நார்த்தங்காய் ரசம்.

வயிற்று உபாதைகளால் அவதிப்படுபர்கள் நார்த்தங்காய் ரசம் வைத்து சாப்பிடலாம். இன்று இந்த ரசம் செய்வது எப்படி என்று பார்க்கலாம்.

நார்த்தங்காய் ரசம்

தேவையான பொருட்கள்

இஞ்சி - 1 துண்டு,
பச்சை மிளகாய் - 2,
நார்த்தங்காய் சாறு - 2 டீஸ்பூன்,
மஞ்சள் தூள் - 1 சிட்டிகை,
பெருங்காயம், மிளகு, சீரகப் பொடி - 1 டீஸ்பூன்,
கறிவேப்பிலை, கொத்தமல்லி - சிறிது,
உப்பு - தேவையான அளவு,
பருப்பு தண்ணீர் - 1 கப்,
கடுகு,வெந்தயம் - தாளிப்பதற்கு.

செய்முறை

ப.மிளகாயை நீளவாக்கில் வெட்டிக்கொள்ளவும்.

இஞ்சி, கொத்தமல்லியை பொடியாக நறுக்கி கொள்ளவும்.

கடாயை அடுப்பில் வைத்து ஒரு டீஸ்பூன் எண்ணெய் ஊற்றி சூடானதும் கடுகு, கறிவேப்பிலை, வெந்தயம் தாளித்து, பின் இஞ்சி, ப.மிளகாய், பெருங்காயம் சேர்த்து வதங்கியதும் மஞ்சள் பொடி, மிளகு, சீரகப்பொடி, பருப்பு தண்ணீர் சேர்த்து கொதி வரும் போது கொத்தமல்லி, நார்த்தங்காய் சாறு, உப்பு சேர்த்து இறக்கவும்.

சூப்பரான நார்த்தங்காய் ரசம் ரெடி.