'பார்வைகள்'.

 இணை பிரியா இரு தத்துவ ஞானிகள்.

ஒருவரையொருவர் வார்த்தைகளால் வாரிக் கொள்வதில் அதி வல்லவர்கள்.

ஒரு நாள், ஆற்றில் கைகோர்த்தபடி நடக்கலாயினர்.

அந்தப் பொன் மாலைப் பொழுதில் பொன்னிற மீன்கள் துள்ளின.

ஒருவர் சொன்னார்:

'ஆற்று மீன்கள் எவ்வளவு ஆனந்தமாய்த்

துள்ளிக் குதித்தாடுகின்றன பார்த்தீரா?

அடுத்தவர் முறைத்தார்:

'ஆற்று மீன்கள் ஆனந்தமாய்க் குதித்தாடுகின்றன என்று சொல்ல நீ என்ன ஆற்று மீனா? உனக்கெப்படி தெரியும் ?"

அவரும் பதிலுக்கு முறைத்தார்:

'எனக்குத் தெரியும், தெரியாது என்று சொல்ல நீ என்ன நானா?

கழுதை அசிங்கமாய் இருக்கிறது என்று சொல்ல நீ என்ன கழுதையா?

ஒரு தேவாங்குக்கு இன்னொரு தேவாங்கு தேவதையே!