நிறைவு வெள்ளி நாளில், அம்பாளுக்கு எலுமிச்சை தீபமேற்றுங்கள், செவ்வரளி மாலை சார்த்துங்கள். உங்கள் குடும்பத்தில் எத்தனை பேர் இருக்கிறார்களோ அந்த எண்ணிக்கைக்குத் தக்கபடி, தாமரை மலர்கள் சூட்டி, அனைவருக்காகவும் பிரார்த்தனை செய்துகொள்ளுங்கள்.
அம்மனுக்கு குங்கும அர்ச்சனை செய்து வழிபடுங்கள். உங்கள் குங்குமத்தைக் காத்தருள்வாள் தேவி. மாங்கல்ய பலம் தந்து, மனை யோகமெல்லாம் தந்தருள்வாள் அம்பிகை.
No comments:
Post a Comment