சத்தான கொள்ளு லட்டு.

வீட்டில் இருக்கும் சிறிவர், பெரியோர்களுக்கு சத்தான ஸ்நாக்ஸ் செய்து கொடுக்க விரும்பினால் கொள்ளு லட்டு செய்து கொடுக்கலாம். இன்று அதன் செய்முறையை பார்க்கலாம்.

கொள்ளு லட்டு

தேவையான பொருட்கள்

கொள்ளு - ஒரு கிண்ணம்
வெல்லம் - முக்கால் கிண்ணம்
நெய் - சிறிதளவு.
ஏலக்காய்த்தூள் - கால் தேக்கரண்டி

தேங்காய் துருவல் - கால் கிண்ணம்

செய்முறை :
வெல்லத்தை பொடித்து கொள்ளவும்.

வாணலியில் நெய் விட்டு கொள்ளுவை போட்டு இளம்பதமாக வறுத்து எடுத்து குக்கரில் ஒரு விசில் வரும் வரை வேகவிட்டு எடுக்கவும்

பிறகு நீரை நன்கு வடித்து… பொடித்த வெல்லம், ஏலக்காய்த்தூள் சேர்த்து மிக்சியில் ஒரு சுற்று சுற்றவும்.

இதனுடன் தேங்காய் துருவல் சேர்த்து நன்கு கலந்து சின்னச் சின்ன உருண்டைகளாக பிடித்து சாப்பிடக் கொடுக்கவும்.

சுவையான கொள்ளு லட்டு தயார்.