சிவப்பரிசி இனிப்பு புட்டு.

நொறுக்குத்தீனிக்கு மாற்றாக ஊட்டச்சத்துக்கள் நிறைந்த புட்டை வீட்டில் தயாரித்து சுவைக்கலாம். இன்று சிவப்பரிசியில் புட்டு செய்வது எப்படி என்று பார்க்கலாம்.

சிவப்பரிசி இனிப்பு புட்டு

தேவையான பொருட்கள் :

சிவப்பு புட்டரிசி மாவு - 1 கப்
சர்க்கரை - தேவையான அளவு
தேங்காய் துருவல் - கால் கப்
ஏலக்காய்தூள் - அரை டீஸ்பூன்

நெய் - சிறிதளவு

செய்முறை:

சிவப்பு புட்டரிசி மாவுடன் சிறிதளவு தண்ணீர் சேர்த்து பிசைந்து அதனுடன் ஏலக்காய் தூளையும் சேர்த்து அரை மணி நேரம் ஊற வைக்கவும்.

பின்னர் அதனுடன் நெய் சேர்த்து கிளறவும்.

புட்டு குழாயில் மாவு கலவை, சிறிதளவு சர்க்கரை, தேங்காய் துருவல் ஆகிய மூன்றையும் வரிசையாக போட்டு வேக வைத்து இறக்கவும்.

சுவையான சிவப்பரிசி இனிப்பு புட்டு தயார்.