பீட்ரூட் தேங்காய்ப்பால் ஜூஸ்.

வாரத்துக்கு ஒருமுறை இந்த பீட்ரூட் தேங்காய்ப்பால் ஜூஸை எடுத்துக்கொண்டால் உடலிலுள்ள கழிவுகள் நீங்கும். இந்த ஜூஸ் செய்வது எப்படி என்று பார்க்கலாம்.

பீட்ரூட் தேங்காய்ப்பால் ஜூஸ்

தேவையான பொருட்கள் :

தேங்காய் - ஒரு மூடி (துருவிக்கொள்ளவும்)
துருவிய பீட்ரூட் - கால் கப்
நாட்டு சர்க்கரை - தேவையான அளவு

ஏலக்காய் - 3.

செய்முறை:

ஒரு பெரிய மிக்ஸி ஜாரில் தேங்காய்த் துருவல், பீட்ரூட் துருவல், ஏலக்காய், நாட்டு சர்க்கரை சேர்த்து கால் கப் தண்ணீர் ஊற்றி அரைத்துக்கொள்ளவும்.

பிறகு வடிகட்டியில் வடிகட்டி பிழிந்துகொள்ளவும்.

மீண்டும் ஒருமுறை பிழிந்த தேங்காய் - பீட்ரூட் விழுதை மிக்ஸியில் சேர்த்து சிறிதளவு தண்ணீர் ஊற்றி அரைத்துக்கொள்ளவும்.

அரைத்த விழுதை வடிகட்டி நன்கு பிழிந்து வடிகட்டிக்கொள்ளவும்.

இந்தச் சாற்றை ஏற்கெனவே எடுத்து வைத்த சாற்றுடன் நன்கு கலந்து பரிமாறவும்.