சூப்பரான ஸ்நாக்ஸ் கீமா டிக்கி.

கீமா டிக்கி டெல்லி, லக்னோவில் மிகவும் பிரபலமானது. விடுமுறை நாட்களில் வீட்டில் செய்து சாப்பிட ஏற்றது. இன்று கீமா டிக்கியை எப்படி செய்வதென்று பார்க்கலாம்.

கீமா டிக்கி

தேவையான பொருட்கள்:

மட்டன் கீமா - 750 கிராம்

வெங்காயம் - 1
பூண்டு - 5 பற்கள்  
பச்சை மிளகாய் - 4
கரம் மசாலா - 1 டீஸ்பூன்
மிளகாய் தூள் - 1 டீஸ்பூன்
சாட் மசாலா - 1 டீஸ்பூன்
கொத்தமல்லி - சிறிது
நெய் - 1 டேபிள் ஸ்பூன்
கடலை மாவு - 2 டேபிள் ஸ்பூன்
எண்ணெய் - பொரிப்பதற்கு தேவையான அளவு
உப்பு - தேவையான அளவு

செய்முறை:

வெங்காயம், பூண்டு, ப.மிளகாய், கொத்தமல்லியை பொடியாக நறுக்கி கொள்ளவும்.

முதலில் மட்டன் கீமாவை நன்கு சுத்தமாக கழுவி நீரை முற்றிலும் வடித்துக் கொள்ள வேண்டும்.

ஒரு பாத்திரத்தில் மட்டன் கீமாவை போட்டு அதனுடன் நறுக்கிய வெங்காயம், பூண்டு, ப.மிளகாய், கொத்தமல்லி, உப்பு, கரம் மசாலா, மிளகாய் தூள், சாட் மசாலா சேர்த்து நன்றாக கலந்து அரை மணி நேரம் ஊறவைக்கவும்.

அரை மணி நேரம் கழித்து அதில் கடலை மாவை சேர்த்து கட்லெட் பிடிக்கும் வகையில் கலவை இருக்குமாறு பார்த்து கொள்ளவும். சற்று தளர்வாக இருந்தால் மேலும் கடலை மாவை சேர்த்து கொள்ளவும்.

பிறகு ஒரு வாணலியை அடுப்பில் வைத்து அதில் பொரிப்பதற்கு தேவையான அளவு எண்ணெய் ஊற்றி சூடேற்ற வேண்டும்.

அடுத்து அதில் ஊற வைத்துள்ள கீமா கலவையை வேண்டிய வடிவத்தில் தட்டி எண்ணெயில் போட்டு பொன்னிறமாக பொரித்து எடுத்தால் கீமா டிக்கி ரெடி!!!