குழந்தைகளுக்கு விருப்பமான கேரட் தேங்காய் பர்ஃபி.

கேரட்டில் வைட்டமின் A சத்து நிறைந்துள்ளது. மேலும் உடலுக்கு தேவையான நல்ல வைட்டமின்கள் உள்ளன. இன்று கேரட்டை வைத்து அருமையான பர்ஃபி செய்வது எப்படி என்று பார்க்கலாம்.

கேரட் தேங்காய் பர்ஃபி

தேவையான பொருட்கள் :

தேங்காய்த் துருவல் - கால் கப்
கேரட் துருவல் - கால் கப்
சர்க்கரை - ஒரு கப்
நெய் -  தேவையான அளவு

ஏலக்காய் - 4 (பொடித்துக் கொள்ளவும்).

செய்முறை:

வாணலியில் தேங்காய்த் துருவல், கேரட் துருவல், சர்க்கரை சேர்த்து தீயை மிதமாக்கி கிளறவும்.

இடைஇடையே நெய் சேர்த்து கிளறவும்.

சர்க்கரை தானே இளகி வரும்போது கேரட் துருவல் வெந்துவிடும்.

கலவை சுருண்டு நெய் வெளியில் வரும்போது ஏலக்காயை சேர்த்துக் கிளறி, நெய் தடவிய தட்டில் கொட்டி ஆற விட்டு துண்டுகள் போடவும்.

சுவையான கேரட் தேங்காய் பர்ஃபி ரெடி